დღე: სექტემბერი 22, 2024

უკრაინაში, ქალაქ ხარკოვში მრავალსართულიან საცხოვრებელ კორპუსზე რუსეთის თავდასხმის შედეგად 21 ადამიანი დაშავდა, მათ შორის არასრულწლოვნებიც.  ინფორმაციას ოლქის გუბერნატორი ოლეგ სინეგუბოვი ავრცელებს. შენობიდან 60-ზე მეტი ადამიანის ევაკუაცია განხორციელდა. დაჭრილები საავადმყოფოში გადაიყვანეს. ქალაქის მერის იგორ ტერეხოვის განცხადებით, ადგილზე, ამ დრომდე მიმდინარეობს სამაშველო სამუშაოები. ოლეგ სინეგუბოვის ინფორმაციით, რუსეთმა შენობას FAB-250 საჰაერო ბომბით 21 სექტემბერს შეუტია. მანვე დაადასტურა, რომ ქალაქში ორი ცალკეული დარტყმა მოხდა. შეტაკების შემდეგ სულ მცირე ოთხ მანქანას ცეცხლი გაუჩნდა და კიდევ 20 დაზიანდა.

უკრაინის საჰაერო თავდაცვის ძალებმა 22 სექტემბრის ღამეს 71 უპილოტო საფრენი აპარატი ჩამოაგდეს და კიდევ ექვსი დრონი რადიოელექტრონული ბრძოლით დაპირისპირების შედეგად ლოკაციურად დაიკარგა. ინფორმაციას უკრაინული მედია ქვეყნის შეიარაღებული ძალების საჰაერო ძალებზე დაყრდნობით ავრცელებს. საჰაერო ძალების ცნობით, რუსულმა ძალებმა ლუგანსკის ოლქის საჰაერო სივრციდან „ხ-59/69“ ტიპის ორი მართვადი რაკეტა გაუშვეს, Shahed-ის ტიპის 80 დრონით კი უკრაინის ტერიტორია რუსეთის ქალაქ იეისკიდან და კურსკის ოლქიდან შეუტიეს.      

კამალა ჰარისმა მიიღო CNN-ის მოწვევა, მონაწილეობა მიიღოს დონალდ ტრამპთან მორიგ დებატში, 23 ოქტომბერს. ამის შესახებ აშშ-ის „დემოკრატიული პარტიის“ საპრეზიდენტო კანდიდატის, კამალა ჰარისის საარჩევნო შტაბმა განაცხადა. „დონალდ ტრამპს პრობლემა არ უნდა ჰქონდეს დაეთანხმოს ამ დებატებს. ეს არის იგივე ფორმატი და წყობა, როგორც CNN-ის დებატები, რომელშიც ივნისში მონაწილეობა მიიღო და განაცხადა, რომ გაიმარჯვა და შეაქო CNN-ის მოდერატორები, წესები და რეიტინგები“,- განაცხადა ჰარისის საარჩევნო შტაბის ხელმძღვანელმა, ჯენ ო’მალი დილონმა. რაზეც, „რესპუბლიკელების“ საპრეზიდენტო კანდიდატმა, დონალდ ტრამპმა  განცხადა, რომ „უკვე გვიანაა“. „მან მონაწილეობა მიიღო ერთ დებატებში, მე – ორში. ძალიან გვიანია კიდევ ერთი, სიამოვნებით მივიღებდი მონაწილეობას,…

რუსეთი არ მიიღებს მონაწილეობას „მეორე სამშვიდობო სამიტში“, რომლის ჩატარებასაც უკრაინა გეგმავს. ამის შესახებ რუსეთის საგარეო საქმეთა სამინისტროს წარმომადგენელმა, მარია ზახაროვამ განაცხადა. „რუსეთის წარმომადგენლები არ მონაწილეობდნენ და არც აპირებენ მონაწილეობას „ბურგენშტოკის პროცესის“ ფარგლებში გამართულ შეხვედრებში“ – ნათქვამია უწყების განცხადებაში. ზახაროვამ ასევე დაადანაშაულა უკრაინა და საერთაშორისო საზოგადოება „რუსეთისთვის კაპიტულაციის ულტიმატუმის წაყენების“ განზრახვაში.  

მოკლული და დაჭრილი უკრაინელებისა და რუსების რიცხვი 2,5-წლიან ომში 1 მილიონ ადამიანს გაუტოლდა. ინფორმაციას The Wall Street Journal-ი ავრცელებს. გამოცემის მტკიცებით, უკრაინული მხარის კონფიდენციალური მონაცემების მიხედვით, ამ ომს 80 000 უკრაინელი სამხედრო შეეწირა, ხოლო 400 000 – დაიჭრა. რაც შეეხება რუსეთის მონაცემებს, დასავლური დაზვერვის აზრით, რუსებმა ომში 200 000 სამხედრო დაკარგეს, ხოლო 400 000 ადამიანი დაიჭრა. სპეციალისტების შეფასებით, რუსეთის მიერ უკრაინის ტერიტორიების ოკუპაციის გამო, უკრაინამ, ბოლო 10 წელიწადში სულ მცირე 10 მილიონი ადამიანი დაკარგა. ომმა დამანგრევლად იმოქმედა რუსეთის დემოგრაფიაზე და შრომის ბაზარზე. სრულმასშტაბიანი შეჭრის შემდეგ რუსეთი 600 ათასზე მეტმა რუსმა…

კატარულ ტელეარხ „ალ-ჯაზირაში“ განაცხადეს, რომ ისრაელელმა სამხედროებმა მოითხოვეს რამალაში მდებარე მათი ბიუროს 45 დღის ვადით დახურვა. კადრები, რომელზეც ასახულია ჯარისკაცების შესვლა ტელეკომპანიის ოფისში და სამხედრო ბრძანების გადაცემა ერთ-ერთი თანამშრომლისთვის, არხმა პირდაპირ ეთერში აჩვენა. ამის შემდეგ ტრანსლაცია შეწყდა. მაისის დასაწყისში ისრაელის პრემიერ-მინისტრმა, ბენიამინ ნეთანიაჰუმ განაცხადა, რომ ტელეარხი „ალ ჯაზირა“ დაიხურება. მთავრობა  ტელეარხს ქვეყნის არაბული მოსახლეობის სახელმწიფოსა და მისი არმიის წინააღმდეგ ძალადობისკენ წაქეზებაში სდებს ბრალს.

ღამით “ჰეზბოლამ” ისრაელის მისამართით ასზე მეტი რაკეტა ისროლა. კირიატის რეგიონში მოხდა რამდენიმე ხანძარი. კონფლიქტის მოსალოდნელი გამწვავების გამო, ისრაელის ჩრდილოეთ ნაწილი საგანგებო მდგომარეობისთვის ემზადება. დაშავებულთა დიდი ნაკადების მისაღებად სარეზერვო სამედიცინო დაწესებულებებს ამზადებენ. აშშ და იორდანია მოუწოდებენ საკუთარ მოქალაქეებს დაუყოვნებლივ დატოვონ ლიბანის ტერიტორია.  

აშშ-ისა და იორდანიის დიპლომატიურმა უწყებებმა თავიანთ მოქალაქეებს ლიბანის დაუყოვნებლივ დატოვებისკენ მოუწოდეს. ამის მიზეზი ისრაელსა და „ჰეზბოლას“ შორის კონფლიქტის შესაძლო ესკალაციის საფრთხეა. შესაბამისი განცხადებები დიპლომატიური უწყებების ვებგვერდებზე გამოქვეყნდა. აშშ-ის სახელმწიფო დეპარტამენტმა ხაზი გაუსვა ისრაელსა და „ჰეზბოლას“ შორის კონფლიქტის „არაპროგნოზირებად ხასიათს“ და ამერიკული პასპორტების მფლობელებს მოუწოდა, „დატოვონ ლიბანი, ვიდრე ჯერ კიდევ არის კომერციული რეისებით სარგებლობის შესაძლებლობა“.  

უკრაინული მედიის ინფორმაციით, რუსეთმა, მართვადი საავიაციო ბომბებით  ხარკოვი ისევ დაბომბა. ბომბი საცხოვრებელ მრავალსართულიან შენობას მოხვდა. არიან დაშავებულები, მათ შორის ბავშვებიც. ხარკოვის ოლქის სამხედრო ადმინისტრაციის ხელმძღვანელი ოლეგ სინეგუბოვი აცხადებს, რომ ქალაქში ორი ბომბი ჩამოვარდა.