უკრაინული მედიის ინფორმაციით, ქვეყნის მთელ ტერიტორიაზე, დღეს დილით, საჰაერო განგაში გამოცხადდა
ოდესის ოლქის სახელმწიფო ადმინისტრაციის ხელმძღვანელის განცხადებით, ოკუპანტები უკრაინას „კალიბრის“ ტიპის რაკეტებს ესვრიან.
„ჰაერში მტრის თვითმფრინავია, ზღვაში კი – „კალიბრის“ რაკეტების მატარებელი ხომალდები. მტერმა რაკეტები გაუშვა! საჰაერო იერიში გახანგრძლივდება. გთხოვთ, ნუ უგულებელყოფთ საჰაერო თავდასხმის მაუწყებელ სიგნალს და გადადით თავშესაფრებში. ჩვენ გვჯერა საჰაერო თავდაცვის!“- წერს ოდესის ოლქის სამხედრო ადმინისტრაციის ხელმძღვანელი, მაქსიმ მარჩენკო სოციალურ ქსელში.
