55 წლის მამაკაცი, რომელიც მსახიობ ეკა ჩხეიძეს ქორწინებას სთხოვდა და უარის შემთხვევაში თვითმკვლელობით იმუქრებოდა, დაკავებულია. დაკავებულის სასამართლო პროცესი დღეს გაიმართა და პატიმრობა შეუფარდეს.
მსახიობ ეკა ჩხეიძის განმარტებით, დაკავებული მამაკაცი, დაახლოებით 2 წელია მას აწუხებს და მასთან ქორწინებას ითხოვს.
„ხშირად მოდიოდა ჩემს სახლთანაც და სამსახურთან. ითხოვდა მასზე დავქორწინებულიყავი, წინააღმდეგ შემთხვევაში, მემუქრებოდა, რომ თავს მოიკლავდა“ – აღნიშნა მსახიობმა.
ბრალდებულმა, რამდენიმე დღის უკან, მსახიობის სახლთან გასროლაც მოახდინა და თვითმკვლელობით იმუქრებოდა. დაკავებული მამაკაცი თავს დამნაშავედ ცნობს.
რაც შეეხება სასამართლოს გადაწყვეტილებას, დაკავებულ მამაკაცს, უჩა მიშველაძეს 3 000 ლარიანი გირაო და წინასწარი პატიმრობა შეეფარდა. გამოძიება სისხლის სამართლის კოდექსის 150-ე პრიმა მუხლის პირველი ნაწილით მიმდინარეობს რაც ქორწინების იძულებას გულისხმობს. მორიგი სასამართლო სხდომა 31 ოქტომბერს გაიმართება.