თვე: აგვისტო 2024

რუსეთის უსაფრთხოების საბჭოს თავმჯდომარის მოადგილე, დიმიტრი მედვედევი „ტელეგრამის“ საკუთარ არხზე წერს, რომ ქვეყანა შეიძლება მოლაპარაკებების ხაფანგში აღმოჩნდეს. მანვე აღნიშნა, რომ „მტრის“ დამარცხებამდე მოლაპარაკებები არ იქნება. „ნეონაცისტების მიერ კურსკის ოლქში ჩადენილი ტერაქტის შემდეგ, ყველაფერი თავის ადგილზე დადგა. მშვენიერი სამყაროს თემაზე არაუფლებამოსილი შუამავლების ამაო ჭორაობა შეწყდა. ახლა ყველას ყველაფერი ესმის, თუნდაც ამას ხმამაღლა არ ამბობდნენ. მათ ესმით, რომ მტრის სრულად დამარცხებამდე მოლაპარაკებები არ იქნება!“ – წერს დიმიტრი მედვედევი.    

დიდი ბრიტანეთის პრემიერ-მინისტრმა, კირ სტარმერმა ისრაელის პრემიერ-მინისტრ ბენიამინ ნეთანიაჰუსთან ღაზას სექტორში არსებული ვითარების შესახებ სატელეფონო საუბარი გამართა. ინფორმაციას ბრიტანეთის პრემიერ-მინისტრის პრესსამსახური ავრცელებს. კირ სტარმერმა კიდევ ერთხელ დაადასტურა ისრაელის თავდაცვის უფლება და პარტნიორებთან მუშაობა რეგიონული უსაფრთხოების შენარჩუნებისთვის. „პრემიერ-მინისტრმა ასევე მოუწოდა პრემიერ-მინისტრ ნეთანიაჰუს გაზარდოს დახმარების მიწოდება ღაზას სექტორში და უზრუნველყოს საერთაშორისო სამართლის მუდმივი დაცვა“, – ნათქვამია განცხადებაში.

პენტაგონში აცხადებენ, რომ უკრაინასთან განიხილავენ კურსკის ოპერაციის გრძელვადიან ამოცანებს. განცხადება ამის შესახებ აშშ-ის თავდაცვის დეპარტამენტის პრესმდივანმა, პატრიკ რაიდერმა ჟურნალისტებთან შეხვედრაზე გააკეთა. მისი თქმით, როგორც უკრაინის პრეზიდენტმა ზელენსკიმ განაცხადა, უკრაინა კურსკში ბუფერული ზონის მოწყობას აპირებს. თუმცა, რაიდერის განცხადებით, აშშ უკრაინელებისაგან მათი ამოცანების შესახებ მეტი ინფორმაციის მიღებას ცდილობს. „რაც შეეხება კურსკში მათ ოპერაციას, უკრაინელებმა აიძულეს რუსებს თავი დაეცვათ. ამ ოპერაციამ, ცხადია, მოახდინა კრეატიულობისა და საბრძოლო უნარების დემონსტრირება, მაგრამ როდესაც საქმე მიდის უკრაინელების გრძელვადიან მიზნებამდე, ჩვენ ამას ჯერ კიდევ განვიხილავთ მათთან”, – განაცხადა რაიდერმა. პენტაგონში ასევე დაადასტურეს, რომ რუსეთმა კურსკის ოლქში მცირე რაოდენობის…

გაერო-ში ისრაელის ელჩის, გილად ერდანის განცხადებით, რომლის თანამდებობაზე ყოფნის 4-წლიანი ვადა დასრულდა, ნიუ-იორკში მდებარე ორგანიზაციის შენობა არასაჭიროა, უნდა დაიხუროს უნდა აღიგავოს პირისაგან მიწისა. „ერთის მხრივ, გამოვდივარ კმაყოფილების გრძნობით, ჩემი ბრძოლითა და აქ მუშაობით, მაგრამ, მეორე მხრივ, დიდი წუხილითა და იმედგაცრუებით. ფაქტია, რომ ეს შენობა, რომელიც შეიძლება გარედან ლამაზად გამოიყურებოდეს, რეალურად დაგრეხილი და დამახინჯებულია“, – აღნიშნა ელჩმა i24News-თან ინტერვიუში. ცნობისთვის, მაისში ისრაელის პრემიერ-მინისტრის ოფისმა გაავრცელა ინფორმაცია, რომ გილად ერდანმა მიიღო გადაწყვეტილება, გაერო-ში 4-წლიანი მოღვაწეობა დაასრულოს. ნეთანიაჰუმ ერდანს შეერთებულ შტატებში დარჩენა და ვაშინგტონში ისრაელის ელჩის თანამდებობა შესთავაზა, მაგრამ დიპლომატი ამ შეთავაზებას არ…

,,უკრაინას საკუთარი თავის დაცვის აბსოლუტური უფლება აქვს და ამას ევროკავშირში გაწევრიანების პროცესთან არანაირი კავშირი არ აქვს”, – ამის შესახებ ევროკომისიის პრესსპიკერმა, პიტერ სტანომ ბრიფინგზე განაცხადა. დღეს, ბრიუსელში გამართულ ბრიფინგზე პიტერ სტანომ კომენტარი უკრაინის პრეზიდენტის, ვოლოდიმირ ზელენსკის განცხადებასთან დაკავშირებით გააკეთა, რომლის მიხედვითაც, უკრაინის შეიარაღებული ძალები რუსეთის ტერიტორიის 1250 კვადრატულ კილომეტრზე მეტსა და 92 დასახლებას აკონტროლებენ. „უკრაინა სასტიკი აგრესორის წინააღმდეგ თავდაცვით ომს აწარმოებს, რომელიც მესამე წელია გრძელდება. რასაც ჩვენ ბრძოლის ველზე ვხედავთ, უკრაინასა თუ რუსეთის ტერიტორიაზე, მხოლოდ პუტინის უკანონო ქმედებების შედეგია. უკრაინას საკუთარი თავის დაცვის აბსოლუტური უფლება აქვს და ამას ევროკავშირში გაწევრიანების…

,,დადგა დრო, ღაზაში მიმდინარე ომი დასრულდეს”, – ამის შესახებ ეგვიპტის პრეზიდენტმა, აბდულ-ფათაჰ ალ-სისიმ აშშ-ის სახელმწიფო მდივანთან, ენტონი ბლინკენთან შეხვედრის შემდეგ განაცხადა. „დადგა დრო, რომ მიმდინარე ომი დასრულდეს, გონიერებას მივმართოთ და მშვიდობისა და დიპლომატიის ენა დავიცვათ“, – განაცხადა აბდულ-ფათაჰ ალ-სისიმ. ეგვიპტის პრეზიდენტმა აღნიშნა, რომ „კონფლიქტის მთელ რეგიონში გავრცელების საშიშროების“ გამო ყველა მხარემ სიფრთხილე უნდა გამოიჩინოს.

,,აზერბაიჯანმა BRICS-ში გაწევრიანებისთვის ოფიციალური განაცხადა გააკეთა”, – ამის შესახებ აზერბაიჯანის საგარეო საქმეთა სამინისტროს სპიკერმა, აიჰან ჰაჯიზადემ თურქულ გამოცემა Anadolu Agency-სთან საუბარში განაცხადა. ცნობისთვის, ივლისის დასაწყისში ყაზახეთში გამართული “შანხაის თანამშრომლობის ორგანიზაციის” სახელმწიფო მეთაურების შეხვედრაზე აზერბაიჯანსა და ჩინეთს შორის “სტრატეგიული პარტნიორობის დამყარების შესახებ” ერთობლივი დეკლარაცია იქნა მიღებული. დეკლარაციაში აღნიშნული იყო, რომ ბაქოს BRICS-ში გაწევრიანება სურს, ხოლო პეკინი ამ მისწრაფებას მიესალმება. რუსეთის პრეზიდენტის ვლადიმერ პუტინის 18-19 აგვისტოს აზერბაიჯანში გამართული ვიზიტის შედეგად მიღებულ ერთობლივ დეკლარაციაშიც აღნიშნული იყო, რომ მოსკოვი მხარს უჭერს BRICS-ში აზერბაიჯანის წევრობას. BRICS ბრაზილიის, რუსეთის, ინდოეთის, ჩინეთისა და სამხრეთ აფრიკის ქვეყნების გაერთიანებაა,…

ჩეხეთის თავდცვის სამინისტროში განაცხადეს, რომ ჩეხეთი ევროკავშირში გაყინული რუსული აქტივებიდან მიღებული პროცენტების ნაწილს უკრაინისთვის ასობით ათასი საარტილერიო ჭურვის შესაძენად გამოიყენებს. ევროკავშირის წევრი სახელმწიფოები იღებენ პროცენტებს რუსული აქტივებიდან, რომელიც მოიცავს ობლიგაციებსა და სხვა ფასიან ქაღალდებს, და ათავსებენ მას ევროკავშირის ფონდში უკრაინის დასახმარებლად. ჩეხეთის თავდაცვის სამინისტრომ განაცხადა, რომ თანხის ნაწილი მოხმარდება უკრაინისთვის საარტილერიო საბრძოლო მასალის შეძენას. „გაყინული რუსული აქტივებიდან მიღებული და ევროკავშირის მიერ გამოყოფილი თანხების წყალობით, ჩვენ უკრაინისათვის ასობით ათასი საბრძოლო მასალის მიწოდებას შევძლებთ“, – განაცხადა ჩეხეთის თავდაცვის მინისტრმა, იანა ჩერნოხოვამ.

უკრაინის პრეზიდენტმა, ვოლოდიმირ ზელენსკიმ ევროპის ქვეყნების ლიდერებს დახმარება სთხოვა უკრაინაში გასაწვევი ასაკის მამაკაცების დაბრუნებაში, თუმცა უარი მიიღო. „ზელენსკი ცდილობდა დახმარება მიეღო თავისი მოკავშირეებისგან უკრაინაში უფრო მეტი საბრძოლი ასაკის მამაკაცის დაბრუნებაში. ის ევროპელ კოლეგებს დახმარებას სთხოვდა ორმხრივი შეხვედრების დროს. თუმცა, ევროპელმა პოლიტიკოსებმა განაცხადეს, რომ არ გააგზავნიან უკრაინაში ლტოლვილებს, ვიდრე ომი გრძელდება“, – ნათქვამია Bloomberg-ის სტატიაში. Bloomberg ზელენსკის ქმედებებს იმით განმარტავს, რომ უკრაინის პრეზიდენტს სურს მხარი დაუჭიროს ომის შედეგად განადგურებულ ეკონომიკას და დაუპირისპირდეს რუსეთს. თუმცა, ახლა ცენტრალური და აღმოსავლეთ ევროპა მუშების დეფიციტს განიცდის. კერძოდ, არც პოლონეთს და არც ჩეხეთს არ სურთ უკრაინელების…

,,უკრაინა კურსკის ოლქის ტერიტორიის 1 260 კვადრატულ კილომეტრსა და 93 დასახლებულ პუნქტს აკონტროლებს”, – ამის შესახებ უკრაინის შეიარაღებული ძალების მთავარსარდალმა ალექსანდრ სირსკიმ განაცხადა. ,,თავდაცვის ძალების დაჯგუფებები კურსკის მიმართულებაზე შეტევით თავდაცვას აწარმოებენ. ამის მიზანია უსაფრთხოების ზონის შექმნა და სუმის ოლქში სამოქალაქო ობიექტების რუსეთის ფედერაციის ტერიტორიიდან დაბომბვის შეწყვეტა, ასევე მოწინააღმდეგისთვის დასწრება. კურსკის ოლქის ტერიტორიაზე შეტევის წარმოების პერიოდში უკრაინის შეიარაღებული ძალები მოწინააღმდეგის თავდაცვის 28-დან 35 კილომეტრამდე სიღრმეში შევიდნენ, დაიკავეს ტერიტორიის 1 263 კვადრატული კილომეტრი და კონტროლი 93 დასახლებულ პუნქტზე დაამყარეს”, – განაცხადა სირსკიმ.

ეგვიპტის პრეზიდენტმა აბდელ ფატაჰ ალ-სისიმ აშშ-ის სახელმწიფო მდივანთან ენტონი ბლინკენთან შეხვედრის დროს განაცხადა, რომ ღაზის სექტორში ცეცხლის შეწყვეტა პალესტინის სახელმწიფოს აღიარებას უნდა დაედოს საფუძვლად. „ღაზის სექტორში ცეცხლის შეწყვეტა პალესტინის სახელმწიფოს მასშტაბურ საერთაშორისო აღიარებას უნდა დაედოს საფუძვლად, უნდა რეალიზებულ იქნას ორი სახელმწიფოს შექმნის გადაწყვეტილება, როგორც რეგიონში სტაბილურობის ძირითადი გარანტი“, – თქვა ეგვიპტის პრეზიდენტმა. მან აგრეთვე ბლინკენი გააფრთხილა, რომ ღაზაში მიმდინარე ომმა შესაძლოა რეგიონული ხასიათი მიიღოს. ცნობისთვის, ბლინკენი ეგვიპტეს ისრაელში ვიზიტის შემდეგ ესტუმრა. ამერიკის სახელმწიფო მდივნის ახლო აღმოსავლეთში ვიზიტის მთავარ მიზანს ისრაელსა და „ჰამასს“ შორის ცეცხლის შეწყვეტის შესახებ შეთანხმების მიღწევაში წვლილის შეტანა…

რუსეთის როსტოვის ოლქში დიზელის საწვავის ბაზაზე გაჩენილ ხანძარს მესამე დღეა ვერ აქრობენ. ხანძრის მიზეზი უკრაინის უპილოტო საფრენი აპარატების შეტევა გახდა. რუსული მედიის ცნობით, ხანძრის გაჩენის მომენტიდან მისი ფართობი გაიზარდა და ამჟამად 10 ათას კვადრატულ მეტრს შეადგენს. ცეცხლის ქრობაში 600 მეხანძრე და 150 ერთეული ტექნიკა მონაწილეობს. ბაზაზე არსებული 74 რეზერვუარიდან 22 იწვის და მათი ჩაქრობა, სავარაუდოდ, კიდევ რამდენიმე დღე ვერ მოხერხდება. ხანძრის ქრობისას მომხდარი აფეთქების დროს 41 მეხანძრე დაშავდა. მათგან 18 საავადმყოფოში გადაიყვანეს. რამდენიმეს მდგომარეობა მძიმეა.

,,პარტნიორებს შორის გამბედაობის ნაკლებობა იმის მიზეზია, რომ პუტინი ჯერ კიდევ არ ეძებს მშვიდობას”, – განაცხადა უკრაინის პრეზიდენტმა, ვოლოდიმირ ზელენსკიმ. მისი თქმით, პარტნიორებს რომ გაეუქმებინათ რუსეთის ტერიტორიაზე იარაღის გამოყენებაზე არსებული შეზღუდვები, მაშინ არ იქნებოდა საჭირო ოპერაცია კურსკის ოლქის ტერიტორიაზე. ზელენსკიმ აღნიშნა, რომ რუსული სამხედრო ბაზები, აეროდრომები, ლოგისტიკა და სხვა სამხედრო ობიექტები უკრაინის თავდაცვის ძალებისთვის სრულიად სამართლიანი სამიზნეებია. ზელენსკიმ ასევე აღნიშნა რუსეთის წინააღმდეგ სანქციების გაძლიერების აუცილებლობა, რადგან რუსეთის ნავთობის ტანკერების „ჩრდილოვანი ფლოტი“ და ურთიერთობა ირანთან და ჩრდილოეთ კორეასთან ახალ გამოწვევად იქცა.

აშშ-ის პრეზიდენტობის კანდიდატმა „რესპუბლიკური“ პარტიიდან დონალდ ტრამპმა ამერიკულ ტელეარხ CBS News-თან საუბარში განაცხადა, რომ ის საპრეზიდენტო არჩევნების შედეგებს აღიარებს, თუ დარწმუნდება, რომ არჩევნები სამართლიანად ჩატარდა. „ვფიქრობ,თუ წავაგებ, ქვეყანა უფსკრულში გადაიჩეხება, როგორიც მანამდე არ ენახა, როგორც ეს 1929 წელს მოხდა. თუ არჩევნები თავისუფალი და სამართლიანი იქნება, უსათუოდ, მე მათ შედეგებს ვაღიარებ“, – თქვა მან. ტრამპმა განმარტა, რომ მისთვის სამართლიანი ნიშნავს, როცა ყველა ხმა სამართლიანად არის დათვლილი. „ეს ნიშნავს, რომ ისინი არ თაღლითობენ, არ აგდებენ ზედმეტ ბიულეტენებს და არ აწესებენ ახალ წესებსა და დებულებებს, რისი უფლებამოსილება მათ არ აქვთ“, – დასძინა ტრამპმა.…