რაჭაში, ონის მუნიციპალიტეტში, კურორტ შოვის ტერიტორიაზე მეწყერი ჩამოწვა. გავრცელებული ინფორმაციით, მეწყერში 16 ადამიანია მოყოლილი.
,,მეწყერი ჩამოწვა, ველოდებით სამაშველოს და წუთი-წუთზე თუ არ მოვლენ ჩაგვიტანს ყველას, უამრავი ბავშვი და მოხუცია. შემოსაზღვრული ვართ, არანაირი გასავალი არაა. არის ორმეტრიანი ტალახი, რომელშიც ყველანი ჩავიხრჩობით, თუ დროზე არ მოვა ვერტმფრენი,”- განუცხადა “მთავარ არხს” ადგილობრივმა.