თუშეთის სოფელში ომალოში სამი კაცი დაჭრეს. სამივე მათგანი კლინიკაშია გადაყვანილი. ერთ-ერთი დაჭრილის ჯანმრთელობის რთული მდგომარეობის გამო, თბილისში გადაიყვანეს.
ადგილობრივების ინფორმაციით, სოფელში ქორწილისა და ნათლობის სუფრები იყო გაშლილი. რა დროსაც არაფხიზელ მდგომარეობაში მყოფ პირებს შორის სიტყვიერი, შემდეგ კი ფიზიკური დაპირისპირება მოხდა.
დაჭრილებს შორის არის სიძე და მეჯვარე, ასევე პატარძლის ნათესავებიც.
“ჩვენ როგორც ვიცით, სხვადასხვა სუფრიდან ქორწილში მივიდნენ ახალგაზრდები ნასვამ მდგომარეობაში, რასაც მოჰყვა მხარეებს შორის ჯერ სიტყვიერი შემდეგ კი ფიზიკური დაპირისპირება. ამ შეხლა-შემოხლის დროს დაიჭრა სამი ადამიანი მათ შორის სიძეც, რომელიც საავადმყოფოშია გადაყვანილი. ასევე არიან ნაცემები. ეს მოხდა ადგილზე დაწყებული გაუგებრობით”- აცხადებენ ადგილობრივებ ( კომენტარს ambebi.ge ავრცელებს).
ფაქტზე გამოძიება სისხლის სამართლის კოდექსის 117-ე და 126-ე მუხლებით დაიწყო, რაც ჯანმრთელობის განზრახ მძიმე დაზიანებისა და ძალადობას გულისხმობს.
