ავტოსაგზაო შემთხვევა კახეთში მსხვერპლით დასრულდა. დაღუპულია ერთი ადამიანი.
შემთხვევა ცოტა ხნის წინ, დედოფლისწყაროსა და სიღნაღის დამაკავშირებელ ცენტრალურ მაგისტრალზე მოხდა.
არსებული ინფორმაციით, ერთმანეთს მსუბუქი ავტომობილები შეეჯახნენ. შეჯახების შედეგად, ერთ-ერთ მანქანაში მჯდომი მგზავრი ადგილზე გარდაიცვალა.
შემთხვევის ადგილზე მობილიზებულია პოლიცია და მიმდინარეობს საგამოძიებო მოქმედებები.
