რუსეთის მიერ წარმოებული ომის შედეგად, უკრაინა მილიონობით ადამიანმა დატოვა. ადამიანები, რომლებიც ლტოლვილებად იქცნენ, დღეს უკვე სამშობლოში ბრუნდებიან.
როგორც ევროკომისარი აცხადებს, ამ ეტაპისთვის, უკრაინაში დაბრუნებული მოქალაქეების რაოდენობამ 3 მილიონს მიაღწია.
„არსებული მონაცემებით, ევროკავშირის ქვეყნებში უკრაინიდან 6.7 მილიონი უკრაინელი შევიდა. ყველაზე მეტი ლტოლვილი მიიღო ჩეხეთმა, პოლონეთმა. ესტონეთმა, ლიეტუვა და ბულგარეთმა. 3 მილიონი უკრაინელი კი უკვე დაბრუნდა საკუთარ სამშობლოში“ – აცხადებს ევროკომისარი შინაგან საქმეთა საკითხებში ილვა იოჰანსონი.