დღე: აგვისტო 20, 2024

გაერო-ში ისრაელის ელჩის, გილად ერდანის განცხადებით, რომლის თანამდებობაზე ყოფნის 4-წლიანი ვადა დასრულდა, ნიუ-იორკში მდებარე ორგანიზაციის შენობა არასაჭიროა, უნდა დაიხუროს უნდა აღიგავოს პირისაგან მიწისა. „ერთის მხრივ, გამოვდივარ კმაყოფილების გრძნობით, ჩემი ბრძოლითა და აქ მუშაობით, მაგრამ, მეორე მხრივ, დიდი წუხილითა და იმედგაცრუებით. ფაქტია, რომ ეს შენობა, რომელიც შეიძლება გარედან ლამაზად გამოიყურებოდეს, რეალურად დაგრეხილი და დამახინჯებულია“, – აღნიშნა ელჩმა i24News-თან ინტერვიუში. ცნობისთვის, მაისში ისრაელის პრემიერ-მინისტრის ოფისმა გაავრცელა ინფორმაცია, რომ გილად ერდანმა მიიღო გადაწყვეტილება, გაერო-ში 4-წლიანი მოღვაწეობა დაასრულოს. ნეთანიაჰუმ ერდანს შეერთებულ შტატებში დარჩენა და ვაშინგტონში ისრაელის ელჩის თანამდებობა შესთავაზა, მაგრამ დიპლომატი ამ შეთავაზებას არ…

მეტი...

,,უკრაინას საკუთარი თავის დაცვის აბსოლუტური უფლება აქვს და ამას ევროკავშირში გაწევრიანების პროცესთან არანაირი კავშირი არ აქვს”, – ამის შესახებ ევროკომისიის პრესსპიკერმა, პიტერ სტანომ ბრიფინგზე განაცხადა. დღეს, ბრიუსელში გამართულ ბრიფინგზე პიტერ სტანომ კომენტარი უკრაინის პრეზიდენტის, ვოლოდიმირ ზელენსკის განცხადებასთან დაკავშირებით გააკეთა, რომლის მიხედვითაც, უკრაინის შეიარაღებული ძალები რუსეთის ტერიტორიის 1250 კვადრატულ კილომეტრზე მეტსა და 92 დასახლებას აკონტროლებენ. „უკრაინა სასტიკი აგრესორის წინააღმდეგ თავდაცვით ომს აწარმოებს, რომელიც მესამე წელია გრძელდება. რასაც ჩვენ ბრძოლის ველზე ვხედავთ, უკრაინასა თუ რუსეთის ტერიტორიაზე, მხოლოდ პუტინის უკანონო ქმედებების შედეგია. უკრაინას საკუთარი თავის დაცვის აბსოლუტური უფლება აქვს და ამას ევროკავშირში გაწევრიანების…

მეტი...

,,დადგა დრო, ღაზაში მიმდინარე ომი დასრულდეს”, – ამის შესახებ ეგვიპტის პრეზიდენტმა, აბდულ-ფათაჰ ალ-სისიმ აშშ-ის სახელმწიფო მდივანთან, ენტონი ბლინკენთან შეხვედრის შემდეგ განაცხადა. „დადგა დრო, რომ მიმდინარე ომი დასრულდეს, გონიერებას მივმართოთ და მშვიდობისა და დიპლომატიის ენა დავიცვათ“, – განაცხადა აბდულ-ფათაჰ ალ-სისიმ. ეგვიპტის პრეზიდენტმა აღნიშნა, რომ „კონფლიქტის მთელ რეგიონში გავრცელების საშიშროების“ გამო ყველა მხარემ სიფრთხილე უნდა გამოიჩინოს.

მეტი...

,,აზერბაიჯანმა BRICS-ში გაწევრიანებისთვის ოფიციალური განაცხადა გააკეთა”, – ამის შესახებ აზერბაიჯანის საგარეო საქმეთა სამინისტროს სპიკერმა, აიჰან ჰაჯიზადემ თურქულ გამოცემა Anadolu Agency-სთან საუბარში განაცხადა. ცნობისთვის, ივლისის დასაწყისში ყაზახეთში გამართული “შანხაის თანამშრომლობის ორგანიზაციის” სახელმწიფო მეთაურების შეხვედრაზე აზერბაიჯანსა და ჩინეთს შორის “სტრატეგიული პარტნიორობის დამყარების შესახებ” ერთობლივი დეკლარაცია იქნა მიღებული. დეკლარაციაში აღნიშნული იყო, რომ ბაქოს BRICS-ში გაწევრიანება სურს, ხოლო პეკინი ამ მისწრაფებას მიესალმება. რუსეთის პრეზიდენტის ვლადიმერ პუტინის 18-19 აგვისტოს აზერბაიჯანში გამართული ვიზიტის შედეგად მიღებულ ერთობლივ დეკლარაციაშიც აღნიშნული იყო, რომ მოსკოვი მხარს უჭერს BRICS-ში აზერბაიჯანის წევრობას. BRICS ბრაზილიის, რუსეთის, ინდოეთის, ჩინეთისა და სამხრეთ აფრიკის ქვეყნების გაერთიანებაა,…

მეტი...

ჩეხეთის თავდცვის სამინისტროში განაცხადეს, რომ ჩეხეთი ევროკავშირში გაყინული რუსული აქტივებიდან მიღებული პროცენტების ნაწილს უკრაინისთვის ასობით ათასი საარტილერიო ჭურვის შესაძენად გამოიყენებს. ევროკავშირის წევრი სახელმწიფოები იღებენ პროცენტებს რუსული აქტივებიდან, რომელიც მოიცავს ობლიგაციებსა და სხვა ფასიან ქაღალდებს, და ათავსებენ მას ევროკავშირის ფონდში უკრაინის დასახმარებლად. ჩეხეთის თავდაცვის სამინისტრომ განაცხადა, რომ თანხის ნაწილი მოხმარდება უკრაინისთვის საარტილერიო საბრძოლო მასალის შეძენას. „გაყინული რუსული აქტივებიდან მიღებული და ევროკავშირის მიერ გამოყოფილი თანხების წყალობით, ჩვენ უკრაინისათვის ასობით ათასი საბრძოლო მასალის მიწოდებას შევძლებთ“, – განაცხადა ჩეხეთის თავდაცვის მინისტრმა, იანა ჩერნოხოვამ.

მეტი...

უკრაინის პრეზიდენტმა, ვოლოდიმირ ზელენსკიმ ევროპის ქვეყნების ლიდერებს დახმარება სთხოვა უკრაინაში გასაწვევი ასაკის მამაკაცების დაბრუნებაში, თუმცა უარი მიიღო. „ზელენსკი ცდილობდა დახმარება მიეღო თავისი მოკავშირეებისგან უკრაინაში უფრო მეტი საბრძოლი ასაკის მამაკაცის დაბრუნებაში. ის ევროპელ კოლეგებს დახმარებას სთხოვდა ორმხრივი შეხვედრების დროს. თუმცა, ევროპელმა პოლიტიკოსებმა განაცხადეს, რომ არ გააგზავნიან უკრაინაში ლტოლვილებს, ვიდრე ომი გრძელდება“, – ნათქვამია Bloomberg-ის სტატიაში. Bloomberg ზელენსკის ქმედებებს იმით განმარტავს, რომ უკრაინის პრეზიდენტს სურს მხარი დაუჭიროს ომის შედეგად განადგურებულ ეკონომიკას და დაუპირისპირდეს რუსეთს. თუმცა, ახლა ცენტრალური და აღმოსავლეთ ევროპა მუშების დეფიციტს განიცდის. კერძოდ, არც პოლონეთს და არც ჩეხეთს არ სურთ უკრაინელების…

მეტი...

,,უკრაინა კურსკის ოლქის ტერიტორიის 1 260 კვადრატულ კილომეტრსა და 93 დასახლებულ პუნქტს აკონტროლებს”, – ამის შესახებ უკრაინის შეიარაღებული ძალების მთავარსარდალმა ალექსანდრ სირსკიმ განაცხადა. ,,თავდაცვის ძალების დაჯგუფებები კურსკის მიმართულებაზე შეტევით თავდაცვას აწარმოებენ. ამის მიზანია უსაფრთხოების ზონის შექმნა და სუმის ოლქში სამოქალაქო ობიექტების რუსეთის ფედერაციის ტერიტორიიდან დაბომბვის შეწყვეტა, ასევე მოწინააღმდეგისთვის დასწრება. კურსკის ოლქის ტერიტორიაზე შეტევის წარმოების პერიოდში უკრაინის შეიარაღებული ძალები მოწინააღმდეგის თავდაცვის 28-დან 35 კილომეტრამდე სიღრმეში შევიდნენ, დაიკავეს ტერიტორიის 1 263 კვადრატული კილომეტრი და კონტროლი 93 დასახლებულ პუნქტზე დაამყარეს”, – განაცხადა სირსკიმ.

მეტი...

ეგვიპტის პრეზიდენტმა აბდელ ფატაჰ ალ-სისიმ აშშ-ის სახელმწიფო მდივანთან ენტონი ბლინკენთან შეხვედრის დროს განაცხადა, რომ ღაზის სექტორში ცეცხლის შეწყვეტა პალესტინის სახელმწიფოს აღიარებას უნდა დაედოს საფუძვლად. „ღაზის სექტორში ცეცხლის შეწყვეტა პალესტინის სახელმწიფოს მასშტაბურ საერთაშორისო აღიარებას უნდა დაედოს საფუძვლად, უნდა რეალიზებულ იქნას ორი სახელმწიფოს შექმნის გადაწყვეტილება, როგორც რეგიონში სტაბილურობის ძირითადი გარანტი“, – თქვა ეგვიპტის პრეზიდენტმა. მან აგრეთვე ბლინკენი გააფრთხილა, რომ ღაზაში მიმდინარე ომმა შესაძლოა რეგიონული ხასიათი მიიღოს. ცნობისთვის, ბლინკენი ეგვიპტეს ისრაელში ვიზიტის შემდეგ ესტუმრა. ამერიკის სახელმწიფო მდივნის ახლო აღმოსავლეთში ვიზიტის მთავარ მიზანს ისრაელსა და „ჰამასს“ შორის ცეცხლის შეწყვეტის შესახებ შეთანხმების მიღწევაში წვლილის შეტანა…

მეტი...

რუსეთის როსტოვის ოლქში დიზელის საწვავის ბაზაზე გაჩენილ ხანძარს მესამე დღეა ვერ აქრობენ. ხანძრის მიზეზი უკრაინის უპილოტო საფრენი აპარატების შეტევა გახდა. რუსული მედიის ცნობით, ხანძრის გაჩენის მომენტიდან მისი ფართობი გაიზარდა და ამჟამად 10 ათას კვადრატულ მეტრს შეადგენს. ცეცხლის ქრობაში 600 მეხანძრე და 150 ერთეული ტექნიკა მონაწილეობს. ბაზაზე არსებული 74 რეზერვუარიდან 22 იწვის და მათი ჩაქრობა, სავარაუდოდ, კიდევ რამდენიმე დღე ვერ მოხერხდება. ხანძრის ქრობისას მომხდარი აფეთქების დროს 41 მეხანძრე დაშავდა. მათგან 18 საავადმყოფოში გადაიყვანეს. რამდენიმეს მდგომარეობა მძიმეა.

მეტი...

,,პარტნიორებს შორის გამბედაობის ნაკლებობა იმის მიზეზია, რომ პუტინი ჯერ კიდევ არ ეძებს მშვიდობას”, – განაცხადა უკრაინის პრეზიდენტმა, ვოლოდიმირ ზელენსკიმ. მისი თქმით, პარტნიორებს რომ გაეუქმებინათ რუსეთის ტერიტორიაზე იარაღის გამოყენებაზე არსებული შეზღუდვები, მაშინ არ იქნებოდა საჭირო ოპერაცია კურსკის ოლქის ტერიტორიაზე. ზელენსკიმ აღნიშნა, რომ რუსული სამხედრო ბაზები, აეროდრომები, ლოგისტიკა და სხვა სამხედრო ობიექტები უკრაინის თავდაცვის ძალებისთვის სრულიად სამართლიანი სამიზნეებია. ზელენსკიმ ასევე აღნიშნა რუსეთის წინააღმდეგ სანქციების გაძლიერების აუცილებლობა, რადგან რუსეთის ნავთობის ტანკერების „ჩრდილოვანი ფლოტი“ და ურთიერთობა ირანთან და ჩრდილოეთ კორეასთან ახალ გამოწვევად იქცა.

მეტი...

აშშ-ის პრეზიდენტობის კანდიდატმა „რესპუბლიკური“ პარტიიდან დონალდ ტრამპმა ამერიკულ ტელეარხ CBS News-თან საუბარში განაცხადა, რომ ის საპრეზიდენტო არჩევნების შედეგებს აღიარებს, თუ დარწმუნდება, რომ არჩევნები სამართლიანად ჩატარდა. „ვფიქრობ,თუ წავაგებ, ქვეყანა უფსკრულში გადაიჩეხება, როგორიც მანამდე არ ენახა, როგორც ეს 1929 წელს მოხდა. თუ არჩევნები თავისუფალი და სამართლიანი იქნება, უსათუოდ, მე მათ შედეგებს ვაღიარებ“, – თქვა მან. ტრამპმა განმარტა, რომ მისთვის სამართლიანი ნიშნავს, როცა ყველა ხმა სამართლიანად არის დათვლილი. „ეს ნიშნავს, რომ ისინი არ თაღლითობენ, არ აგდებენ ზედმეტ ბიულეტენებს და არ აწესებენ ახალ წესებსა და დებულებებს, რისი უფლებამოსილება მათ არ აქვთ“, – დასძინა ტრამპმა.…

მეტი...

აშშ-ის პრეზიდენტობის კანდიდატმა „რესპუბლიკური“ პარტიიდან დონალდ ტრამპმა სოციალურ ქსელში დაწერა, რომ მისმა ოპონენტმა „დემოკრატიული“ პარტიიდან კამალა ჰარისმა მასთან 4 სექტემბერს დაგეგმილ დებატებში მონაწილეობაზე უარი განაცხადა. „ამხანაგმა კამაპა ჰარისმა გვამცნო, რომ ის 4 სექტემბერს Fox News-ის ეთერში დაგეგმილ დებატებში მონაწილეობას არ მიიღებს. მე მოვლენათა ამგვარი განვითარებით გაოცებული არ ვარ, იმიტომ რომ ვგრძნობ, რომ მან იცის, რომ მისთვის რთული იქნება საკუთარი რეკორდული რაოდენობის გადათქმების დაცვა“, – დაწერა ტრამპმა. ტრამპის თქმით, 4 სექტემბერს დაგეგმილი დებატების ნაცვლად ის Fox News-ის ეთერში წამყვან შონ ჰენიტისთან შოუს წაიყვანს, რომელიც პენსილვანიის შტატში გაიმართება. დეტალები მოგვიანებით გახდება ცნობილი.

მეტი...

ჩეხეთის პრეზიდენტი, პეტრ პაველი მიიჩნევს, რომ უკრაინა ნატოში შეიძლება მიიღონ მაშინაც კი, თუ მისი ტერიტორიების ნაწილი კვლავ რუსეთის ოკუპაციის ქვეშ იქნება. „არ ვფიქრობ, რომ მთელ ტერიტორიაზე კონტროლის სრულად აღდგენა აუცილებელი პირობა იყოს. თუ იქნება დემარკაცია, თუნდაც რაიმე სახის ადმინისტრაციული საზღვრის, მაშინ ჩვენ შეგვიძლია მივიღოთ ეს, როგორც დროებითი და მივიღოთ უკრაინა ნატოში იმ ტერიტორიით, რომელსაც ის აკონტროლებს იმ მომენტისთვის“, – აღნიშნა ჩეხეთის პრეზიდენტმა. პაველმა გაიხსენა, რომ გერმანია ჩრდილოატლანტიკურ ალიანსში 1955 წელს მიიღეს, თუმცა ქვეყნის ნაწილი საბჭოთა კავშირის მიერ ოკუპირებული იყო. „ამიტომ, ვფიქრობ, არსებობს გამოსავალი, როგორც ტექნიკურად, ასევე იურიდიულად, რომ უკრაინის ნატოში…

მეტი...

რუსეთის პრეზიდენტმა ვლადიმერ პუტინმა საკუთარ ჯარს კურსკის ოლქიდან უკრაინული შენაერთების განსადევნად 1 ოქტომბრამდე მისცა ვადა. ინფორმაციას უკრაინული მედია ავრცელებს. ამავდროულად, პუტინმა თავდაცვის სამინისტროს დონბასიდან, განსაკუთრებით ტორეცკისა და პოკროვსკის მიმართულებებიდან ჯარების მოხსნა და კურსკის მიმართულებაზე გადასროლა აუკრძალა. შეგახსენებთ, რომ უკრაინის ჯარი კურსკის ოლქში 6 აგვისტოს შევიდა. როგორც უკრაინის პრეზიდენტმა ვოლოდიმირ ზელენსკიმ 19 აგვისტოს განაცხადა, უკრაინული ჯარი 1 250 კვადრატული კილომეტრის ტერიტორიას და 92 დასახლებულ პუნქტს აკონტროლებს.

მეტი...

ღაზაში ცეცხლის შეწყვეტის მოლაპარაკებებზე, ისრაელი შტატების წინადადებას დათანხმდა. ამერიკული გეგმის მიხედვით, კონფლიქტის ზონაში უნდა შეწყდეს ცეცხლი, მოქალაქეებისთვის შეიქმნას ჰუმანიტარული ზონა, “ჰამასმა” კი მძევლები გაათავისუფლოს. პარალელურად, უნდა გაგრძელდეს დიალოგი. აშშ-ის სახელმწიფო მდივანი და ისრაელის პრემიერი სამი საათის განმავლობაში დახურულ კარს მიღმა საუბრობდნენ. ბლინკენმა “ჰამასს” მოლაპარაკებებში ჩართვისკენ მოუწოდა, პასუხად ტერორისტულმა დაჯგუფებამ განაცხადა, რომ ამ დიალოგის მიზანი ისრაელისთვის დროის მოგება და გენოციდის გახანგრძლივებაა. ,,პრემიერ-მინისტრმა ნეთანიაჰუმ ძალიან კონსტრუქციული შეხვედრისას დამიდასტურა, რომ ისრაელმა მოლაპარაკებების წინადადება მიიღო, რომ ის შეთანხმების მიღწევას მხარს უჭერს. ახლა “ჰამასმა” იგივე უნდა გააკეთოს. შემდეგ მხარეებმა მომლაპარაკებლების ხელშეწყობით პროცესი უნდა დაასრულონ. ზუსტად…

მეტი...

კურსკის ოლქზე უკრაინის შეიარაღებული ძალების თავდასხმების შედეგად 17 ადამიანი დაიღუპა. ინფორმაციას რუსული მედია ავრცელებს. „ბოლო მონაცემებით, უკრაინის შეიარაღებული ძალების თავდასხმების შედეგად 17 ადამიანი დაიღუპა. 140-ზე მეტი დაშავებულიდან 75 ჰოსპიტალიზებულია, მათ შორის 4 ბავშვი“ – განაცხადა წყარომ მედიასთან საუბრისას. ცნობისთვის, 12 აგვისტოს რეგიონის გუბერნატორის მოვალეობის შემსრულებელმა ალექსეი სმირნოვმა რუსეთის პრეზიდენტ ვლადიმირ პუტინს განუცხადა, რომ კურსკის ოლქზე უკრაინის შეიარაღებული ძალების თავდასხმის შედეგად 12 ადამიანი დაიღუპა და 121 დაშავდა.    

მეტი...

ღაზას სექტორში ავიაიერიში განახორციელეს სკოლის შენობაზე, სადაც, მოძრაობა „ჰამასის“ მებრძოლები მოქმედებდნენ. ამის შესახებ, ისრაელის თავდაცვის ძალები აცხადებენ. მათი ინფორმაციით, ზუსტი დარტყმა მიაყენეს ტერორისტებს, რომლებიც მოქმედებდნენ მუსტაფა ჰაფტის სკოლის შენობაში განთავსებულ „ჰამასის“ სამეთაურო-საკონტროლო ცენტრში. „ტერორისტული ორგანიზაცია „ჰამასი“ სისტემატურად არღვევს საერთაშორისო კანონს, მხეცურად იყენებს სამოქალაქო ინსტიტუტებს და მოსახლეობას, როგორც ცოცხალ ფარს ტერორისტული საქმიანობისთვის“, – აცადებენ ისრაელის თავდაცვის ძალებში. მათი მტკიცებით, ავიაიერიშამდე მიიღეს ზომები მშვიდობიანი მოსახლეობის დაზარალების რისკის შესამცირებლად და სამხედროებმა ზუსტი მართვადი ჭურვები გამოიყენეს.  

მეტი...

აშშ-ის დაზვერვის ინფორმაციით, პრეზიდენტობის კანდიდატის, დონალდ ტრამპის საარჩევნო კამპანიაზე განხორციელებული ჰაკერული თავდასხმის უკან ირანი დგას. გამოძიების ფედერალურმა ბიურომ და სხვა ფედერალურმა სააგენტოებმა ერთობლივ განცხადებაში აღნიშნეს, რომ ირანმა აშშ-ის არჩევნებში ჩარევა უთანხმოების გაღვივებისა და დემოკრატიული ინსტიტუტებისადმი ნდობის შელახვის მიზნით განახორციელა. „დაზვერვა დარწმუნებულია, რომ ირანელებს სოციალური ინჟინერიისა და სხვა ძალისხმევის დახმარებით პირდაპირი წვდომა ჰქონდათ ორივე პოლიტიკური პარტიის საპრეზიდენტო კამპანიაზე“- ნათქვამია დაზვერვის განცხადებაში. დაზვერვის ინფორმაციით, ეს ქმედებები მიზნად ისახავს, გავლენა მოახდინოს აშშ-ის საარჩევნო პროცესებზე, რადგან ირანი საკუთარი ეროვნული უსაფრთხოების ინტერესებისთვის 2024 წლის საპრეზიდენტო არჩევნებს განსაკუთრებით მნიშვნელოვნად აღიქვამს.  

მეტი...