ცხოველთა მონიტორინგის სააგენტოს განცხადებით, ცხოველთა ბრძოლების გამართვა აკრძალულია. მათივე ცნობით, ცხოველის წამება ან მისდამი სასტიკი მოპყრობა, რამაც მისი დაღუპვა ან დასახიჩრება გამოიწვია, სისხლის სამართლის დანაშაულია.
,,საქართველოს სისხლის სამართლის კოდექსის 259-ე მუხლის თანახმად, ცხოველის წამება ან მისდამი სასტიკი მოპყრობა რამაც მისი დაღუპვა ან დასახიჩრება გამოიწვია, ისჯება საზოგადოებისათვის სასარგებლო შრომით, ვადით 120-დან 240 საათამდე; შინაპატიმრობით, ვადით 6 თვიდან 1 წლამდე; ჯარიმით, ან თავისუფლების აღკვეთით ვადით 1 წლამდე.
იგივე ქმედება, ჩადენილი: ა) ჯგუფურად; ბ) არაერთგზის; გ) მცირეწლოვნის თანდასწრებით,
ისჯება საზოგადოებისათვის სასარგებლო შრომით, ვადით 200-დან 400 საათამდე; შინაპატიმრობით, ვადით 1-დან 2 წლამდე; ჯარიმით ან თავისუფლების აღკვეთით, ვადით სამ წლამდე.
ცხოველების მეპატრონეების პასუხისმგებლობისა და მოვალეობების შესახებ იხილეთ – ,,ქალაქ თბილისის მუნიციპალიტეტის ტერიტორიაზე ცხოველების (ძაღლების, კატების) მოვლა-პატრონობის და მათი პოპულაციების მართვის წესის დამტკიცების შესახებ“ ქალაქ თბილისის მუნიციპალიტეტის საკრებულოს დადგენილება 2015 წლის 6 აპრილის N7-28 დადგენილება,”- ნათქვამია ცხოველთა მონიტორინგის სააგენტოს განცხადებაში.