შოვი ამ დრომდე სტიქიური უბედურების ზონად რჩება. დღეს მოულოდნელად ჩამოწოლილმა მეწყერმა ადამიანები, მათ შორის ბავშვები მოიყოლა. სტიქიის ეპიცენტრში მყოფი ხალხი სასწაულებრივად გადარჩა, მთიდან მოწყვეტილი მიწის მასის ერთად ერთი შემაკავებელი შენობები აღმოჩნდა, რამაც იქ მყოფებს საშუალება მისცა უსაფრთხო ადგილზე გადასულიყვნენ.
საფრთხე ამ დროისთვის განეიტრალებულია. შოვში ჩარჩენილები უკვე უსაფრთხო ტერიტორიაზე არიან გადაყვანილი. მათი ევაკუაცია ვერტმფრენებით განხორციელდა.
სტიქიის ზონაში ამ დრომდე რჩებიან ადამიანები, რომლებსაც ახლობლები ვერ უკავშირდებიან.
