დღე: სექტემბერი 26, 2024

“ზელენსკის მხრიდან ჩვენს არჩევნებში ჩარევა, კანდიდატების აგიტაცია სულელობისა და ამპარტავნების უმაღლესი დონეა”– ამის შესახებ რესპუბლიკელი სენატორი ერიკ შმიტი „ტვიტერის“ გვერდზე წერს. როგორც სენატორი წერს, არ სჭირდებათ, უცხო ქვეყნის ლიდერები ჩაერიონ მათ არჩევნებში. „ეს ზელენსკის მხრიდან სულელობისა და ამპარტავნების უმაღლესი დონეა – ჩარევა ჩვენს არჩევნებში და კანდიდატების აგიტაცია. ეს ამერიკელების არჩევნებია და ჩვენ არ გვჭირდება, რომ უცხო ქვეყნის ლიდერები აშშ-ის ტერიტორიაზე ჩაერიონ არჩევნებში ან დაიჭირონ ვინმეს მხარე“- წერს ერიკ შმიტი. ცნობისთვის, უკრაინის პრეზიდენტი ვოლოდიმირ ზელენსკი შეერთებულ შტატებში, პენსილვანიაში ჩავიდა. ზელენსკის თქმით, „გამარჯვების გეგმას“ წარუდგენს ბაიდენს და სხვა პარტნიორი ქვეყნების ლიდერებს. „ვიწყებთ ვიზიტს…

აზერბაიჯანის თავდაცვის სამინისტრო სომხეთის არმიას სასაზღვრო მონაკვეთზე ცეცხლის გახსნაში ადანაშაულებს.  უწყების ინფორმაციით, ინციდენტი ნახიჩევანის ავტონონომიური რესპუბლიკის მიმართულებაზე მოხდა. ბაქოში აცხადებენ, რომ სომხეთის არმიის დანაყოფმა აზერბაიჯანის არმიის პოზიციებს მსხვილკალიბრიანი ტყვიამფრქვევებიდან ცეცხლი გაუხსნა, რის შემდეგაც აზერბაიჯანის არმიის ქვედანაყოფებმა საპასუხო ზომები მიიღეს. გავრცელებულ ინფორმაციას სომხეთს ხელისუფლება უარყოფს. „შეგახსენებთ, რომ სომხეთის რესპუბლიკის პრემიერ-მინისტრის აპარატმა შესთავაზა ბაქოს, შექმნილიყო სომხეთ-აზერბაიჯანის ერთობლივი მექანიზმი ცეცხლის შეწყვეტის დარღვევის შემთხვევების ან/და მათ შესახებ ინფორმაციის გამოსაძიებლად, რაზეც აზერბაიჯანს ჯერ არ უპასუხია“ – აღნიშნულია სომხეთის თავდაცვის სამინისტროს განცხადებაში.

“პალესტინელები არ წავლენ ღაზიდან, პალესტინა ჩვენი სამშობლოა, ჩვენი მამების და ბაბუების მიწა და თუ ვინმე წავა, ეს იქნება ოკუპანტი უზურპატორები”– ამის შესახებ პალესტინის ადმინისტრაციის ხელმძღვანელმა, მაჰმუდ აბასმა გერო-ს გენერალურ ასამბლეაზე განაცხადა. მაჰმუდ აბასმა ისრაელის პრემიერ-მინისტრი, ბენიამინ ნეთანიაჰუ ტყუილში დაადანაშაულა. „მაშინ ვინ მოკლა 15 000-ზე მეტი ბავშვი? შეაჩერეთ ეს დანაშაული. ახლავე გააჩერეთ. შეწყვიტეთ ბავშვებისა და ქალების მკვლელობა. შეაჩერეთ გენოციდი. შეწყვიტეთ იარაღის გაგზავნა ისრაელში. ეს სიგიჟე არ შეიძლება გაგრძელდეს. მთელი მსოფლიო პასუხისმგებელია იმაზე, რაც ხდება ჩვენს ხალხთან მიმართებაში ღაზასა და დასავლეთ ნაპირზე“– განაცხადა მაჰმუდ აბასმა.

„რუსეთის ლიდერმა, ვლადიმერ პუტინმა და მისმა გენერლებმა კარგად იციან, რომ ვინც პირველი გამოიყენებს ატომურ იარაღს, დაწყევლილი იქნება“ – ამის შესახებ პოლონეთის პრეზიდენტმა, ანჯეი დუდამ განაცახდა. პოლონეთის პრეზიდენტი მიიჩნევს, რომ რუსეთის პრეზიდენტის განცხადებებში ახალი არაფერია. „თუ ამას მშვიდად და პანიკის გარეშე შევხედავთ, ცხადი უნდა იყოს: ის იმეორებს იმას, რაც მრავალი წელია, რუსეთის სამხედრო დოქტრინაშია აღბეჭდილი, რომ რუსეთი იტოვებს უფლებას, გამოიყენოს ნებისმიერი საშუალება, მათ შორის, რა თქმა უნდა, ბირთვული იარაღი, რაც მის განკარგულებაშია, რუსეთისთვის საფრთხის შემთხვევაში. მეორეს მხრივ, ვლადიმერ პუტინმა, ისევე როგორც მისმა გენერლებმა იციან, რომ ვინც პირველად გამოიყენებს ატომურ იარაღს, დაწყევლილი იქნება……

საქართველოს საგარეო საქმეთა სამინისტრო საზღვარგარეთ მცხოვრები, საკონსულო აღრიცხვაზე მყოფი თანამემამულეების რიცხოვნობის შესახებ განცხადებას ავრცელებს. „გვსურს, გამოვეხმაუროთ გავრცელებულ ინფორმაციას საზღვარგარეთ მცხოვრები, საკონსულო აღრიცხვაზე მყოფი თანამემამულეების რიცხოვნობის შესახებ. სამწუხაროდ, ცალკეული პირები მანიპულირებენ საგარეო საქმეთა სამინისტროს ელექტრონული საკონსულო პორტალ geoconsul.gov.ge-ზე გამოქვეყნებული სტატისტიკით და აცხადებენ, თითქოს მოახლოებული საპარლამენტო არჩევნებისთვის რეგისტრაცია 128 000-მა თანამემამულემ გაიარა, მაშინ, როდესაც საგარეო საქმეთა სამინისტრომ ცენტრალურ საარჩევნო კომისიას 65 000 ამომრჩევლის მონაცემი გადასცა. საკონსულო მომსახურების ვებგვერდზე გამოქვეყნებულ მონაცემებთან დაკავშირებით განვმარტავთ შემდეგს: აღნიშნული ვებგვერდი ამოქმედდა 2015 წელს. შესაბამისად, ვებგვერდის სტატისტიკური მაჩვენებელი აღრიცხავს იმ პირთა რაოდენობას, ვინც 2015 წლიდან ისარგებლა ამ ვებ-გვერდით, მათ…

30-ზე მეტმა ქვეყანამ და ევროკავშირმა მიიღეს ერთობლივი დეკლარაცია უკრაინის აღდგენისა და რეკონსტრუქციის მხარდაჭერის შესახებ. ინფორმაციას ამის შესახებ თეთრი სახლი ავრცელებს და ამ მოვლენას ისტორიულს უწოდებს. დეკლარაციის მთავარი პუნქტები ითვალისწინებს უკრაინის დახმარებას ევროკავშირში გაწევრიანების გზაზე. ამასთან, დამატებით ფინანსური მხარდაჭერის უზრუნველყოფას წლის ბოლომდე დაახლოებით 50 მილიარდი დოლარის ოდენობით გაყინული რუსული აქტივებიდან მიღებული შემოსავლით და უკრაინის ეკონომიკურ აღდგენას დონორთა მეშვეობით. „მე მტკიცედ მაქვს გადაწყვეტილი უზრუნველვყო, უკრაინას ჰქონდეს ის, რაც მას სჭირდება გამარჯვებისთვის და გადარჩენისთვის საბრძოლველად. ხვალ მე გამოვაცხადებ რიგ ქმედებებს უკრაინის სამხედროების მხარდაჭერის დასაჩქარებლად“, – განაცხადა აშშ-ს პრეზიდენტმა, ჯო ბაიდენმა შეხვედრის შემდეგ. მან…

აშშ-ის სენატორმა ვერმონტიდან ბერნი სანდერსმა სხვა კანონმდებლებთან ერთად შეიმუშავა კანონპროექტი, რომელიც ისრაელისთვის 220 მილიონ დოლარზე მეტი ღირებულების მქონე იარაღის მიყიდვას კრძალავს. ინფორმაცია სანდერსის ოფიციალურ ვებ-გვერდზეა გამოქვეყნებული. „ნეთანიაჰუს ექსტრემისტული მთავრობისთვის იარაღის მომდევნო გაგზავნა მიუღებელია“, – წერია სანდერსის განცხადებაში. ამერიკელი კანონმდებელი თვლის, რომ ისრაელის პრემიერი არა მხოლოდ „ჰამასს“, არამედ პალესტინელ ხალხს ეომებოდა. ,,ისრაელის მთავრობამ პალესტინელი ხალხის წინააღმდეგ ტოტალური ომი გააჩაღა, 41 ათასი პალესტინელი მოკლა და 95 ათასი დაჭრა, რომელთაგან 60% ქალები, ბავშვები ან მოხუცებია“, – აღნიშნა სანდერსმა. მის განცხადებაში ასევე წერია, რომ ისრაელისთვის იარაღის მიწოდება არა მხოლოდ ამორალური, არამედ უკანონოც არის. „არსებობს…

ისრაელის სამხედრო ავიაციამ ლიბანის დედაქალაქი ბეირუთი დაბომბა. გავრცელებული ინფორმაციით, ისრაელის სამხედრო თვითმფრინავების სამიზნე ბეირუთის სამხრეთ უბნები გახდა. აფეთქებები მოხდა დაჰიეს უბანში, სადაც „ჰეზბოლას“ პოზიციები ძლიერია. ისრაელის თავდაცვის ძალებში აცხადებენ, რომ განხორციელდა მიზანმიმართული დარტყმები, რომელთა სამიზნე „ჰეზბოლას“ საჰაერო ძალების მეთაური იყო. ლიბანური მედიის ინფორმაციით, ისრაელი აგრძელებს ქვეყნის სამხრეთ რაიონების დაბომბვას. ტვიროსის ოლქის დაბომბვას სამი ადამიანი ემსხვერპლა, 10 კი დაშავდა. ისრაელის დაბომბვის გამო ლიბანიდან სირიაში 22 000-ზე მეტი ადამიანი გადავიდა. ისრაელის სამხედრო თვითმფრინავებმა დაბომბეს ლიბან-სირიის სასაზღვრო გადასასვლელი, რომელსაც ისრაელის მტკიცებით, „ჰეზბოლა“ იარაღის შესატანად იყენებდა.

აშშ-ის პრეზიდენტობის კანდიდატმა „რესპუბლიკური“ პარტიიდან დონალდ ტრამპმა განაცხადა, რომ უკრაინა, რომელიც ომამდე იყო, აღარ არსებობს, და მისი აღდგენა უკვე შეუძლებელია. „მდიდრული შენობები ოქროს კოშკებით დანგრეულია. თქვენ ვერასდროს ნახავთ ასეთ ქალაქებს ან დაბებს. მათ ვერასდროს აღადგენენ. ისინი ყველა კიევის გარდა განადგურებულია. თქვენ ვერასდროს ააშენებთ თავიდან ქალაქებსა თუ დაბებს ისეთებს, როგორებიც ისინი ათასი წლის წინ იყვნენ. დაფიქრდით, სულ რაღაც სამი წლის წინ თქვენ შესანიშნავი ცივილიზაცია გქონდათ. მილიონობით ადამიანი ცხოვრობდა, ახლა ისინი ჩვენთან აღარ არიან“, – თქვა ტრამპმა. აშშ-ის პრეზიდენტობის კანდიდატის თქმით, უკრაინის უმეტესი ნაწილი აღარ არსებობს. ტრამპმა თავის გამოსვლაში ჯერ თქვა, რომ…

რუსეთის პრეზიდენტის პრესმდივანი, დიმიტრი პესკოვი აცხადებს, რომ ქვეყნის ბირთვულ დოქტრინაში ცვლილებები უნდა იყოს სიგნალი რუსეთის არაკეთილმოსურნე ქვეყნებისთვის. მან კომენტარი გააკეთა ბირთვული დოქტრინის ცვლილებაზე, რომელიც ვლადიმერ პუტინმა გამოაცხადა. კერძოდ, როგორც აღინიშნა, ცვლილებები გულისხმობს ბირთვული დარტყმის შესაძლებლობას ჩვეულებრივი იარაღის გამოყენების საპასუხოდ, იმ შემთხვევაში, თუ რუსეთის სუვერენიტეტს „კრიტიკული საფრთხე“ დაემუქრება. „ეს უნდა ჩაითვალოს გარკვეულ სიგნალად. ეს არის სიგნალი, რომელიც აფრთხილებს არაკეთილმოსურნე ქვეყნებს მოსალოდნელ შედეგებზე, თუ ისინი ჩაერთვებიან ჩვენს ქვეყანაზე თავდასხმაში სხვადასხვა საშუალებით, არა აუცილებლად ბირთვულით“, – განუცხადა პესკოვმა ჟურნალისტებს. მისი თქმით, მთელი მსოფლიოსთვის კარგად არის ცნობილი, რა ბირთვული არსენალი აქვს რუსეთს. პესკოვის ინფორმაციით, მისი…

სომხეთის პრემიერ-მინისტრმა, ნიკოლ ფაშინიანმა განაცხადა, რომ სომხეთი მზადაა, მოაწეროს ხელი აზერბაიჯანთან სამშვიდობო ხელშეკრულების უკვე შეთანხმებულ პუნქტებს და ეს ბაქოში დაგეგმილ გაერო-ს კლიმატური ცვლილებების კონფერენციამდე გააკეთოს. სომხური მედიის ცნობით, აღნიშნული განცხადება ნიკოლ ფაშინიანმა გაერო-ს უშიშროების საბჭოს მიერ ორგანიზებულ დისკუსიაზე სიტყვით გამოსვლისას გააკეთა. „მშვიდობას სჭირდება ლიდერობა და გულწრფელი პოლიტიკური სიმამაცე. მე და ჩემი მთავრობა ვალდებული ვართ, ჩვენს რეგიონში კონფლიქტის გვერდი დავხუროთ და გარდავქმნათ არსებული დინამიკა თანამშრომლობად კეთილდღეობისთვის, სტაბილურობისა და მშვიდობისთვის. სომხეთი მზადაა, ხელი მოაწეროს სამშვიდობო ხელშეკრულებას აზერბაიჯანთან. სომხურმა მხარემ შესთავაზა ბაქოს, მოვაწეროთ ხელი უკვე შეთანხმებულ მუხლებზე ბაქოში დაგეგმილ გაერო-ს კლიმატურ კონფერენციამდე, რითაც…