24 წლის ქართველ დედას, რომელმაც შაბათს, 12 აგვისტოს ახალშობილი ტარანტოს ცენტრში, ქუჩაში, ნაგვის ურნასთან დატოვა 7 დღე მისცეს, რათა გადაწყვიტოს, დაიტოვებს თუ არა ბავშვს.
როგორც ირკვევა ქალი ტარანტოში რამდენიმე თვის წინ ჩავიდა და მომვლელად მუშაობდა. მისი თქმით, იმ სახლის სააბაზანოში იმშობიარა, სადაც მუშაობს. როგორც ახალგაზრდა ქალი აცხადებს, ერთ-ერთ ოჯახში აღმზრდელად აიყვანეს და ეშინოდა, რომ ჩვილის გამო სამსახურს დაკარგავდა.
იტალიური მედიის ცნობით, საკმაოდ დაბნეული ჩანდა და ურთიერთგამომრიცხავი პასუხები გასცა პირად ურთიერთობებზე და იმაზე, თუ ვინ შეიძლება ყოფილიყო ახალშობილის მამა.
,,ქალს ჰყავდა პარტნიორი, რომელთანაც ამჟამად დაშორებულია. ასევე ჰყავს კიდევ 4 წლის ვაჟი, რომელიც საქართველოში ცხოვრობს. ის იტალიაში მარტში ჩამოვიდა, ამ დროს უკვე ორსულობის მე – 4 თვეში იყო. მაგრამ არ არის დარწმუნებული, რომ ყოფილი პარტნიორი ახალშობილის მამაა”, – აცხადებს ადვოკატი.
ახალგაზრდა ქალის მიმართ არასრულწლოვანთა მიტოვებისა და მკვლელობის მცდელობის ბრალდებით გამოძიება მიმდინარეობს დაკითხვა, რომელიც დაახლოებით ორ საათს გაგრძელდა, საავადმყოფოში ჩატარდა, იმავე დღეს, როდესაც ბავშვი დატოვა.
ამჟამად, დედაც და ბავშვიც საავადმყოფოში არიან მოთავსებულები.