თვე: ივლისი 2024

„პრეზიდენტ ზელენსკის ვუთხარი, რომ ჩვენ ეს ომი უნდა დავასრულოთ” – ამის შესახებ აშშ-ის ყოფილმა პრეზიდენტმა და „რესპუბლიკური პარტიის“ საპრეზიდენტო კანდიდატმა, დონალდ ტრამპმა Fox News-თან ინტერვიუში განაცხადა. ტრამპი ამბობს, რომ გაზაფხულის კონტრშეტევა არ მოხდება. „პრეზიდენტმა ზელენსკიმ დამირეკა და ჩვენ კარგი საუბარი გვქონდა. მე მას ვუთხარი, რომ ჩვენ ეს ომი უნდა დავასრულოთ, ეს ომის მანქანაა, თქვენ ომის მანქანას უპირისპირდებით. ეს არის ის, რასაც ისინი აკეთებენ. მათ დაამარცხეს ჰიტლერი, დაამარცხეს ნაპოლეონი, ისინი ომს აწარმოებენ. გაზაფხულის კონტრშეტევა არ მოხდა და მე მას ვუთხარი, რომ ეს ომი უნდა დავასრულოთ. ბევრი რუსი იღუპება, მაგრამ ბევრი უკრაინელიც…

უკრაინის საგარეო საქმეთა მინისტრის, დმიტრო კულებას განცხადებით, ჩინელ კოლეგასთან მოლაპარაკების დროს მიიღო მკაფიო სიგნალი, რომ ჩინეთი მუშაობს ომის პრობლემის მდგრადი და სტრატეგიული გადაწყვეტისთვის. ამის შესახებ კულებამ მედიას განუცხადა. უკრაინის საგარეო საქმეთა მინისტრის ინფორმაციით, ჩინეთი მხარს უჭერს უკრაინის ტერიტორიულ მთლიანობას. „ჩვენ მივიღეთ მკაფიო სიგნალი, რომ ჩინეთი არ ეძებს დროებით გადაწყვეტილებებს, ცეცხლის დროებით შეწყვეტას, არამედ მუშაობს რუსეთის მიერ უკრაინის წინააღმდეგ წარმოებული ომის პრობლემის მდგრადი, სტრატეგიული გადაწყვეტისთვის“- განაცხადა კულებამ.

თეთრ სახლში აშშ-ის პრეზიდენტის, ჯო ბაიდენისა და ისრაელის პრემიერ-მინისტრის, ბენიამინ ნეთანიაჰუს შეხვედრა მიმდინარეობს. შეხვედრის დაწყებამდე ბენიამინ ნეთანიაჰუმ მადლობა გადაუხადა ჯო ბაიდენს ისრაელის მხარდაჭერისთვის. „ბატონო პრეზიდენტო, ერთმანეთს 40 წელია, ვიცნობთ და თქვენ იცნობთ ყველა პრემიერ-მინისტრს, ვინც 50 წლის განმავლობაში ყოფილა. მინდა, მადლობა გადაგიხადოთ 50-წლიანი საჯარო სამსახურისთვის და ისრაელის სახელმწიფოს 50-წლიანი მხარდაჭერისთვის“, – მიმართა ბენიამინ ნეთანიაჰუმ ჯო ბაიდენს. ნეთანიაჰუმ აღნიშნა, რომ მოუთმენლად ელოდება ჯო ბაიდენთან მუშობის გაგრძელებას მომდევნო რამდენიმე თვის განმავლობაში. თავის მხრივ, ჯო ბაიდენმა განაცხადა, რომ ლიდერებს სასაუბრო ბევრი აქვთ. მოგვიანებით, ისრაელის პრემიერ-მინისტრი ვიცე-პრეზიდენტ კამალა ჰარისს შეხვდება, ხოლო 26 ივლისს ნეთანიაჰუ მოლაპარაკებებს…

ისრაელის თავდაცვის ძალებმა ღაზის სექტორში ხუთი ისრაელელი მძევლის ცხედარი აღმოაჩინეს.  აღნიშნულთან დაკავშირებით, „როიტერი“ წერს. ისრაელის თავდაცვის ძალებში აცხადებენ, რომ ხუთივე მძევალი 7 ოქტომბერს, „ჰამასის“ მიერ განხორციელებული თავდასხმის შედეგად დაიღუპა. ერთ-ერთი 56 წლის მაია გორენია, რომელიც საბავშვო ბაღში აღმზრდელად მუშაობდა. ის კიბუც ნირ ოზზე თავდასხმის დროს მოკლეს. დანარჩენი ოთხი კი ჯარისკაცი იყო. ისრაელის პრეზიდენტმა, ისააკ ჰერცოგმა გაავრცელა განცხადება, სადაც მადლობას უხდის ისრაელის ჯარისკაცებს, რომლებმაც გუშინ ღაზაში ხუთი ისრაელელი მძევლის ცხედარი აღმოაჩინეს და სოლიდარობას უცხადებს მათ ოჯახებს. „ჩვენი მოვალეობაა, სახლში მივიყვანოთ ყველა,  ისინი, ვინც ცოცხლები არიან და ისინიც, ვინც ისრაელში დასაკრძალად უნდა დავაბრუნოთ“, –…

“კამალა ჰარისი თეთრ სახლში თუ შევა, იქნება ყველაზე რადიკალი, უკიდურესად მემარცხენე ექსტრემისტი, ვინც ოდესმე დაიკავებს თეთრ სახლს, არასოდეს ყოფილა ასეთი გიჟი თეთრ სახლში”, – განაცხადა  აშშ-ის პრეზიდენტობის კანდიდატმა, დონალდ ტამპმა ჩრდილოეთ კაროლინაში მხარდამჭერებთან შეხვედრის დროს. დონალდ ტრამპის განცხადებით, დემოკრატების დამარცხება აუცილებელია, რადგან სხვა შემთხვევაში ქვეყანა განადგურდება. „ახლა ჩვენ გვყავს დასამარცხებელი ახალი მსხვერპლი, მატყუარა კამალა. ყველაზე არაკომპეტენტური და მემარცხენე ვიცე-პრეზიდენტი ამერიკის ისტორიაში. ახლა მოიყვანეს ის, ვინც ბაიდენზე უარესია, რადგან ბაიდენი ყალბი ლიბერალია. ბაიდენი არც ისე ლიბერალი იყო. ის ყალბი იყო. კამალა ჰარისი ნამდვილი ლიბერალია. და მას აქვს ახალი ხაზი, თქვენ იცით,…

“რუსეთი მოლაპარაკებების პროცესისთვის ღიაა, მაგრამ ჯერ უნდა გავიგოთ, რამდენად არის მზად ამისთვის უკრაინული მხარე”, –    განაცხადა რუსეთის პრეზიდენტის პრესმდივანმა, დიმიტრი პესკოვმა. „რუსეთი მოლაპარაკებების პროცესისთვის ღიაა, მაგრამ ჯერ უნდა გავიგოთ, რამდენად არის მზად ამისთვის უკრაინული მხარე და რამდენად აქვს მას ამის ნებართვა მისი ზედამხედველებისგან. ხედავთ, რომ ძალიან განსხვავებული განცხადებები კეთდება, რომლებიც ჯერ ბოლომდე გასაგები არ არის“, – განაცხადა დიმიტრი პესკოვმა. პესკოვმა აღნიშნა, რომ მოლაპარაკებების შესახებ ჯერ ბევრი საკითხია გასარკვევი. „ზელენსკის ლეგიტიმურობის ზოგადი პრობლემის გარდა, არსებობს პრობლემა რუსულ მხარესთან ნებისმიერი კონტაქტისა და მოლაპარაკებების შესახებ საკანონმდებლო აკრძალვასთან დაკავშირებით. აქედან გამომდინარე, ჯერ კიდევ…

ევროკომისიის პრეზიდენტმა, ურსულა ფონ დერ ლაიენმა ევროკავშირის წევრი ქვეყნების ლიდერებს ოფიციალური წერილით მიმართა, ევროკომისრების თანამდებობებზე თავიანთი ქვეყნების კანდიდატურები წარადგინონ. როგორც გამოცემა „პოლიტიკო“ წერს, ევროკავშირის წევრი ქვეყნების ლიდერებს აგვისტოს ბოლომდე აქვთ ვადა, შეარჩიონ პოტენციური ევროკომისრები, რომლებთანაც ინტერვიუებს უკვე ურსულა ფონ დერ ლაიენი ჩაატარებს. თითოეულ ქვეყანას ერთი კომისარი ჰყავს. გერმანიიდან ეს კანდიდატი არის თავად ურსულა ფონ დერ ლაიენი, ესტონეთის ყოფილი პრემიერ-მინისტრი კაია კალასი კი ევროკომისიის ვიცე-პრეზიდენტი იქნება. ევროკომისართა ახალი შემადგენლობის დაკომპლექტების შემდეგ ისინი პოსტზე ოფიციალურად ევროპარლამენტმა უნდა დაამტკიცოს, სადაც კენჭისყრამდე ამ კანდიდატურების მოსმენა გაიმართება.

“აშშ-ის სამხედრო წვრთნები სომხეთში, საფრანგეთისგან შეიარაღების მიღება და ევროკავშირის სამხედრო დახმარება ახალისებს სომხეთს, განახორციელოს პროვოკაციები და მიუთითებს მის მზადებაზე აზერბაიჯანის წინააღმდეგ მორიგი ომისთვის”, – აღნიშნულია აზერბაიჯანის თავდაცვის სამინისტროს განცხადებაში. აზერბაიჯანის თავდაცვის უწყების განცხადების თანახმად, ქალბაჯარის მიმართულებით მძიმე შეიარაღების გამოყენებით და თოვუზის მიმართულებით კვადკოპტერების გამოყენებით, სომხეთმა პროვოკაციები ჩაიდინა. „აზერბაიჯანის რესპუბლიკის თავდაცვის სამინისტრო კიდევ ერთხელ აფრთხილებს, რომ სომხეთმა და მისმა მხარდამჭერებმა თავი უნდა შეიკავონ სამხრეთ კავკასიის რეგიონში ახალი კონფლიქტის ზონის შექმნისგან. თუ ჩვენი ქვეყნის წინააღმდეგ ეს პროვოკაციული ქმედებები არ შეჩერდება, აზერბაიჯანის რესპუბლიკის შეიარაღებული ძალები მიიღებენ აუცილებელ საპასუხო ზომებს თავდაცვის მიზნით მათ ხელთ არსებული…

რუმინეთის საგარეო საქმეთა მინისტრმა, ლუმინიტა ოდობესკუმ დაადასტურა, რომ რუსეთის დრონების ნამსხვრევები რუმინეთის ტერიტორიაზე აღმოაჩინეს. მინისტრის განცხადებით, რუმინეთმა მომხდარის შესახებ თავის მოკავშირეებს აცნობა. „უკრაინის სამოქალაქო ინფრასტრუქტურის წინააღმდეგ რუსეთმა მორიგი საშინელი თავდასხმები განახორციელა. ნამსხვრევები რუმინეთის ტერიტორიაზეა ნაპოვნი. აღნიშნულ საკითხთან დაკავშირებით ვაცნობეთ ჩვენს მოკავშირეებს და მათთან კოორდინაციაში ვართ. რუმინეთი მკაცრად გმობს ამ უპასუხისმგებლო ქმედებებს“, – წერს რუმინელი დიპლომატი სოციალურ ქსელ X-ში. უკრაინის სამხრეთის მიმართულებით რუსეთმა გუშინ „შაჰედის“ დრონებით იერიში განახორციელა, რა დროსაც დაიბომბა მდინარე დუნიაზე მდებარე იზმაილის პორტი. ოდესის ოლქზე რუსეთის თავდასხმის დროს რუმინეთმა „ეფ-16“-ის ტიპის ავიაგამანადგურებლები გაუშვა. ასევე, სპეციალისტები გაგზავნა უკრაინის საზღვართან მდებარე…

ნიდერლანდები და დანია უკრაინას ტანკებს გადასცემენ. ინფორმაციას ნიდერლანდების თავდაცვის სამინისტრო ავრცელებს. ნიდერლანდების თავდაცვის სამინისტროს ცნობით, ზაფხულის ბოლომდე უკრაინაში ლეოპარდ 2A4-ის 14 ტანკს გაგზავნის. ტანკები, რომელიც ნიდერლანდებმა დანიასთან ერთად გასულ წელს შეიძინა, გერმანულმა კონცერნმა, Rheinmetall-მა შეაკეთა.

უკრაინის საგარეო საქმეთა მინისტრი დმიტრო კულება აცხადებს, რომ ჩინეთმა ურყევად დაადასტურა უკრაინის სუვერენიტეტისა და ტერიტორიული მთლიანობის პრინციპის მხარდაჭერა. აღნიშნულთან დაკავშირებით, კულებამ ჩინელ კოლეგასთამ, ვან ისთან შეხვედრის შემდეგ განაცხადა. კულებას განცხადებით, ჩინეთის საგარეო საქმეთა მინისტრი ეთანხმება, რომ საჭიროა არა მშვიდობის ილუზია, არამედ სამართლიანი და მდგრადი მშვიდობა. „ჩინეთმა ურყევად დაადასტურა უკრაინის სუვერენიტეტისა და ტერიტორიული მთლიანობის პრინციპის მხარდაჭერა. ეს ძალიან მნიშვნელოვანია. ეს აუქმებს მთელ რიგ ინსინუაციებს. ჩემმა ჩინელმა კოლეგამ მკაფიოდ განაცხადა, რომ ეთანხმება, რომ ჩვენ გვჭირდება არა მშვიდობის ილუზია, არამედ სამართლიანი და მდგრადი მშვიდობა. ეს არის ის, რისკენაც უნდა მივისწრაფოდეთ. ჩვენ არ უნდა…

“საბრძოლო მზადყოფნის არმიის ყოლა ნებისმიერი ქვეყნის სუვერენული უფლებაა და სომხეთს არ აქვს სხვა მიზანი თავდაცვისა და უსაფრთხოების სფეროში თავისი საერთაშორისოდ აღიარებული ტერიტორიის დაცვის გარდა”, – აღნიშნულია სომხეთის საგარეო საქმეთა სამინისტროს განცხადებაში. სომხეთის საგარეო უწყების განცხადების თანახმად, არმიის რეფორმების პროცესში სომხეთის რესპუბლიკა მოქმედებს საერთაშორისო სამართლის ფარგლებში. „სომხეთის რესპუბლიკის პრემიერ-მინისტრის აპარატის დიპლომატიური არხებით და საჯაროდ გაცხადებული წინადადებები სასაზღვრო ინციდენტების ან/და მათ შესახებ ინფორმაციის გამოსაძიებლად, სომხეთსა და აზერბაიჯანს შორის ერთობლივი მექანიზმის შექმნის მიზნით, კვლავაც აზერბაიჯანის მხრიდან უპასუხოდ რჩება. ასეთი მექანიზმის ამოქმედება შესაძლებელს გახდის, გაირკვეს ნებისმიერი ვითარება და თავიდან იქნას აცილებული ცრუ ინფორმაციის გავრცელება. ამავე…

ჩეხეთის პრემიერ-მინისტრი პეტრ პაველი უკრაინაში მიმდინარე ომის დასასრულებლად სამშვიდობო ინიციატივებში რუსეთისა და ჩინეთის ჩართვას აუცილებლად მიიჩნევს. უკრაინული მედიის ცნობით, აღნიშნულთან დაკავშირებით, მან სააგენტო CTK-სთან ინტერვიუში განაცხადა. პაველის განცხადებით, ის 2024 წლის ბოლოს ან 2025 წლის დასაწყისში რუსეთ-უკრაინის ომში გარკვეულ ახალ ძვრებს ელოდება. ამის ერთ-ერთ ფაქტორად ასახელებს რამდენიმე მნიშვნელოვან ქვეყანაში, მათ შორის, აშშ-ში არჩევნებს, ასევე რუსეთსა და უკრაინაში ომით მზარდ დაღლილობას. სამშვიდობო სამიტში რუსეთის ჩართვის შესაძლებლობის შესახებ შეკითხვაზე პასუხად პეტრ პაველმა აღნიშნა, რომ ჯერ უცნობია, რეალურია თუ არა ეს, თუმცა „აუცილებელი და სასურველია“.  მან  ასევე აღნიშნა, რომ სამშვიდობო მოლაპარაკებები აზრს მოკლებული იქნება,…

რუსეთის არმიამ ხარკოვის ოლქის კუპიანსკის რაიონის სოფლები: პოდოლი, კუპიანსკ-უზლოვოი და პრიკოლოტნოიე დაბომბა. ხარკოვის საოლქო პროკურატურის ცნობით, დაიღუპა 48 წლის კაცი, დაშავდა კიდევ ერთი ადამიანი. განცხადებაში აღნიშნულია, რომ რუსეთმა დააზიანა მხოლოდ სამოქალაქო ინფრასტრუქტურა.