დღე: ოქტომბერი 15, 2024

გაეროში აცხადებენ, რომ ორგანიზაციის მშვიდობისმყოფელები ლიბანის სამხრეთით საკუთარ პოზიციებზე დარჩებიან. მშვიდობისმყოფელთა ხელმძღვანელმა ჟან-პიერ ლაკრუამ ჟურნალისტებს განუცხადა, რომ ამ გადაწყვეტილებას მხარს უჭერს როგორც გაეროს უშიშროების საბჭო, ასევე ორგანიზაციის წევრი სახელმწიფოები, რომელთა მოქალაქეები მისიაში მსახურობენ. მისი თქმით, სასიცოცხლოდ მნიშვნელოვანია, რომ ცისფერი ჩაფხუტები ადგილზე დარჩნენ და საკუთარი მანდატის ფარგლებში დაეხმარონ მშვიდობიან მოსახლეობას. ისრაელმა გაეროს ლიბანიდან მშვიდობისმყოფელების გაყვანა კვირას მოსთხოვა. ორგანიზაციაში ისრაელის სამხედრო ძალები გაეროს პოზიციებზე მიზანმიმართულ შეტევაში დაადანაშაულეს. ბრალდება კატეგორიულად უარყო ისრაელის პრემიერ-მინისტრმა ბენიამინ ნეთანიაჰუმ.

ისრაელი ირანის შესაძლო თავდასხმის მოსაგერიებლად ემზადება, თუმცა მას ჰაერსაწინააღმდეგო რაკეტების საკმარისი რაოდენობა არ გააჩნია. ინფორმაციას The Financial Times-ი ავრცელებს. „ისრაელს ტყვია-წამლის სერიოზული პრობლემა აქვს. თუ ირანი ისრაელის თავდასხმას უპასუხებს, და ამაში „ჰეზბოლაც“ ჩაერთვება, ებრაული ჰაერსაწინააღმდეგო სისტემა გადაიტვირთება. აშშ-ს აღარ შეუძლია უკრაინას და ისრაელს იგივე სისწრაფით მიაწოდოს იარაღი“, – ციტირებს გამოცემა ამერიკის ყოფილ სამხედრო ჩინოვნიკს დანა სტროულს. ისრაელის სახელმწიფო კონცერნის „ისრაელის საავიაციო მრეწველობაის” გენერალურმა დირექტორმა ბოაზ ლევიმ განაცხადა, რომ მისი საწარმო სამ ცვლაში მუშაობს, ხოლო ზოგი ხაზი – 24 საათი, რათა წარმოების საჭირო მოცულობას მიაღწიოს. „არავისთვის საიდუმლო არაა, რომ ჩვენ მარაგების…

აშშ-მა ირანის მთავრობა გააფრთხილა, შეწყვიტოს ნებისმიერი შეთქმულება, რესპუბლიკელების საპრეზიდენტო კანდიდატის დონალდ ტრამპის წინააღმდეგ. როგორც სააგენტო „როიტერი“ წერს, ამერიკელი მაღალჩინოსნები აცხადებენ, რომ ვაშინგტონი ტრამპის სიცოცხლეზე ნებისმიერ თავდასხმის მცდელობას ომის აქტად ჩათვლის. ანონიმური წყაროს ცნობით, აშშ-ის პრეზიდენტს, ჯო ბაიდენს რეგულარულად აწვდიან ინფორმაციას ირანის მხრიდან საფრთხეების შესახებ. წყარო აცხადებს, რომ ბაიდენმა თავის გუნდს დაავალა ირანელი მაღალჩინოსნებისთვის გაეგზავნათ შეტყობინებები, რომლებშიც თეირანს აფრთხილებდნენ, შეეწყვიტა ყველა შეთქმულება ტრამპისა და ყოფილი ამერიკელი მაღალჩინოსნების წინააღმდეგ. ირანმა თავის მხრივ, აშშ-ის საქმეებში ჩარევა უარყო და განუცხადა ამერიკას, რომ სწორედ შეერთებული შტატები ერეოდა წლების განმავლობაში მის შიდა საქმეებში.

გერმანიის მთავრობამ უარი თქვა ისრაელისთვის იარაღის მიყიდვაზე. Politico-ს მტკიცებით, ოფიციალური ბერლინი შიშობს, რომ ისრაელი გერმანულ იარაღს მშვიდობიანი მოსახლეობის წინააღმდეგ გამოიყენებს. შეიარაღების ექსპორტის შესახებ გადაწყვეტილებას გერმანიის უშიშროების ფედერალური საბჭო იღებს, რომელიც მთავრობის მაღალი თანამდებობის პირებისგან შედგება. როგორც გერმანული გამოცემა Bild-ი წერს, ისრაელისთვის იარაღის მიწოდებისგან თავი გერმანიის ვიცე-კანცლერმა რობერტ ჰაბეკმა და საგარეო საქმეთა მინისტრმა ანალენა ბერბოკმა შეიკავეს. მათ სურდათ მიეღოთ გარანტიები, რომ გერმანული იარაღის მშვიდობიანი მოსახლეობის წინააღმდეგ არ იქნებოდა გამოყენებული.

გაერო-ს გენერალური მდივანი ანტონიუ გუტერეში გმობს მსხვერპლის დიდ რაოდენობას ჩრდილოეთ ღაზაში ისრაელის ბოლოდროინდელი მოქმედებების დროს. „ის მტკიცედ მოუწოდებს კონფლიქტის ყველა მხარეს, დაიცვან საერთაშორისო ჰუმანიტარული სამართალი და ხაზს უსვამს, რომ სამოქალაქო პირები ყოველთვის უნდა იყვნენ დაცულები“, – განუცხადა ჟურნალისტებს გაერო-ს გენერალური მდივნის პრესსპიკერმა, სტეფან დუჟარიკმა.

ისრაელმა გასულ 24 საათში ღაზასა და ლიბანში დაახლოებით 230 ტერორისტული სამიზნე დაბომბა. ისრაელის თავდაცვის ძალების ცნობით, ლიბანში 200-ზე მეტი ჰეზბოლას სამიზნე დაბომბეს, მათ შორის რაკეტების გამშვები დანადგარები და ტანკსაწინააღმდეგო პოზიციები. ისრაელის ჯარებთან შეტაკებისას კი ჰეზბოლას ათობით მებრძოლი დაიღუპა. სამხედრო ოპერაციები ასევე გრძელდება ჯაბალიაში, ცენტრალურ და სამხრეთ ღაზაში.

უკრაინის პრეზიდენტი ვოლოდიმირ ზელენსკი ევროპული საბჭოს სამიტზე ევროკავშირის ქვეყნების ლიდერებს უკრაინის ,,გამარჯვების გეგმას” წარუდგენს. მანამდე ზელენსკიმ 14 ოქტომბერს გავრცელებულ ვიდეომიმართვაში აღნიშნა, რომ ამ კვირაში უკრაინა ევროპელ პარტნიორებს წარუდგენდა სტრატეგიას, რათა აიძულონ რუსეთი ეს ომი სამართლიანად დაამთავროს. შეგახსენებთ, რომ 17-18 ოქტომბერს ევროპული საბჭოს სამიტი გაიმართება, რომელიც ნაწილობრივ უკრაინის შემდგომ მხარდაჭერას მიეძღვნება.

ევროკავშირის წევრი ქვეყნების საგარეო საქმეთა მინისტრებმა განიხილეს ევროკავშირის სასწავლო მისიის გაგრძელება, რომელიც უკრაინელი სამხედროების მომზადებას უზრუნველყოფს. ამის შესახებ შეხვედრის შემდეგ, ჟურნალისტებთან ევროკავშირის საგარეო პოლიტიკისა და უსაფრთხოების პოლიტიკის საკითხებში უმაღლესმა წარმომადგენელმა ჟოზეპ ბორელმა განაცხადა. ,,ჩვენ უნდა მივაწოდოთ მეტი შესაძლებლობა უკრაინის შეიარაღებულ ძალებს და გავზარდოთ ჩვენი სასწავლო მისია. EUMAM-ის მისიის მანდატს მომდევნო ორი წლის განმავლობაშიც გავაგრძელებთ”, – განაცხადა მან და დასძინა, რომ იმედოვნებს, რომ ევროკავშირის საბჭოში ამ გადაწყვეტილებაზე კონსენსუსი იქნება. ევროკავშირის უმაღლესი დიპლომატი ასევე შეეხო ევროპის მშვიდობის ფონდის თანხების დაბლოკვის თემას, რომელიც წევრ ქვეყნებს უკრაინისთვის გაწეული სამხედრო დახმარებისთვის კომპენსაციისთვის ეგზავნებათ. ამასთან, მან…

,,ნატოს არ ეშინია რუსეთის მხრიდან მუქარის და გააგრძელებს კიევის ძლიერ მხარდაჭერას”, – ამის შესახებ ალიანსის გენერალურმა მდივანმა მარკ რუტემ ვისბადენში, გერმანიაში მისი პირველი ვიზიტის დროს განაცხადა. ,,მესიჯი პუტინისთვის არის ის, რომ ჩვენ გავაკეთებთ ყველაფერს, რაც საჭიროა, რათა დავრწმუნდეთ, რომ ის ვერ მიაღწევს თავის მიზნებს და უკრაინა გაიმარჯვებს”, – თქვა მარკ რუტემ ჟურნალისტებთან ინტერვიუში. ვისბადენში დაგეგმილია უკრაინის დახმარების მთავარი საკოორდინაციო ცენტრის განთავსება.