თვე: აგვისტო 2024

უკრაინაში საომარი მდგომარეობა და საყოველთაო მობილიზაცია 12 აგვისტოდან 90 დღით, 9 ნოემბრამდე გახანგრძლივდა. ამის შესახებ კანონებს ხელი დღეს ქვეყნის პრეზიდენტმა, ვოლოდიმირ ზელენსკიმ მოაწერა. შეგახსენებთ, რომ მიმდინარე წლის ივლისში, უკრაინაში საომარი მდგომარეობის გახანგრძლივებას მხარი უკრაინის რადას 339-მა დეპუტატმა დაუჭირა.

საგარეო ურთიერთობების საკითხებში ევროპული საბჭოს თავმჯდომარე, კარლ ბილდტი აგვისტოს ომის 16 წლისთავს ეხმაურება და წერს, რომ რუსეთმა სცადა საქართველოს ტერიტორიული მთლიანობის დარღვევა და ეს ,,ჭრილობა ჯერ კიდევ ღიაა”. ,,16 წელი გავიდა მას შემდეგ, რაც რუსეთი შეიჭრა საქართველოში. ფონი ოდნავ ბუნდოვანი იყო, აშკარა პროვოკაციებით კონფლიქტის შესაქმნელად, მაგრამ რუსეთი სწრაფად გადავიდა საქართველოში ორ სხვადასხვა ღერძზე. შემდეგ კი რუსეთმა სცადა საქართველოს ტერიტორიული მთლიანობის დარღვევა. ჭრილობა ჯერ კიდევ ღიაა,” – წერს ბილდტი.

რუსეთის პრეზიდენტმა პუტინმა მთავრობის წევრებთან გამართა შეხვედრა, სადაც კურსკის ოლქის სასაზღვრო რაიონებში წინა დღით დაწყებულ ბრძოლებზე პირველი კომენტარი გააკეთა. ,,მოგეხსენებათ, კიევის რეჟიმმა განახორციელა კიდევ ერთი ფართომასშტაბიანი პროვოკაცია. განურჩევლად ახორციელებს სამოქალაქო შენობების, საცხოვრებელი კორპუსების, სასწრაფო დახმარების მანქანების დაბომბვას სხვადასხვა ტიპის იარაღით, მათ შორის რაკეტებით”, – თქვა პუტინმა. მისი თქმით, შეხვედრის შემდეგ მოისმენს უსაფრთხოების ძალების მოხსენებას კურსკის ოლქში არსებული ვითარების შესახებ. უკრაინას ოფიცილაური კომენტარი არ გაუკეთებია კურსკში მიმდინარე ბრძოლაზე.

საქართველოში ლიეტუვის ელჩად დარიუს ვიტკაუსკასი დაინიშნა. ინფორმაციას დიპლომატიური მისია ავრცელებს. „6 აგვისტოს ლიეტუვის რესპუბლიკის პრეზიდენტის ბრძანებულებით, დარიუს ვიტკაუსკასი საქართველოში ლიეტუვის რესპუბლიკის საგანგებო და სრულუფლებიან ელჩად დაინიშნა“, – ნათქვამია ინფორმაციაში.

რუსეთმა უნდა გაიყვანოს საკუთარი ჯარი საქართველოს სუვერენული ტერიტორიებიდან და გააუქმოს აფხაზეთისა და სამხრეთ ოსეთის ე.წ. „დამოუკიდებელ სახელმწიფოებად“ აღიარება. ამის შესახებ უკრაინის საგარეო საქმეთა სამინისტროს 2008 წლის აგვისტოს ომთან დაკავშირებით განცხადებაშია ნათქვამი. „საომარი მოქმედებები 2008 წლის აგვისტოში შეწყდა, მაგრამ რუსეთის აგრესია საქართველოს წინააღმდეგ ამით არ დასრულებულა. მოსკოვმა განაგრძო ეგრეთ წოდებული „ბორდერიზაცია“, ანუ საქართველოს ტერიტორიის მცოცავი ანექსია, ზეწოლა, პროპაგანდა და ინტერვენციის სხვა ჰიბრიდული მეთოდები. უკრაინა მხარს უჭერს საქართველოს დამოუკიდებლობას, სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში და მკაცრად გმობს კრემლის აგრესიულ პოლიტიკას. რუსეთმა უნდა გაიყვანოს თავისი ჯარები საქართველოს სუვერენული ტერიტორიიდან 2008…

სლოვენიის საგარეო და ევროპულ საქმეთა სამინისტრო 2008 წლის აგვისტოს ომის 16 წლისთავთან დაკავშირებით განცხადებას ავრცელებს: ,,საქართველოში რუსეთის შეჭრის მე-16 წლისთავზე სლოვენია აგრძელებს საქართველოს სუვერენიტეტისა და ტერიტორიული მთლიანობის მტკიცე მხარდაჭერას. საერთაშორისო სამართლებრივი პრინციპების უგულებელყოფას ყოველთვის მოჰყვება დაგმობა და მოწოდება საერთაშორისო სამართლის დაცვის შესახებ”, – ნათქვამია განცხადებაში.

ევროპის უშიშროებისა და თანამშრომლობის ორგანიზაციაში (ეუთო) აშშ-ის მისია აგვისტოს ომის 16 წლისთავთან დაკავშირებით განცხადებას ავრცელებს და წერს, რომ სრულად უჭერს მხარს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში. ,,ჩვენ ვგმობთ რუსეთის მიერ საქართველოს რეგიონების აფხაზეთისა და სამხრეთ ოსეთის მიმდინარე ოკუპაციას. რუსეთის მიერ ამ ქართული რეგიონების ოკუპაცია, ისევე როგორც მისი აგრესიული ომი უკრაინის წინააღმდეგ, არღვევს მის საერთაშორისო ვალდებულებებს და ეწინააღმდეგება ეუთოს ვალდებულებებს. ჩვენ სრულად ვუჭერთ მხარს საქართველოს სუვერენიტეტსა და ტერიტორიულ მთლიანობას მის საერთაშორისოდ აღიარებულ საზღვრებში”, – ნათქვამია განცხადებაში.

,,ევროპარლამენტის მხარდაჭერა საქართველოს სუვერენიტეტისა და ტერიტორიული მთლიანობისა, მისი ხალხის ევროპული მისწრაფებებისადმი ურყევია”, – წერს ევროპარლამენტის პრეზიდენტი რობერტა მეცოლა. ,,საქართველოს წინააღმდეგ რუსეთის აგრესიიდან 16 წლის შემდეგ, ევროპარლამენტის მხარდაჭერა საქართველოს სუვერენიტეტისა და ტერიტორიული მთლიანობისა და მისი ხალხის ევროპული მისწრაფებებისადმი ურყევია”, – წერს მეცოლა.

ბელარუსის ოპოზიციონერი ლიდერი სვეტლანა ტიხანოვსკაია აგვისტოს ომის 16 წლის თავს ეხმიანება და წერს, რომ თუ რუსეთის იმპერიული აგრესია არ შეჩერდება, ის მხოლოდ გაიზრდება. ,,ამ დღეს, 16 წლის წინ, რუსეთმა საქართველოში შეჭრა დაიწყო. თუ იმპერიული აგრესია არ შეჩერდება, ის მხოლოდ გაიზრდება. ბელარუსება და უკრაინელებმა ეს ძალიან კარგად იციან. ჩვენ მხარს ვუჭერთ საქართველოს ტერიტორიულ მთლიანობას, სუვერენიტეტს და ევროპულ მისწრაფებებს,” – წერს ტიხანოვსკაია.

2008 წლის აგვისტოს ომიდან 16 წლის გასვლას ეხმაურება NATO-ს პრესსპიკერი ფარა დახლალა. ის კიდევ ერთხელ აფიქსირებს ალიანსის მხარდაჭერას საქართველოს სუვერენიტეტისა და ტერიტორიული მთლიანის მიმართ. ,,მოვუწოდებთ რუსეთს, გაიყვანოს ის ძალები, რომლებიც მან ნებართვის გარეშე განათავსა საქართველოში. სამხრეთ ოსეთი და აფხაზეთი საქართველოს ნაწილია, რუსეთის 16 წლიანი ოკუპაციის მიუხედავად. ნატო სრულად უჭერს მხარს საქართველოს სუვერენიტეტსა და ტერიტორიულ მთლიანობას”, – წერს ფარა დახლალა.

რუმინეთის საგარეო საქმეთა სამინისტრო 2008 წლის აგვისტოს ომის 16 წლისთავთან დაკავშირებით განცხადებას ავრცელებს: ,,16 წლის წინ, რუსეთმა დაიწყო სამხედრო შეჭრა საქართველოს წინააღმდეგ, რაც საერთაშორისო სამართლის სერიოზული დარღვევა და აღმოსავლეთ სამეზობლოში რუსეთის აგრესიის კიდევ ერთი მაგალითი იყო. როგორც სტრატეგიული პარტნიორები, რუმინეთი რჩება საქართველოს სუვერენიტეტის, ტერიტორიული მთლიანობისა და ევროპული მომავლის მხარდამჭერის ერთგული”, – ნათქვამია განცხადებაში.

ლიეტუვის საგარეო საქმეთა სამინისტრო აგვისტოს ომის 16 წლისთავთან დაკავშირებით X-ზე მინისტრის, გაბრიელიუს ლანდსბერგისის განცხადებას ავრცელებს. ,,16 წლის წინ რუსეთის შეჭრა საქართველოში იმპერიალისტური ექსპანსიონიზმის იგივე ძველი ნიმუშის ნაწილი იყო, სადაც უხეში ძალაუფლება არღვევს საერთაშორისო სამართალსა და წესრიგს. ლიეტუვის მხარდაჭერა საქართველოს სუვერენიტეტისა და ტერიტორიული მთლიანობისადმი ურყევი რჩება”, – წერს ლანდსბერგისი.

რუსეთის თავდაცვის სამინისტროსთან დაახლოებული ტელგრამ არხების ცნობით, უკრაინის შეიარაღებულმა ძალებმა რუსეთში, კურსკის ოლქში სამი დასახლება დაიკავეს. უკრაინელმა სამხედროებმა დაიკავეს დასახლებები ნიკოლაევო-დარინო, დარინო და სვედრლიკოვო. ამასთან, უკრაინელ და რუს სამხედროებს შორის ბრძოლა გრძელდება კურსკის ოლქის დასახლება გონჩაროვკასთან და ოლეშნესთან. ტელეგრამ არხების ცნობით, კურსკის ოლქში საერთო ჯამში 400 უკრაინელი სამხედროა შეჭრილი. კიდევ 2 000 უკრაინელი ჯარისკაცი კი განლაგებულია საზღვრის სიახლოვეს. რუსული ტელეგრამ არხების ინფორმაციით, უკრაინის შეიარაღებული ძალები განაგრძობენ წინსვლას რუსეთის ტერიტორიის შიგნით, ქალაქ სუჯისკენ. ქალაქი ფაქტობრივად ევაკუირებულია. ბლოგერების ცნობით არაა გამორიცხული, რომ უკრაინელი სამხედროების მიზანი გაზსაზომი სადგურის განადგურება იყოს. ადგილობრივი ხელისუფლება და…

,,იმაში, რაც მე და ალექსეი ნავალნის დაგვმართეს, ახალი და ექსკლუზიური არაფერი ყოფილა. ეს ჩვენი ქვეყნის ძალიან ძველი, ბოროტი და საბჭოთა ტრადიციაა”, – ამის შესახებ გათავისუფლების შემდეგ მიცემულ პირველ ვრცელ ინტერვიუში ვლადიმერ კარა-მურზამ განაცხადა. ,,იმაში, რაც მე და ალექსეის დაგვმართეს, ახალი და ექსკლუზიური არაფერი ყოფილა. ეს ჩვენი ქვეყნის ძალიან ძველი, ძალიან ბოროტი და ძალიან საბჭოთა ტრადიციაა: პოლიტპატიმარს, რომელსაც სახელმწიფო განსაკუთრებით საშიშად მიიჩნევს, ხელისუფლება ყველაზე რთულ პირობებში ამყოფებს. მაგალითად, ცნობილ საზოგადო მოღვაწეს, ,,მოსკოვის ჰელსინკის ჯგუფის” ერთ-ერთ დამფუძნებელს, ანატოლი შარანსკის საჯარიმო იზოლატორშებში 405 დღე აქვს გატარებული. 405! მისი გადარჩენა ხომ საერთოდ სასწაულია. ალექსეი…

,,შეერთებული შტატები აგრძელებს საქართველოს სუვერენიტეტისა და ტერიტორიული მთლიანობის ადვოკატირებას მის საერთაშორისოდ აღიარებულ საზღვრებში”, – ასე ეხმაურება საქართველოში ამერიკის საელჩო აგვისტოს ომის 16 წლისთავს. ,,დღეს რუსეთის მიერ საქართველოში შემოჭრიდან თექვსმეტი წელი გავიდა. ჩვენ გვახსოვს 2008 წლის აგვისტოს მოვლენები და მათი მტკივნეული გავლენა, რომელიც ქართველ ხალხზე დღემდე მოქმედებს. რუსეთის მიერ 2008 წლის ცეცხლის შეწყვეტის შეთანხმების მუდმივი დარღვევა რეგიონში მშვიდობისა და სტაბილურობისთვის მიმდინარე ბრძოლას უსვამს ხაზს. შეერთებული შტატები აგრძელებს საქართველოს სუვერენიტეტისა და ტერიტორიული მთლიანობის ადვოკატირებას მის საერთაშორისოდ აღიარებულ საზღვრებში”, – ნათქვამია განცხადებაში.

ნორვეგიის საგარეო საქმეთა სამინისტრო აგვისტოს ომის 16 წლისთავთან დაკავშირებით განცხადებას ავრცელებს: ,,2008 წლის აგვისტოში, რუსული ჯარები საქართველოში შეიჭრნენ. 16 წლის შემდეგ, ოკუპაცია გრძელდება. საქართველოში ისევე, როგორც უკრაინაში, ჩვენ კიდევ ერთხელ მოვუწოდებთ რუსეთს, შეწყვიტოს საერთაშორისო სამართლის აშკარა დარღვევა და პატივი სცეს მეზობელი ქვეყნების სუვერენიტეტსა და ტერიტორიულ მთლიანობას”, – ნათქვამია განცხადებაში.

,,რუსეთი აგრესორია და არა მისაბაძი მაგალითი, საქართველოს ტერიტორიული მთლიანობისა და სუვერენიტეტის მიმართ ლიეტუვის მხარდაჭერა ურყევია”, – წერს ინგრიდა შიმონიტე, ლიეტუვის პრემიერმინისტრი. ,,16 წლის წინ რუსეთი შეიჭრა საქართველოში შეიჭრა და დაუსჯელი დარჩა. დაუსჯელობამ და დაშოშმინებამ გამოიწვია ის, რომ რუსეთის იმპერიალისტური აგრესია უფრო სასტიკი გახდა. საქართველოს ტერიტორიული მთლიანობისა და სუვერენიტეტის მიმართ ლიეტუვის მხარდაჭერა ურყევია, ისევე როგორც ჩვენი მხარდაჭერა ქართველი ხალხის მიმართ, რომელმაც თავისი ქვეყნისთვის ევროპული და ევროატლანტიკური მომავალი აირჩია. რუსეთი აგრესორია და არა მისაბაძი მაგალითი”, – წერს შიმონიტე.

ესტონეთის საგარეო საქმეთა მინისტრი, მარგუს ცაჰკნა აგვისტოს ომის 16 წლისთავთან დაკავშირებით სოციალურ ქსელში განცხადებას ავრცელებს და აღნიშნავს, რომ მისი ქვეყნა გააგრძელებს საქართველოს ტერიტორიული მთლიანობის მტკიცე მხარდაჭერას. ,,დღეს, 16 წლის წინ, რუსეთმა დაიწყო აგრესიული ომი საქართველოს წინააღმდეგ და შედეგები დღესაც იგრძნობა. ესტონეთი გმობს და არ დაივიწყებს საქართველოს ტერიტორიის 20%-ის მიმდინარე ოკუპაციას და ჩვენ გავაგრძელებთ საქართველოს ტერიტორიული მთლიანობის მტკიცე მხარდაჭერას,” – წერს ცაჰკნა.