ვილნიუსის აეროპორტმა სავარაუდო ასაფეთქებელი ნივთიერების შესახებ ანონიმური შეტყობინების გამო მუშაობა შეაჩერა და ევაკუაცია გამოაცხადა.
შეტყობინება 15 ნოემბერს, დაახლოებით დილის 8 საათზე მიიღეს. რის შემდეგაც, ტერმინალებიდან ყველა მგზავრის ევაკუაცია განხორციელდა, შემთხვევის ადგილზე ექსპერტები მივიდნენ.
,,აეროპორტის შენობის საფუძვლიანი შემოწმების და შესაბამისი სამსახურების მიერ სიტუაციის შეფასების შემდეგ, მუშაობა ჩვეულ რეჟიმში განახლდა, მგზავრებს საშუალება მიეცათ დაბრუნებულიყვნენ ტერმინალებში, ხოლო დაგეგმილი ფრენების შემოწმება გრძელდება”, – განაცხადა აეროპორტის ადმინისტრაციის წარმომადგენელმა.