დღე: აგვისტო 29, 2024

უკრაინამ კურსკის ოლქში, ქალაქ ლგოვის მახლობლად რკინიგზის ნაწილზე იერიში მიიტანა. ქალაქის მერის ალექსეი კლევეშოვის განცხადებით, დაზიანებულია სარკინიგზო მაგისტრალი. “ქალაქი უკრაინის შეიარაღებული ძალების იერიშში მოყვა. შეტევის შედეგად დაზიანდა ლგოვი-კიევსკის სარკინიგზო მაგისტრალი”– ამბობს კლევეშოვი. ცნობისთვის, ლგოვი კურსკის ოლქის მსხვილი სარკინიგზო კვანძია, რომლიდანაც მატარებლები ბრიანსკისა და ვორონეჟის ოლქების, ასევე უკრაინის მიმართულებით დადიან.  

მეტი...

ევროპარლამენტის პრეზიდენტმა რობერტა მეცოლამ შტაბის უფროსად თავისი სიძე, მეთიუ ტაბონე დანიშნა. ინფორმაციას, Politico ავრცელებს. ევროპარლამენტის პრესსამსახურის განმარტებით, ტაბონე მეცოლასთან ევროპარლამენტში 2013 წლიდან მუშაობს, რის შემდეგაც 2015 წელს მეცოლას და მოიყვანა ცოლად, მანამდე, სანამ მეცოლა ევროპარლამენტის პრეზიდენტის თანამდებობას დაიკავებდა. ის ამ თანამდებობაზე ლეტიცია ზულეტა დე რეალეს ანსალდოს ჩაანაცვლებს, რომელიც, თავის მხრივ, ევროპარლამენტში ეროვნულ პარლამენტებთან ურთიერთობების დირექტორის პოზიციას დაიკავებს. „ბოლო წლებში ბატონი ტაბონე [მეცოლას] კაბინეტში სხვადასხვა გუნდს უძღვებოდა, მათ შორის გამჭვირვალობის რეფორმის მენეჯმენტს და დავალებად ჰქონდა გასულ ივნისში ევროპარლამენტის არჩევნებში პრეზიდენტის ევროპულ საზოგადოებასთან ჩართულობის კოორდინირება” – ნათქვამია ევროპარლამენტის განცხადებაში.

მეტი...

რუსეთის პრეზიდენტი ვლადიმერ პუტინი 3 სექტემბერს მონღოლეთში ჩასვლას გეგმავს. კრემლის განცხადებით, ვლადიმირ პუტინის ოფიციალური ვიზიტით მონღოლეთში ამ ქვეყნის პრეზიდენტის მოწვევით ჩავა. გეგმები თუ არ შეიცვლება, 2023 წლის მარტიდან, როდესაც ჰააგის სასამართლომ მისი დაკავების შესახებ ორდერი გასცა, ეს პუტინის პირველი ვიზიტი იქნება ქვეყანაში, რომელსაც ხელმოწერილი აქვს ჰააგაში საერთაშორისო სისხლის სამართლის სასამართლოს შექმნის შესახებ რომის წესდება. ცნობისთვის, რომის წესდების ხელმომწერი ქვეყნები ფორმალურად ვალდებულები არიან პუტინის დაკავების ორდერი შეასრულონ. სავარაუდოდ ამ მიზეზით, 2023 წელს პუტინი სამხრეთ აფრიკაში არ ჩავიდა (რომელიც ასევე რომის წესდების ხელმომწერია), სადაც მას BRICS-ის სამიტზე პატიჟებდნენ და, როგორც ვრცელდებოდა, მას…

მეტი...

ამერიკის შეერთებული შტატების პრეზიდენტობის კანდიდატი დონალდ ტრამპი ამბობს, რომ მასზე თავდასხმაში დამნაშავე გარკვეულწილად ჯო ბაიდენი და კამალა ჰარისია. ტრამპი მიიჩნევს, რომ მისი პოლიტიკის მიმართ ბაიდენის მწვავე რიტორიკის გამო ესროლეს. მან თეთრი სახლი, ასევე იმაში დაადანაშაულა, რომ თავდასხმის დღეს მის დაცვას საიდუმლო სამსახურის თანამშრომლების არასაკმარისი რაოდენობა უზრუნველყოფდა. „როგორ შეიძლება თქვა, რომ ეს იღბალია, როდესაც გადარჩენის შანსი 20 მილიონიდან 1 იყო. ერთადერთი პოზიცია იყო, რომელშიც შეიძლებოდა ტყვია ამცდენოდა და მე ამ პოზიციაში ვიდექი. ამაში ღმერთის ხელი ურევია, რადგანაც ღმერთს უყვარს ამერიკა და სურს, რომ ჩვენ ქვეყანა დავიბრუნოთ“, – განაცხადა ტრამპმა. დონალდ ტრამპს…

მეტი...

დიდი ბრიტანეთის პრემიერ-მინისტრმა და გერმანიის კანცლერმა განაცხადეს, რომ დიდი ბრიტანეთისა და გერმანიის მხარდაჭერა უკრაინისადმი ურყევი რჩება. ბერლინში გამართულ ერთობლივ პრესკონფერენციაზე საუბრისას ბრიტანეთის პრემიერ-მინისტრმა ხაზგასმით აღნიშნა, რომ უკრაინა არ იბრძვის მხოლოდ რუსული აგრესიისგან თავის დასაცავად, არამედ „ევროპის ყველა ხალხისთვის“. გერმანიის კანცლერმა განაცხადა, რომ ორივე ქვეყანა გააგრძელებს უკრაინის „ფინანსური, ეკონომიკური, პოლიტიკური და სამხედრო მხარდაჭერით“ უზრუნველყოფას, ვიდრე ეს საჭირო იქნება.

მეტი...

ჩეხეთის პროკურატურამ საქველმოქმედო ფონდის Help Ukraine დამფუძნებელ ვლადიმირ გერგელს თანხების მითვისების გამო ბრალი წაუყენა. როგორც მედია წერს, გამოძიება ეჭვობს, რომ მან ჩეხეთის განათლების სამინისტროსგან საზოგადოებრივი ცენტრ „როზტილის“ დასაფინანსებლად გამოყოფილი 20 მილიონი კრონიდან თანხის ნაწილი მიითვისა. აღნიშნული ცენტრი უკრაინელი ლტოლვილებისა და მათი შვილების ინტეგრაციის მიზნით დაარსდა და ის უკრაინელი ლტოლვილებისთვის უფასო უნდა ყოფილიყო. თუმცა, ჩეხეთის ტელევიზიამ გამოარკვია, რომ ფონდი Help Ukraine თანხას იღებდა უკრაინელი მშობლებისგან და ცენტრის აღმზრდელებს თვეების განმავლობაში არ უხდიდა ანაზღაურებას. სამართალდამცველებმა დაადგინეს, რომ განათლების სამინისტროსგან 15 მილიონი ჩეხური კრონის პირველი ტრანშის მიღებიდან მეორე დღესვე გერგელმა ორი მილიონი კრონი…

მეტი...

აშშ-ის ცენტრალური სადაზვერვო სააგენტოს (CIA) დირექტორის მოადგილემ, დევიდ კოენმა განაცხადა, რომ რუსეთს გაუჭირდება კურსკის ოლქში დაკარგული ტერიტორიის დაბრუნება. ვაშინგტონში დაზვერვისა და ეროვნული უსაფრთხოების სამიტზე სიტყვით გამოსვლისას დევიდ კოენმა აღნიშნა, რომ კურსკის ოლქში შეჭრის მნიშვნელობა ჯერ კიდევ გასარკვევია. მისი თქმით, მიუხედავად იმისა, რომ უკრაინამ განაცხადა, რომ არ აპირებს კურსკის ოლქში დაკავებული ტერიტორიის ანექსირებას, უკრაინის ჯარები აგებენ თავდაცვით ხაზებს და, როგორც ჩანს, ისინი აპირებენ შეინარჩუნონ „ამ ტერიტორიის ნაწილი გარკვეული პერიოდის განმავლობაში“. „ჩვენ შეგვიძლია დარწმუნებული ვიყოთ, რომ პუტინი განახორციელებს კონტრშეტევას ამ ტერიტორიის დასაბრუნებლად. ვფიქრობ, ჩვენი მოლოდინი არის, რომ ეს რთული ბრძოლა იქნება რუსებისთვის“,…

მეტი...

უკრაინის პრეზიდენტმა, ვოლოდიმირ ზელენსკიმ განაცხადა, რომ დონეცკის ოლქში ფრონტზე მდგომარეობა უაღრესად რთულია, ხოლო კურსკის ოლქში უკრაინის მიერ კონტროლირებადი ტერიტორია იზრდება. „პოკროვსკი და სხვა მიმართულებები დონეცკის ოლქში: უაღრესად რთული სიტუაციაა. იქ თავმოყრილია რუსეთის საკვანძო ძალები და ჩვენი თითოეული დანაყოფის გამძლეობა, ოკუპანტის განადგურების უნარი ახლა ძალიან მნიშვნელოვანია. მინდა მადლობა გადავუხადო თითოეულ ჯარისკაცს, ყველა მეთაურს, ვინც პოზიციებს იკავებს“, – აღნიშნა ვოლოდიმირ ზელენსკიმ. უკრაინის პრეზიდენტმა, ასევე განიხილა კურსკის ოლქში მიმდინარე ოპერაცია. „ჩვენ ვაგრძელებთ ჩვენი კონტროლის არეალის გაზრდას უკრაინის საზღვართან მდებარე გარკვეულ რაიონებში. დღესაც, როგორც ყოველ დღე, ხდება ჩვენი გაცვლითი ფონდის შევსება“, – განაცხადა ზელენსკიმ.

მეტი...

საქართველოში მიმდინარე პროცესებს, ამ წუთებში, ბრიუსელში, ევროკავშირის საგარეო საქმეთა მინისტრები განიხილავენ. დიპლომატები მსჯელობენ როგორი უნდა იყოს ევროკავშირის პასუხი ,,ოცნების” მუქარაზე, რომელიც ოპოზიციური პარტიების აკრძალვას ეხება. ,,ჩვენ დღეს, ასევე, ვისაუბრებთ საქართველოზე, რომელიც ევროკავშირში ინტეგრაციის გზაზე ისე არ პროგრესირებს, როგორც ჩვენ გვინდა. კითხვა მდგომარეობს იმაში, რა უნდა გავაკეთოთ. ჩვენ ვიცით პრობლემა, ვიცით დიაგნოზი, მაგრამ რა უნდა გავაკეთოთ. ეს იქნება ინფორმაციის გაცვლა, როგორც პოზიტიური კუთხით, როგორ წავახალისოთ საქართველო, ასევე იმასთან დაკავშირებით, არის თუ არა რაიმე, რაც შეიძლება გაკეთდეს საქართველოს წახალისებისთვის”, – განაცხადა შეხვედრის დაწყებამდე ლატვიის საგარეო საქმეთა მინისტრმა ბაიბა ბრაჟემ.

მეტი...

ევროკავშირის უმაღლესი წარმომადგენელი საგარეო საქმეთა და უსაფრთხოების საკითხებში, ჯოზეფ ბორელი აცხადებს, რომ უკრაინას, რომელიც რუსეთის მიერ ოკუპირებული საკუთარი მიწების გათავისუფლებას ცდილობს, მოკავშირეებისგან მიწოდებული იარაღის გამოყენება არ უნდა შეეზღუდოს. უცხოური მედიის ცნობით, ბორელმა შესაბამისი განცხადება ბრიუსელში ევროკავშირის საგარეო საქმეთა მინისტრების არაფორმალურ შეხვედრაზე, უკრაინის საგარეო საქმეთა მინისტრ დმიტრო კულებას დახვედრისას გააკეთა. ,,უკრაინისთვის გადაცემული იარაღის გამოყენებაზე შეზღუდვები უნდა მოიხსნას. ის სრულად უნდა იქნას გამოყენებული რუსეთის ტერიტორიაზე სამხედრო ობიექტებზე დასარტყმელად, საერთაშორისო წესების შესაბამისად,” – განაცხადა ჯოზეფ ბორელმა.

მეტი...