თვე: აგვისტო 2024

უკრაინაში, კრამატორსკზე რუსეთის ავიაიერიშს ბრიტანეთის მოქალაქე ემსხვერპლა. რაიან ევანსი Reuters-ის გადამღები ჯგუფის ნაწილი იყო და ჟურნალისტების უსაფრთხოების კონსულტანტად მუშაობდა. ის და სააგენტოს კიდევ 5 თანამშრომელი ქალაქის ერთ-ერთ სასტუმროში იმყოფებოდნენ, როდესაც მას რუსული ჭურვი მოხვდა. „ვუსამძიმრებთ რაიანის ოჯახსა და მეგობრებს. რაიანი ბევრ ჩვენს ჟურნალისტს ეხმარებოდა მსოფლიოს სხვადასხვა წერტილში ახალი ამბების გაშუქებაში, ჩვენ ის ძალიან მოგვენატრება“, – განაცხადა Reuters-ის წარმომადგენელმა. სააგენტოში განმარტეს, რომ ევანსი ყოფილი ჯარისკაცი იყო და ჟურნალისტებს უსაფრთხოების მიმართულებით აძლევდა რჩევებს. ის მუშაობდა მედიასთან უკრაინაში, ისრაელში და პარიზის ოლიმპიურ თამაშებზე. ევანსი 38 წლის იყო. სამძიმარი ევანსის გარდაცვალების გამო უკრაინის პრეზიდენტმა ვოლოდიმირ…

BBC-ს ცნობით, ისლანდიაში, მყინვარის ჩამოშლის შედეგად დაშავებული უცხოელი ტურისტებიდან ერთ-ერთი დაიღუპა. მეორე დაშავებულის სიცოცხლეს საფრთხე არ ემუქრება. ამასთან, მაშველები ამ დრომდე ეძებენ ინციდენტის დროს გაუჩინარებულ კიდევ 2 ტურისტს. ინციდენტი მყინვარ ბრეიდამერკურიოკულზე მოხდა, სადაც ტურისტების 25-კაციანი ჯგუფი გიდთან ერთად იმყოფებოდა. სწორედ ამ დროს ყინულის ნაწილი ჩამოიშალა, რის შედეგადაც 2 ადამიანი დაშავდა, 2 კი გაუჩინარდა. ადგილობრივი პოლიციის ინფორმაციით, მყინვარზე ექსკურსიები პოპულარული აქტივობაა და არაფერი მიუთითებს იმაზე, რომ ბრეიდამერკურიოკულზე გასვლა სახიფათო იყო.

საფრანგეთში სასამართლომ ტელეგრამის დამფუძნებელს, პაველ დუროვს წინასწარი პატიმრობის ვადა 48 საათით გაუხანგრძლივა. ტელეგრამის დამფუძნებელი 2 დღის წინ პარიზის აეროპორტში დააკავეს. გამოძიება ტელეგრამის საშუალებით დაგეგმილ და მომხდარ კრიმინალურ დანაშაულებს, მათ შორის ტერორიზმის, ნარკოტიკებით ვაჭრობისა და ბავშვებზე ძალადობის ფაქტებზე მიმდინარეობს. გამოძიების ინფორმაციით, 39 წლის მილიარდერმა ვერ შეძლო უსაფრთხოების დაცვა, რომ მისი პლატფორმა დანაშაულისთვის არ გამოეყენებინათ.

მოსკოვში, 39 წლის მამაკაცმა ცოლ-შვილი მე-16 სართულის ფანჯრიდან გადააგდო. ადგილობრივი მედის ცნობით, მამაკაცმა საკუთარი საცხოვრებელი სახლის ფანჯრიდან ჯერ ცოლი შემდეგ კი 2 წლამდე ბავშვი გადააგდო, რის შემდეგაც ფანჯრიდან სხვადასხვა ნივთების სროლა დაიწყო. მამაკაცი ადგილზე მობილიზებულ პოლიციას საცხოვრებელი სახლის კარს არ უღებდა, თუმცა პოლიციამ მისი დაკავება შეძლო. ადგილზე მობილიზებულია ყველა შესაბამისი სამსახური. მომხდარზე მიმდინარეობს გამოძიება.

რუსეთის არმიის მიერ უკრაინის სარაკეტო დაბომბვის ფონზე პოლონეთმა ავიაცია ზადყოფნაში მოიყვანა. ინფორმაციას პოლონეთის შეიარაღებული ძალების ოპერატიული სარდლობა სოციალურ პლატფორმა X-ზე ავრცელებს. ოპერატიული სარდლობა აღნიშნავს, რომ ,,დილიდანვე აკვირდებიან რუსეთის ინტენსიურ დარტყმებს ობიექტებზე, რომლებიც მდებარეობენ, მათ შორის უკრაინის დასავლეთ ტერიტორიაზე”. უწყების განცხადებით, დაწყებულია ყველა საჭირო პროცედურა ქვეყნის საჰაერო სივრცის უსაფრთხოების უზრუნველსაყოფად. შეგახსენებთ, რომ უკრაინის მთელ ტერიტორიაზე საჰაერო განგაშია გამოცხადებული, აგრესორი რუსეთი უკრაინას რაკეტებით ზღვიდან და ჰაერიდან უტევს.

,,უკრენერგომ” უკრაინაში ელექტროენერგიის საგანგებო გათიშვის რეჟიმის ამოქმედების განკარგულება გასცა. მანამდე კიევის ზოგიერთ რაიონში მოხდა ელექტროენერგიის შეწყვეტა დედაქალაქის ხელისუფლების განცხადებით, ეს გამოწვეულია უკრაინულ ენერგეტიკულ ქსელში არსებულ ვითარებასთან. ელექტროენერგიის გათიშვის გამო კიევში შეფერხდა წყალმომარაგებაც. ამის შესახებ ქალაქის მერმა ვიტალი კლიჩკომ განაცხადა. მისი თქმით, წყალმომარაგების პრობლემაა დედაქალაქის მარჯვენა სანაპიროზე შეიქმნა. კიევის მეტროს ნაწილი მუშაობას აგრძელებს, მეტროსადგურები ,,არსენალნაია” და ,,ხრეშჩატიკი” მხოლოდ თავშესაფრის რეჟიმში მუშაობენ. საჰაერო განგაშის პერიოდში შეწყვეტილია გადაადგილება მეტროს მიწისზედა მონაკვეთებზე. შეგახსენებთ, უკრაინის მთელ ტერიტორიაზე საჰაერო განგაშია გამოცხადებული, აგრესორი რუსეთი უკრაინას რაკეტებით ზღვიდან და ჰაერიდან უტევს.

კვირას, კაიროში გამართული მოლაპარაკებები ღაზის სექტორში ცეცხლის შეწყვეტისა და მძევლების გათავისუფლების შესახებ შეთანხმების გარეშე დასრულდა. ამერიკელმა ოფიციალურმა პირმა განაცხადა, რომ დისკუსიები გაგრძელდება უახლოეს დღეებში. მისივე ცნობით, გუნდები დარჩნენ კაიროში დარჩენილი საკითხების მოსაგვარებლად. ,,უმაღლესი დონის მოლაპარაკებები კაიროში ბოლო დღეებში, მათ შორის ჰამასის და ისრაელის წარმომადგენლებთან, იყო კონსტრუქციული და წარიმართა ყველა მხარის სულისკვეთებით, რათა მიაღწიონ საბოლოო და განხორციელებად შეთანხმებას”, – თქვა CNN-ის ცნობით, ამერიკელმა ოფიციალურმა პირმა. ,,ჰამასმა” განაცხადა, რომ არ დათანხმდება წინადადებას, რომელიც მიზნად ისახავს დარჩენილი უთანხმოების გადალახვას, ჯგუფი ამბობს, რომ დათანხმდება მხოლოდ იმ გეგმას, რომელსაც ადრე მხარს უჭერდა აშშ-ის პრეზიდენტი ჯო…

უკრაინის მთელ ტერიტორიაზე საჰაერო განგაშია გამოცხადებული. ოკუპანტებმა უკრაინას რაკეტებით შეუტიეს. ბომბდამშენებიდან გაშვებული ფრთოსანი რაკეტები დასავლეთის რეგიონებისკენ მიფრინავს, ხოლო ზღვიდან გაშვებული ცენტრალურ და ჩრდილოეთ რეგიონებზეა მიმართული. აფეთქებები მოხდა ვინიცის რაიონში, კროპივნიცკისა და კრივოი როგში. გარდა ამისა, ადგილობრივი საჯარო გვერდები იუწყებიან აფეთქებების შესახებ დნეპერში, ზაპოროჟიეში, ოდესაში, ხმელნიცკიში, ლუცკში, ზაპოროჟიეში, ჩერნიგოვში, როვნოსა და ჟიტომირში.

იემენთან ახლოს, მიგრანტების ნავის ჩაძირვას, სულ მცირე, 13 ადამიანი ემსხვერპლა, 14 კი ამ დრომდე დაკარგულია. მიგრანტების ნავს ეთიოპიის 25 და იემენის 2 მოქალაქე გადაჰყავდა. ორგანიზაციის ცნობით, ნავი იემენის სანაპიროდან სამხრეთ-დასავლეთის მიმართულებით მოძრაობდა. გავრცელებული ინფორმაციით, გარდაცვლილებს შორის 11 მამაკაცია, 2 კი ქალი. დაკარგულების მოსაძებნად სამაშველო სამუშაოები ამ დრომდე მიმდინარეობს.

რუსებმა, კურსკში, ააფეთქეს შენობა, სადაც ქართველმა მეომრებმა რუს ოკუპანტებს წარწერები დაუტოვეს. ცნობისთვის, ქართველმა მებრძოლებმა კურსკის ოლქის ქალაქ სუჯაში მდებარე ყინულის სასახლის შენობაზე ქართული წარწერები, მათ შორის, ,,ბახვა”, 14 აგვისტოს დატოვეს. ამ გზით მათ პატივი მიაგეს უკრაინაში დაღუპულ ქართველ მებრძოლს, ბახვა ჩიქობავას.

ბრაზილიაში, სან-პაულოს შტატის ჩრდილოეთით ტყის ხანძრებს ებრძვიან. Reuters-ი წერს, რომ ხანძარი შაქრის ლერწმის მინდვრებში გაჩნდა, რამაც ისეთი სქელი კვამლის ღრუბელი გამოიწვია, რომ ადგილობრივმა ხელისუფლებამ გარეთ სპორტული ღონისძიებების ჩატარება აკრძალა. აკრძალვის გამო, ქალაქ რიბეირაო პრეტოში, ბრაზილიის ჩემპიონატის საფეხბურთო მატჩი გაუქმდა. ცუდი ხილვადობის გამო, რამდენიმე სახელმწიფო მაგისტრალი გადაიკეტა. ადგილობრივი მედიის ცნობით, საძოვრებზე მაღალი ტემპერატურისა და დაკვამლიანების გამო მსხვილფეხა საქონელი კვდება.

რუსეთის სარატოვის ოლქის გუბერნატორის ცნობით, მაღალსართულიან საცხოვრებელ კორპუსზე დრონის შეჯახების შედეგად ერთი ადამიანი მძიმედ დაშავდა. ,,ქალი მძიმე მდგომარეობაში გადაიყვანეს საავადმყოფოში. ექიმები მისი სიცოცხლისთვის იბრძვიან. დანარჩენებმა დახმარება ადგილზე მიიღეს”, – ციტირებს რუსული მედია გუბერნატორ რომან ბუსარგინს. სავარაუდოდ, რუსეთის ენგელსის ავიაბაზაზე უკრაინის შეტევის დროს, ერთ-ერთი დრონი მეზობელ სარატოვოში მაღალსართულიან კორპუსს შეასკდა, მეორე ენგელსში სახლის სახურავს დაეცა, მისმა ნამსვრევებმა ოცი მანქანა დააზიანა.  

ინდონეზიაში, წყალდიდობის შედეგად, ცამეტი ადამიანი დაიღუპა, 2 კი დაშავდა. ინფორმაციას Reuters ავრცელებს. გამოცემა წერს, რომ წყალდიდობა მალუკუს პროვინციაში გადაუღებელმა წვიმებმა გამოიწვია. სტიქიამ ასევე 10-მდე სახლიც დააზიანა. სინოპტიკოსების ვარაუდით, ძლიერი წვიმა კიდევ რამდენი დღე გაგრძელდება.    

reuters-ის ინფორმაციით,  ბრაზილიაში, სან-პაულოს შტატის ჩრდილოეთით ტყის ხანძარს ებრძვიან. ხანძარი შაქრის ლერწმის მინდვრებში გაჩნდა, რამაც ისეთი სქელი კვამლის ღრუბელი გამოიწვია, რომ ადგილობრივმა ხელისუფლებამ გარეთ სპორტული ღონისძიებების ჩატარება აკრძალა. აკრძალვის შედეგად, ქალაქ რიბეირაო პრეტოში ბრაზილიის ჩემპიონატის საფეხბურთო მატჩი გაუქმდა. ცუდი ხილვადობის გამო, რამდენიმე სახელმწიფო მაგისტრალი გადაიკეტა. ადგილობრივი მედიის ცნობით, საძოვრებზე მაღალი ტემპერატურისა და დაკვამლიანების გამო მსხვილფეხა საქონელი კვდება.