თბილისში, ვაშლიჯვარში მიმდინარე მასშტაბური სამშენებლო სამუშაოების გამო, მარშალ გელოვანის გამზირზე და მის მიმდებარედ ავტოტრანსპორტისთვის გარკვეული შეზღუდვები დაწესდება.
როგორც “მედიაცენტრ მთავარს” თბილისის მერიაში განუცხადეს, 19 და 20 თებერვალს 00:00 საათიდან 06:00 საათამდე საავტომობილო მოძრაობა გადაიკეტება მარშალ გელოვანის გამზირზე – „ვეფხის და მოყმის“ ძეგლიდან დავით აღმაშენებლის ძეგლამდე, ხოლო ნაწილობრივ შეიზღუდება – დავით აღმაშენებლის ძეგლიდან ვაშლიჯვრის შუქნიშნამდე.
შეზღუდვა იმოქმედებს, ასევე, 21 და 22 თებერვალს, 00:00 საათიდან 06:00 საათამდე. ამ პერიოდში მოძრაობა გადაიკეტება დავით აღმაშენებლის ძეგლიდან ვაშლიჯვრის შუქნიშნამდე. ამის პარალელურად, მოძრაობა ნაწილობრივ შეიზღუდება ვაშლიჯვრის შუქნიშნიდან დავით აღმაშენებლის ძეგლამდე.
თბილისის მერია შეფერხებისთვის მოქალაქეებს ბოდიშს უხდის.