თვე: ივნისი 2024

247 მომხრე – 155 წინააღმდეგი, აშშ-ის წარმომადგენელთა პალატამ ჰააგის სასამართლოს ოფიციალური პირების მიმართ სანქციების დაწესების შესახებ კანონპროექტს მხარი დაუჭირა. კანონპროექტი, რომელიც განსახილველად სენატს გადაეცემა, მიზნად ისახავს საერთაშორისო ჰააგის სასამართლოს ოფიციალურ პირებზე სანქციების დაწესებას. საუბარია ჰააგის პროკურორის გადაწყვეტილებაზე, რომელიც ღაზის ომთან დაკავშირებული ისრაელის ოფიციალური პირების, მათ შორის, პრემიერ-მინისტრ ბენიანიმ ნეთანიაჰუსა და თავდაცვის მინისტრ იოავ გალანტის დაკავების ორდერის გაცემას მოითხოვდა. საკანონმდებლო ტექსტში ნათქვამია რომ სანქციები იმ პირებს დაუწესდებათ, რომლებიც ჩართულნი არიან შეერთებული შტატებისა და მისი მოკავშირეების წინააღმდეგ გამოძიების, დაპატიმრების ან სისხლისსამართლებრივი დევნის ძალისხმევაში.

„ღაზაში ცეცხლის შეწყვეტის წინადადებაზე „ჰამასის“ პასუხს ველოდებით“, – ამის შესახებ ეროვნული უსაფრთხოების საკითხებში თეთრი სახლის მრჩეველმა, ჯეიკ სალივანმა განაცხადა. „კატარელი შუამავლების მეშვეობით ჩვენ „ჰამასის“ პასუხს ველოდებით“, – განაცხადა სალივანმა. მან აღნიშნა, რომ აშშ-ის ცენტრალური სადაზვერვო სააგენტოს (CIA) დირექტორი, ბილ ბერნსი ცეცხლის შეწყვეტის ახალი წინადადების შესახებ დოჰაში, კატარელ შუამავლებთან კონსულტაციებს გაივლის. ცნობისთვის, აშშ-ის პრეზიდენტმა, ჯო ბაიდენმა ღაზაში ცეცხლის შეწყვეტის შესახებ ისრაელის ახალი წინადადება წარადგინა. გეგმის მიხედვით, პირველი ეტაპი ექვსი კვირის განმავლობაში გაგრძელდება და ღაზის სექტორის დასახლებული პუნქტებიდან ისრაელის ჯარების გაყვანას და ასევე, ასობით პალესტინელი პატიმრის სანაცვლოდ „ჰამასის“ მიერ მძევლების ნაწილის გათავისუფლებას…

„ამერიკის შეერთებული შტატები მზად არის, ითანამშრომლოს ევროპულ ქვეყნებთან, რათა რუსეთის გაყინული აქტივები უკრაინის სასარგებლოდ გამოიყენოს“, – ამის შესახებ აშშ-ის სახელმწიფო დეპარტამენტის პრესსპიკერმა, მეთიუ მილერმა განაცხადა. მისივე თქმით, აშშ კონსულტაციებს აწარმოებს ევროპელ მოკავშირეებთან. „ვფიქრობ, იცით, რომ გაყინული რუსული აქტივების უმრავლესობა არ არის ამერიკის შეერთებულ შტატებში. ისინი ინახება ევროპის ქვეყნებში. იმისთვის, რომ ეს ქმედება იყოს მაქსიმალურად ეფექტიანი, მნიშვნელოვანია, ვიმოქმედოთ ერთობლივად. ამ საკითხთან დაკავშირებით ვაწარმოებთ კონსულტაციებს ჩვენს ევროპელ მოკავშირეებთან, რათა ვიპოვოთ საუკეთესო გზა ამის გასაკეთებლად. შემიძლია ვთქვა, რომ ჩვენ მზად ვართ უზრუნველვყოთ რუსეთის გაყინული აქტივების უკრაინელი ხალხის სასარგებლოდ გამოყენება”, – განაცხადა მილერმა.

„არასდროს ყოფილა ევროპული არჩევნები ასე მნიშვნელოვანი, როგორც ახლა, რადგან ევროპაში ომია, კლიმატის ცვლილება, ჩვენს დემოკრატიას მზარდი უკიდურესობებიც ემუქრება“, – ამის შესახებ საფრანგეთის პრეზიდენტმა, ემანუელ მაკრონმა განაცხადა. მისივე თქმით, თუ ევროპა თავდასაცავად ყველაფერს არ გააკეთებს, მის არსებობას საფრთხე დაემუქრება. „გვაქვს განცდა, რომ ეს არ არის მნიშვნელოვანი, როცა ვხედავ მაჩვენებლებს და ა.შ. თუმცა, არასდროს ყოფილა ევროპული არჩევნები ასე მნიშვნელოვანი, როგორც ეს ახლაა, რადგან ევროპაში არის ომი, კლიმატის ცვლილება, ხელოვნური ინტელექტი. ჩვენს დემოკრატიას მზარდი უკიდურესობებიც ემუქრება. ევროპა შეიძლება მოკვდეს, რადგან თუ ევროპა გულუბრყვილო იქნება, თუ ევროპა ყველაფერს არ გააკეთებს იმისათვის, რომ საკუთარი თავი…

ესტონეთის საგარეო საქმეთა მინისტრი, მარგუს ცაჰკნა უცხოური აგენტების კანონს კიდევ ერთხელ ეხმაურება და წერს, რომ ის არის ქვეყნის მიმართულების შეცვლის სიმბოლო. „ნიღბები ჩამოხსნილია. უცხოური აგენტების კანონით საქართველო მიდის არა ევროკავშირისკენ, არამედ პირიქით. კანონი არის მიმართულების შეცვლის სიმბოლო და ის მოიტანს შედეგებს. ეს არის ის, რასაც ხაზს ვუსვამდი საუბრისას”, – წერს დიპლომატი. შეგახსენებთ, რომ მარგუს ცაჰკნა ლატვიის, ისლანდიისა და ლიეტუვის საგარეო საქმეთა მინისტრებთან ერთად 15 მაისს თბილისში იმყოფებოდა. 4 ქვეყნის დიპლომატიური უწყების პირველი პირები სწორედ უცხოური აგენტების კანონთან დაკავშირებით გამართულ საპროტესტო აქციაზე მივიდნენ რუსთაველის გამზირზე და ქართველ ხალხს და ქვეყნის ევროპულ…

,,აშკარაა, რომ საქართველოს ხელისუფლება ოლიგარქის მარიონეტია”, – წერს ბუნდესტაგის დეპუტატი მიხაილ როთი. ,,საქართველოს ხელისუფლება უნდობლობას უცხადებს საკუთარ ხალხს და აყენებს შეურაცხყოფას. ქუჩებში თავისუფალი ევროპული საქართველოსთვის გამოსული ქართველები „უცხო ძალების“ მარიონეტები კი არა, არამედ მამაცი დემოკრატები არიან. აშკარაა, რომ ხელისუფლება ოლიგარქის მარიონეტია”, – წერს როთი.

„აშშ-ის პრეზიდენტი, ჯო ბაიდენი საფრანგეთში ჩავიდა“, – ამის შესახებ ინფორმაციას სააგენტო Reuters-ი ავრცელებს. აშშ-ის პრეზიდენტი, ჯო ბაიდენი ნორმანდიაში მოკავშირეების ძალების გადასხმის 80 წლის იუბილესთან დაკავშირებით დაგეგმილ ღონისძიებებს დაესწრება. ბაიდენი საფრანგეთში ხუთ დღეს გაატარებს და ვიზიტის ფარგლებში, საფრანგეთის პრეზიდენტთან, ემანუელ მაკრონთან ოფიციალურ შეხვედრას გამართავს. ასევე, ეროვნული უსაფრთხოების საკითხებში თეთრის სახლის მრჩეველმა, ჯეიკ სალივანმა განაცხადა, რომ ჯო ბაიდენი ნორმანდიაში ვოლოდიმირ ზელენსკის შეხვდება.

„ჰამასი“ ვერ დათანხმდება რაიმე შეთანხმებას, თუ ისრაელი არ აიღებს მკაფიო ვალდებულებას მუდმივი ცეცხლის შეწყვეტასა და ღაზის სექტორიდან სრული გასვლის შესახებ, – ამის შესახებ „ჰამასის“ ოფიციალურმა წარმომადგენელმა, ოსამა ჰამდანმა განაცხადა. ,,ჩვენ ვერ დავთანხმდებით შეთანხმებაზე, რომელიც არ უზრუნველყოფს გარანტიას და მუდმივი ცეცხლის შეწყვეტას, ღაზის სექტორიდან ჯარის სრულად გაყვანას და შესაბამისად, რეალური სერიოზული შეთანხმების დასრულებას“, – განაცხადა ჰამდანმა. აშშ-ის პრეზიდენტმა, ჯო ბაიდენმა ღაზაში ომის დასასრულებლად ისრაელსა და „ჰამასს“ შეთავაზება წარუდგინა. „ჰამასის“ ოფიციალური წარმომადგენლის თქმით, ისრაელს მხოლოდ ერთი ეტაპი სურს, სადაც ყველა მძევალს დაიბრუნებს, შემდეგ კი განაახლებს აგრესიას და ომს მათი ხალხის მიმართ.

პოლონეთის პრემიერ-მინისტრის, დონალდ ტუსკის შეფასებით, ევროპის ერთიანობა ერთადერთი გზაა ომის თავიდან ასაცილებლად. „ევროკავშირის არჩევნები პოლონეთის უსაფრთხოებისთვის გადამწყვეტია. ჩვენ ყველანი ყოველდღიურად ვართ ორიენტირებული, რომ გავაძლიეროთ პოლონეთი, გავაძლიეროთ ევროპა, პოლონელები გაერთიანდნენ და ევროპა იყოს გაერთიანებული, რადგან ეს არის ერთადერთი გზა, რომ ავიცილოთ ომის დრამა აქ, ჩვენს მიწებზე“, – განაცხადა ტუსკმა. ცნობისთვის,ევროპის 27 ქვეყანა ახალი მოწვევის ევროპარლამენტის ასარჩევად ემზადება. არჩევნები ამ კვირაში გაიმართება, სადაც ხმის მიცემის უფლება 373 მილიონ მოქალაქეს აქვს. 6-9 ივნისს დანიშნული არჩევნების შედეგი ასევე იმოქმედებს იმაზე, თუ ვინ გახდება ევროკომისიის ახალი პრეზიდენტი.

„სლოვენია ევროკავშირის წევრი კიდევ ერთი ქვეყანა გახდა, რომელმაც დამოუკიდებელი პალესტინის სახელმწიფო აღიარა“, – ინფორმაციას Reuters-ი ავრცელებს. მათივე ცნობით, სლოვენიის პარლამენტმა ეს საკითხი ხმათა უმრავლესობით დაამტკიცა. „პალესტინის, როგორც სუვერენული და დამოუკიდებელი სახელმწიფოს აღიარება იმედს უგზავნის პალესტინელ ხალხს დასავლეთ სანაპიროზე და ღაზაში“, – განაცხადა სლოვენიის პრემიერ მინისტრმა რობერტ გოლობმა. ცნობისთვის, ევროკავშირის 27 წევრიდან პალესტინის სახელმწიფო შვედეთმა, კვიპროსმა, უნგრეთმა, ჩეხეთმა, პოლონეთმა, სლოვაკეთმა, რუმინეთმა და ბულგარეთმა აღიარეს.

„ევროკავშირი სრულ მხარდაჭერას უცხადებს პრეზიდენტ ბაიდენის მიერ წარმოდგენილ გეგმას, რომელიც გამოიწვევს ღაზაში ცეცხლის გრძელვადიან შეწყვეტას, ყველა მძევლის გათავისუფლებას და ღაზის ჰუმანიტარული დახმარების ზრდას“, – ამის შესახებ ევროკავშირის განცხადებაშია აღნიშნული. განცხადების თანახმად, ევროკავშირი აფასებს აშშ-ის, ეგვიპტისა და კატარის გადამწყვეტ ძალისხმევას მოლაპარაკებების ხელშეწყობაში, რათა დასრულდეს ომი ისრაელსა და „ჰამასს“ შორის, ისრაელის უსაფრთხოების უზრუნველსაყოფად, „რის მიმართაც ევროკავშირი ერთგული რჩება.“ „ძალიან ბევრი მშვიდობიანი მოქალაქე დაიღუპა. ახლო აღმოსავლეთში მშვიდობა და სტაბილურობა მთლიანად რეგიონის, ასევე გლობალურ ინტერესებშია. ევროკავშირი მოუწოდებს ორივე მხარეს, მიიღონ და შეასრულონ სამფაზიანი წინადადება, მზადაა, წვლილი შეიტანოს პოლიტიკური პროცესის აღორძინებაში ხანგრძლივი და მდგრადი მშვიდობისთვის,…

2024 წლის 4 ივნისს, ნიუ-იორკში, გაერო-ს გენერალურმა ასამბლეამ, 78-ე სესიის ფარგლებში, მიიღო საქართველოსა და მსოფლიოს სხვადასხვა რეგიონის 63 ქვეყნის მიერ ინიცირებული რეზოლუცია ,,აფხაზეთიდან, საქართველო და ცხინვალის რეგიონიდან/სამხრეთ ოსეთი, საქართველო იძულებით გადაადგილებულ პირთა და ლტოლვილთა სტატუსის შესახებ”. რეზოლუციას 103-მა ქვეყანამ დაუჭირა მხარი. კენჭისყრაში მონაწილეობისგან თავი შეიკავა და შესაბამისად, მას მხარი არ დაუჭირა საქართველოს სტრატეგიულმა პარტნიორმა ჩინეთმა. რეზოლუციის წინააღმდეგ ხმა მისცა ცხრა ქვეყანამ, ხოლო 52-მა ხმის მიცემისგან თავი შეიკავა. აღსანიშნავია, რომ სომხეთმა რეზოლუციას პირველად დაუჭირა მხარი. ცხრა ქვეყანას შორის, რომლებმაც რეზოლუციის წინააღმდეგ მისცეს ხმა არიან: რუსეთი, ბელარუსი, ჩრდილოეთ კორეა, სირია, ზიმბაბვე, ნიკარაგუა,…

უკრაინაში მიმდინარე პროცესებთან დაკავშირებით, აშშ-ის პრეზიდენტი ჯო ბაიდენი უკრაინელ კოლეგას შეხვდება. პრეზიდენტების შეხვედრა დაგეგმილია საფრანგეთსა და იტალიაში. „ნორმანდიაში პრეზიდენტ ბაიდენს  შესაძლებლობა ექნება, შეხვდეს პრეზიდენტ ზელენსკის და მასთან უკრაინაში არსებული მდგომარეობა განიხილოს. ასევე საუბარი შეეხება როგორ გავაღრმავოთ უკრაინის მიმართ ჩვენი მხარდაჭერა. რამდენიმე დღეში მას ასევე ექნება შესაძლებლობა, ისევ  შეხვდეს პრეზიდენტ ზელენსკის იტალიაში, „დიდი შვიდეულის“ სამიტის ფარგლებში“, – აღნიშნულია ბაიდენის მრჩეველის –  ეროვნული უსაფრთხოების საკითხებში, ჯეიკ სალივანის განაცხადებაში. პრეზიდენტები საფრანგეთს ნორმანდიაში მოკავშირეების ძალების გადასხმის 80 წლის იუბილესთან დაკავშირებით არიან მიწვეულები. ასევე, საფრანგეთის პრეზიდენტი, ემანუელ მაკრონი უკრაინელ კოლეგას ელისეის სასახლეში მიიღებს.  

კონგრესში, სადაც საქართველოს შესახებ მოსმენა მიმდინარეობს, აშშ-ის ყოფილი ელჩი საქართველოში უილიამ კორტნი სიტყვით გამოვიდა. როგორც დიპლომატმა აღნიშნა, საქართველომ უნდა დაინახოს რუსეთი, როგორც ყველაზე დიდი საფრთხე. „მეგობარი აქტის განხილვა“ ამ წუთებშიც მიმდინარეობს. „საქართველომ უნდა დაინახოს რუსეთი, როგორც ყველაზე დიდი საფრთხე, მხოლოდ ამ შემთხვევაში მოიხსნება საფრთხე. .. ქვეყანამ დემოკრატიული მომავალი არ უნდა დაკარგოს”, – აღნიშნა დიპლომატმა. უილიამ კორტნის შეფასებით, „რუსულ კანონს“ უდიდესი პროტესტი მოჰყვა და ოქტომბრის არჩევნები ქვეყნისთვის გადამწყვეტი იქნება. „ღირებულებებზე დამყარებულ ურთიერთობას, რომელიც ბოლო 30 წლის განმავლობაში არსებობდა,  ძირი გამოეთხრება, ურთიერთობები გაუარესდება, თუ მოხდება მანიპულაციები 2024 წლის 26 ოქტომბრის არჩევნებზე, თუ მოხდება კანდიდატების…