უკრაინის პრეზიდენტის, ვოლოდიმირ ზელენსკის განცხადებით, ბრიუსელში ოფიციალურად დაიწყო სკრინინგის პროცესი, რაც საფუძველს უყრის უკრაინის ევროკავშირში გაწევრიანებაზე მოლაპარაკებებს.
„წინ შრომატევადი სამუშაოა უკრაინის კანონმდებლობის ევროკავშირის სტანდარტებთან შესაბამისობის, უკრაინული დელეგაციის ფორმირებისა და ჩვენი მოლაპარაკების პოზიციის შესაფასებლად. იმედი მაქვს, რომ სამთავრობო გუნდი მაქსიმალურად მობილიზდება და მიმდინარე წლის გაზაფხულზე პირველი მთავრობათაშორისი კონფერენცია გაიმართება“, – წერს ზელენსკი.
