,,სტრატეგია აღმაშენებლის“ წევრი, პაატა მანჯგალაძე „ქართული ოცნების“ პოლიტიკური საბჭოს განცხადებას ეხმიანება და აღნიშნავს, რომ პრეზიდენტს აფრთხილებენ. მისივე თქმით, პრეზიდენტს აფრთხილებენ, ”თუ არ მოიქცევი ისე, როგორც ბუტაფორია დისკომფორტი შეგექმნებაო.”
„მე აღვიქვი, რომ „ქართული ოცნება“ პირდაპირ ამბობს ორ რამეს: ჩვენ არ გვჭირდება პრეზიდენტი – სახელმწიფო მეთაური, ჩვენ გვჭირდება პრეზიდენტი – ბუტაფორია, რასაც ვეტყვით, იმას გააკეთებს; მეორე, სულ აფრთხილებდნენ, წითელი ხაზი არ გადაკვეთოო. მათი გაგებით, წითელი ხაზია ის, რომ, ბიძინა ივანიშვილის ინტერესს არ დაუპირისპირდეს. სალომე ზურაბიშვილი შეიძლება, საქართველოს დაუპირისპირდეს, „ქართულ ოცნებას“ დაუპირისპირდეს, მაგრამ ბიძინა ივანიშვილი „ქართული ოცნებისთვის“ არის წითელი ხაზი და გულისხმობენ ნიკა გვარამიას საკითხს. გვარამია ბიძინა ივანიშვილის პირადი პატიმარია და ამ პატიმარს თუ გამოუშვებ, ეს იქნება წითელი ხაზი ჩვენთვისო. პრეზიდენტს აფრთხილებენ, თუ არ მოიქცევი ისე, როგორც ბუტაფორია და არ იქნები ჩვენი მორჩილი, დისკომფორტი შეგექმნებაო, თუ არ დარჩები კომფორტის ზონაში, თუ არ იქნები ბუტაფორია, როგორიც ხარ, შესაბამის ზომებს მივიღებთო“, – განაცხადა პაატა მანჯგალაძემ.
