4-5 აპრილს ჟენევაში გაიმართა ჟენევის საერთაშორისო დისკუსიების 57-ე რაუნდი ამიერკავკასიაში უსაფრთხოებისა და სტაბილურობის შესახებ.
აფხაზეთის დე ფაქტო საგარეო საქმეთა სამინისტროს ინფორმაციით, აფხაზურმა მხარემ დააყენა საკითხი ”აფხაზეთის ეროვნული პასპორტების” მსოფლიოს გარშემო მოგზაურობის დოკუმენტებად გამოყენების შესაძლებლობის შესახებ.
,,აფხაზურმა მხარემ განსაკუთრებული ყურადღება გაამახვილა ძალის გამოუყენებლობის საერთაშორისო გარანტიების შესახებ იურიდიულად სავალდებულო დოკუმენტის შეთანხმებისა და შემდგომი ხელმოწერის აუცილებლობაზე. დისკუსიის შედეგად ქართულმა მხარემ კვლავ უარი თქვა დღის წესრიგში ამ საკვანძო საკითხზე დისკუსიაზე. ეს საკითხი ღიად რჩება და შესთავაზეს მისი განხილვის გადადება მომდევნო რაუნდისთვის. შეხვედრის მონაწილეებმა ადგილობრივ უსაფრთხოებასთან დაკავშირებული სხვა საკითხებიც განიხილეს. აღინიშნა, რომ რეგიონში ვითარება სტაბილურობის ნიშნებს ინარჩუნებს და სიმშვიდეს ახასიათებს,”- ნათქვამია განცხადებაში.
როგორც განცხადებაშია აღნიშნული, აფხაზურმა დელეგაციამ შეშფოთება გამოხარა საქართველოში განვითარებული ბოლო შიდაპოლიტიკური მოვლენების გამო.
,,შეხვედრისას აფხაზურმა დელეგაციამ გამოხატა სერიოზული შეშფოთება საქართველოში განვითარებული ბოლო შიდაპოლიტიკური მოვლენების გამო, რომელმაც დაიწყო საგარეო პოლიტიკური კონტექსტის შესვლა. ხაზგასმით აღინიშნა, რომ ქართული ოპოზიციის წარმომადგენლების მოწოდებებმა ე.წ მეორე ფრონტის გახსნის შესაძლებლობის შესახებ შეიძლება გამოიწვიოს არაპროგნოზირებადი შედეგები და გამოიწვიოს რეგიონში დაძაბულობის ახალი ესკალაცია,”- ნათქვამია განცხადებაში.
