თვე: აგვისტო 2024

კენიელი კულტის ლიდერი, რომელიც, სამოთხეში მოსახვედრად, მომხრეებს შიმშილით სიკვდილისკენ მოუწოდებდა, თავს დამნაშავედ არ მიიჩნევს. თვითგამოცხადებული პასტორი, პოლ მაკენზი, კიდევ 94 ეჭვმიტანილთან ერთად, სასამართლოს წინაშე დღეს წარდგა. მაკენზი 2023 წლის აპრილში დააკავეს მას შემდეგ, რაც ტყეში დამარხული 429 ცხედარი აღმოაჩინეს, რომელთაც შიმშილისა და ძალადობის კვალი ეტყობოდათ. გარდაცვლილებს შორის ბავშვებიც იყვნენ. ბრალდების მხარის თქმით, მომდევნო ოთხი დღის განმავლობაში, სასამართლოს ჩვენებას 400-ზე მეტი ადამიანი მისცემს. კენიაში მსგავსი შემთხვევის პრეცედენტი არ არსებობს და მასობრივ თვითმკვლელობაში დამნაშავეებს სისხლისსამართლებრივი პასუხისმგებლობა დაეკისრებათ. არსებული ინფორმაციით, პოლ მაკენზითავის მიმდევრებს არწმუნებდა, რომ სამოთხეში უფრო სწრაფად მოხვდებოდნენ, თუ შიმშილით თავს მოიკლავდნენ.…

მეტი...

ნეაპოლში, 27 წლის ქართველი ქურდობის მცდელობისთვის დააკავეს. შემთხვევა, გუშინ დილით სან ფერნანდოში, სავარაუდოდ ერთ-ერთ სავაჭრო ცენტრში მოხდა. პოლიციამ დაკავებისას ამოიღო 6 სუნამოს შეკვრა და ტანსაცმელი, რომელსაც ის ხელჩანთაში ინახავდა. გავრცელებული ინფორმაციით, დაკავებულ ქართველს კრიმინალური ​​​​ისტორია აქვს, თუმცა, დეტალები უცნობია.

მეტი...

უკრაინელმა სამხედროებმა ოთხშაბათს ღამით ერთდროულად რუსეთის ოთხ სამხედრო აეროდრომს დაარტყეს. „14 აგვისტოს ღამით, უკრაინის შეიარაღებული ძალების საჰაერო ძალების და სპეციალური ოპერაციების ძალების ქვედანაყოფებმა უკრაინის უსაფრთხოების სამსახურთან და უკრაინის თავდაცვის სამინისტროს მთავარ სადაზვერვო სამმართველოსთან ერთად იერიში მიიტანეს ვორონეჟის ოთხ აეროდრომზე. რუსეთის ფედერაციის კურსკის და ნიჟნი ნოვგოროდის ოლქებში. დაზიანდა სამხედრო აეროდრომები – „ხალინო“, „სავასლეიკა“, „ბორისოგლებსკი“ და „ბალტიმორი“, – ნათქვამია გენშტაბის ანგარიშში. გენერალური შტაბის ცნობით, აეროდრომებზე ბაზირებულია არმიის ავიაცია, სუ-34 გამანადგურებელი ბომბდამშენი, სუ-35 გამანადგურებელი და სხვა სამხედრო თვითმფრინავები. „მთავარი სამიზნე იყო საწვავის და საპოხი მასალების საწყობები და თვითმფრინავების იარაღი. თავდასხმის შედეგები ზუსტდება“, –…

მეტი...

ბერლინში, ლტოლვილთა ცენტრზე თავდასხმის შედეგად შვიდი ადამიანი დაშავდა. შემთხვევა მარცანის რაიონში მოხდა, სადაც, 21 წლის ახალგაზრდამ ხალხს დაზიანება ცივი იარაღით მიაყენა. პოლიციამ ის უკვე დააკავა. დაშავებულების სიცოცხლეს საფრთხე არ ემუქრება. პოლიცია ამბობს, რომ წინასწარი ინფორმაციით, შემთხვევა, სავარაუდოდ, შელაპარაკების ნიადაგზე მოხდა.

მეტი...

საფრანგეთის ჩრდილო-აღმოსავლეთ რეგიონში Rafale-ის ტიპის ორმა გამანადგურებელმა სამხედრო თვითმფრინავმა კატასტროფა განიცადა. დაწერა საფრანგეთის თავდაცვის მინისტრმა სებასტიან ლეკორნუმ სოციალური ქსელ X-ზე. მისი თქმით, ერთი პილოტი გადარჩა. მედიაში გავრცელებული ინფორმაციით, ერთმა პილოტმა კატაპულტირება მოახერხა. იგი დაშავებულია, თუმცა გონზეა. მეორე პილოტის ბედი ჯერ-ჯერობით უცნობია. სამძებრო-სამაშველო ღონისძიებები ადგილზე გრძელდება. მასში მეხანძრე-მაშველები, პოლიცია და მეტყევეები არიან ჩართულნი.

მეტი...

ესპანეთის ქალაქ მადრიდში პოლიციამ დააკავა მამაკაცი, რომელიც ლეონარდო და ვინჩის ყალბი ნახატის გაყიდვას 1,3 მილიონ ევროდ გეგმავდა. The Guardian-ის ცნობით, 2022 წელს მამაკაცმა საზღვარზე ნახატის ვადაგასული ექსპორტის ლიცენზია წარადგინა, რის გამოც მოდანის სასაზღვრო პუნქტის მებაჟეები ესპანეთის პოლიციას დაუკავშირდნენ. ექსპორტის ლიცენზიაზე დაყრდნობით (რომელიც ნახატის ავთენტურობის გარანტიას თავისთავად არ იძლევა) ლეონარდო და ვინჩის ეს ნამუშევარი 1.3 მილიონი ევროს ღირებულებისაა და ის საზღვარზე მილანში გასაყიდათ გადაჰქონდათ. იმის მიუხედავად, რომ ლიცენზია ნამდვილი იყო, მისი ვადაგასულობა ნიშნავდა, რომ ნამუშევრის ექსპორტი არალეგალური იყო. მებაჟეების შეტყობინების შემდეგ, ესპანეთის ეროვნული პოლიციის ოფიცრები საფრანგეთის საზღვარზე ნახატის წამოსაღებად ჩავიდნენ, შემდეგ…

მეტი...

საქველმოქმედო ორგანიზაციის მიერ გაგზავნილ ამანათებში ჩადებულ შოკოლადში ამფეტამინის სასიკვდილო დოზა აღმოაჩინეს. ინფორმაციას ,,დოიჩე ველე” ავრცელებს. ოთხშაბათს, ახალი ზელანდიის საქველმოქმედო ორგანიზაციამ საგანგებო განცხადება გააკეთა, რომელიც მათ მიერ შეკრებილ ამანათებში მოთავსებულ ,,ამფეტამინიან” შოკოლადებს ეხებოდა. ოკლენდის საქალაქო მისიამ, რომელიც უსახლკაროების მიმართულებით მუშაობს, განაცხადა, რომ შოკოლადები ქალაქის ერთ-ერთმა ანონიმურმა მცხოვრებმა მიიტანა ორგანიზაციაში. ეჭვი მას შემდეგ გაჩნდა, რაც ორგანიზაციის ერთ-ერთ კლიენტს შოკოლადის გემო უცნაურად მოეჩვენა. ახალი ზელანდიის ნარკოტიკების წინააღმდეგ ბრძოლის დეპარტამენტი აცხადებს, რომ შოკოლადი შეიცავდა სამ გრამამდე ამფეტამინს, რაც სამასჯერ აღემატება ჩვეულებრივ დოზას და ლეტალურ შედეგამდე შეიძლება მიიყვანოს ადამიანი. ახალი ზელანდიის პოლიციამ საქმეზე გამოძიება დაიწყო.

მეტი...

ევროპაში ანომალიური სიცხეებია. ქალაქში მოხალისეები გამოჩნდნენ, რომლებიც ქუჩებში გამაგრილებელ სასმელებს არიგებენ. ადგილობრივი ხელისუფლება მოქალაქეებს შინ დარჩენისა და დიდი რაოდენობით სითხის მიღებისკენ მოუწოდებს. ანალოგიური ვითარებაა გერმანიაშიც. მიუნხენსა და ახლომდებარე ქალაქებში მოსახლეობა თავს ქალაქის პარკებს აფარებს და შადრევნებში გრილდება. სინოპტიკოსების პროგნოზით, ჰაერის მაღალი ტემპერატურა კვირის ბოლომდე შენარჩუნდება.

მეტი...

გერმანიის გენერალურმა პროკურორმა იენს რომელმა 2022 წელს ბალტიის ზღვაში გამავალი გაზსადენის „ჩრდილოეთ ნაკადის“ აფეთქებაში ეჭვმიტანილი უკრაინის მოქალაქის დაკავების ორდერი გასცა. გავრცელებული ცნობებით, ეჭვმიტანილი, რომელსაც ვლადიმერი ჰქვია, დაივინგის ინსტრუქტორია. ის პოლონეთის ქალაქ პრუშკუვში ცხოვრობდა, თუმცა ახლა გამოძიებას ემალება. უცნობია, ახლა ის უკრაინაშია თუ არა. გამოძიების ცნობით, ვლადიმერი 2022 წლის 8 სექტემბერს იმ მანქანაში იჯდა, რომელსაც დაივერები ბალტიის ზღვის სანაპიროზე მდებარე გერმანულ ქალაქ რიუგენში გადაჰყავდა. მას შემდეგ, რაც ვლადიმერი თანამზრახველებთან ერთად რიუგენში ჩავიდა, ის „ანდრომედეს“ იახტაზე გადაჯდა და ზღვაში შევიდა, რასაც შემდეგ გაზსადენის აფეთქება მოჰყვა. გერმანიის სამართალდამცველები ვლადიმერის გარდა ეძებენ კიდევ ორ…

მეტი...

ათენის ჩრდილო-აღმოსავლეთ ნაწილში გაჩენილი მასშტაბური ხანძრის გამო, ზღვისპირა ქალაქი, ნეა მაკრი ევაკუირებულია. ინფორმაციას independent-ი ავრცელებს. ამ დროისთვის, ხანძრის ლოკალიზებისთვის 700 მეხანძრე მაშველი მუშაობს. მეტეოროლოგების ცნობით, ქარიშხალი საათში 60-70 კილომეტრს მიაღწევს, რაც საფრთხეს უქმნის ათასობით ადამიანს. საბერძნეთის ტერიტორიის ნახევარზე განგაშის წითელი ნიშნულია გამოცხადებული. გავრცელებული ინფორმაციით, ხანძრის გამო გარდაცვლილია ერთი და დაშავებულია ათობით ადამიანი.

მეტი...