თვე: ივლისი 2024

უკანონო თევზჭერასა და ზღვის დაბინძურებაზე სანქციები მკაცრდება. საქართველოს სისხლის სამართლის კოდექსში შესული ცვლილების მიხედვით, ელექტროდენით, ელექტროიარაღით, სხვა აკრძალული იარაღით, ასაფეთქებელი, ასევე მომწამლავი ნივთიერებით, თევზის ან წყლის სხვა ცოცხალი ორგანიზმის მასობრივი განადგურების სხვა საშუალებით, დაისჯება საზოგადოებისათვის სასარგებლო შრომით, ვადით 320-იდან 400 საათამდე, ანდა თავისუფლების აღკვეთით ვადით ორიდან ოთხ წლამდე. აღნიშნული კანონი მიმდინარე წლის 1-ლი ოქტომბრიდან ამოქმედდება, ისევე როგორც საქართველოს ადმინისტრაციულ სამართალდარღვევათა კოდექსში შესული ცვლილება. საუბარია, გემიდან, სხვა მცურავი საშუალებიდან, პლატფორმიდან, მილსადენიდან ან ზღვაში ხელოვნურად აგებული სხვა კონსტრუქციიდან, საქართველოს კანონმდებლობით დადგენილი წესის დარღვევით, ზღვაში მავნე, დამაბინძურებელი ნივთიერებების, საწარმოო, ტექნიკური ან სხვა სახის…

ფინანსთა სამინისტროს საგამოძიებო სამსახურის ცნობით, განსაკუთრებით დიდი ოდენობით გადასახადისათვის განზრახ თავის არიდების ფაქტზე, ერთი პირი დააკავეს. ,,გამოძიებით დადგინდა, რომ ბრალდებული, რომელიც იყო ერთ-ერთი კომპანიის დირექტორი და ფაქტობრივი მფლობელი, უკანონო მატერიალური სარგებლის მიღების მიზნით, საგადასახადო კანონმდებლობის დარღვევით, სისტემატურად ახდენდა შემოსავლების არასწორ დეკლარირებას, რა გზითაც, მან განზრახ თავი აარიდა სახელმწიფო ბიუჯეტის კუთვნილ ძირითად გადასახადს – 1 524 223 ლარის ოდენობით”,- წერია უწყების განცხადებაში. გამოძიება საქართველოს სისხლის სამართლის კოდექსის 218-ე მუხლის მეორე ნაწილით მიმდინარეობს , რაც სასჯელის სახით ითვალისწინებს თავისუფლების აღკვეთას 5- დან 8 წლამდე ვადით.

ბათუმში, მშენებლობაზე დასაქმებული არასრულწლოვანი სიმაღლიდან ჩამოვარდა და დაიღუპა. ინფორმაციას თავდაპირველად გამოცემა “აჭარათაიმსმა” გაავრცელა. შემთხვევა დღეს, 12 ივლისს, დილით მოხდა. გამოცემის ცნობით, 17 წლის ბიჭი სასწრაფო დახმარების ექიმებს გარდაცვლილი დახვდათ.

გამოცდების ეროვნული ცენტრი მასწავლებლის საგნის გამოცდაში მონაწილეთა საყურადღებოდ ინფორმაციას ავრცელებს: „გთავაზობთ ფიზიკის, საბაზო პროფესიული უნარების, სომხური ენისა და მუსიკის გამოცდებზე გამოყენებულ ტესტებს. სსიპ – შეფასებისა და გამოცდების ეროვნული ცენტრის მიერ ჩატარებულ გამოცდებზე გამოყენებული ტესტები წარმოადგენს ცენტრის საკუთრებას და დაცულია “საავტორო და მომიჯნავე უფლებების შესახებ” საქართველოს კანონით, შესაბამისად, ამ მასალების ცენტრის ნებართვის გარეშე გასაჯაროება (დაბეჭდვა, ვებგვერდზე ან სოციალურ ქსელში განთავსება დ ა.შ.) აკრძალულია“, – ნათქვამია ინფორმაციაში.

ბოლო დროს, დაღლითური სქემების გააქტიურება შეინიშნება. უსაფრთხოების ექსპერტი ანდრო გოცირიძე მოსახლეობას აფრთხილებს და რამდენიმე მნიშვნელოვან რჩევას გვიზიარებს: „ფოსტის სახელით მოსულ სმს გზავნილები ისევ აქტუალურია, სამწუხაროდ. მიმდინარეობს თაღლითური კამპანია, რომლის დროსაც, SMS -ის საშუალებით მომხმარებლები იღებენ შეტყობინებას, თითქოსდა, საქართველოს ფოსტა ითხოვს მისამართის დაზუსტებას ამანათის ჩასაბარებლად. გზავნილზე აპელირება მაცდურია (ნახევარი საქართველო ონლაინ შოპინგობს, ან გზავნილს ელის ემიგრანტისგან), მაგრამ დააკვირდით ინდიკატორებს, რომლებიც მიგვანიშნებენ თაღლითობაზე: შეტყობინება მოსულია კერძო ნომრიდან, რაც, ჩვეულებრივ, არ ხდება ხოლმე. ტექსტის გაუმართაობა თვალშისაცემია. ასე ქართული ოფიციალური სტრუქტურა, უბრალოდ, ქართული ვისთვისაც მშობლიურია, არ წერს. ბმულის „არარესპექტაბელური“ სახე პირდაპირ მიგვანიშნებს, რომ ეს…

გარემოს ეროვნული სააგენტოს ინფორმაციით, 14 ივლისამდე საქართველოს ცალკეულ რაიონში მოსალოდნელია ხანმოკლე წვიმა ელჭექით, ზოგან შესაძლებელია სეტყვა და ქარის გაძლიერება. თბილისში უმეტესად უნალექო ამინდი იქნება. ჰაერის ტემპერატურა დღისით +35, +37 გრადუსი დაფიქსირდება. სანაპირო რაიონებში (ბათუმი, ქობულეთი, ანაკლია, ფოთი): თბილი და უმეტესად უნალექო ამინდია მოსალოდნელი. ჰაერის ტემპერატურა დღისით +28, +30 გრადუსი დაფიქსირდება. დასავლეთ საქართველოს დაბლობ რაიონებში (ზესტაფონი, ქუთაისი, სამტრედია, ზუგდიდი, მარტვილი, ოზურგეთი): ზოგან გაწვიმდება. ჰაერის ტემპერატურა დღისით +34, +36 გრადუსი დაფიქსირდება. დასავლეთ საქართველოს მთიან რეგიონებში (ამბროლაური, ონი, ცაგერი, შოვი, ჭიათურა, საჩხერე, ხულო, რიკოთის უღელტეხილი): ზოგან მოსალოდნელია ხანმოკლე წვიმა ელჭექით. ჰაერის ტემპერატურა დღისით…

საქართველოს ფეხბურთის ეროვნული ნაკრების წევრების მიმართ განხორციელებული მუქარის ფაქტზე სასამართლომ ნაკრების ყოფილი ფეხბურთელის, ვაკო ყაზაიშვილის ცოლის ძმა, ნოდარ ნიშნიანიძე დამნაშავედ ცნო. პროკურატურის ცნობით, ის ფეხბურთელებს ხმოვან შეტყობინებებს უგზავნიდა, სადაც ნაკრების ძირითად შემადგენლობაში სიძის არყოფნის გამო იყო უკმაყოფილო და ფეხბურთელებს და ფედერაციის წარმომადგენლებს ჯანმრთელობის დაზიანებით, მათ შორის სიცოცხლის მოსპობითაც ემუქრებოდა. „სასამართლო პროცესზე გამოკვლეული მტკიცებულებებით დადასტურდა, რომ ბრალდებულმა საქართველოს ფეხბურთის ეროვნული ნაკრების წარმომადგენლებს საკომუნიკაციო აპლიკაციის მეშვეობით ხმოვანი შეტყობინება გაუგზავნა, სადაც ნაკრების ძირითად შემადგენლობაში კონკრეტული პირის არყოფნის გამო უკმაყოფილებას გამოხატავდა და როგორც ნაკრების ფეხბურთელებს, ისე ფედერაციის წარმომადგენლებს სიცოცხლის მოსპობით და ჯანმრთელობის დაზიანებით დაემუქრა”,…

ძლიერმა ქარმა ლაგოდეხის მუნიციპალიტეტის სოფელ მაწიმის მოსახლეობის ნაწილი დააზარალა. ქარმა, მრავალწლოვანი ხეები და ელ. ენერგიის ბოძები მოგლიჯა, ასევე რამდენიმე სახლს სახურავი გადახადა. ადგილზე საგანგებო სიტუაციებისა და მერიის შესაბამისი სამსახურები იყო მობილიზებული. მათ ხეებისგან ჩახერგილი გზები გაწმინდეს. ადგილობრივი ხელისუფლების წარმომადგენლები ამბობენ, რომ ზარალის დათვლა უახლოეს საათებში დაიწყება.

დღეს, 12 ივლისს, მართლმადიდებელი ეკლესია და მრევლი პეტრე – პავლობის დღესასწაულს აღნიშნავს. პეტრე მოციქული ანდრია მოციქულის ძმა იყო, რომელმაც მიიყვანა კიდეც ის ქრისტესთან. წმიდა პეტრეს ცოლი ჰყავდა და სახლი ჰქონდა კაპერნაუმში. ქრისტესაგან ხმობილი გენისარეთის ტბაში თევზის ჭერის დროს, იგი ყოველთვის იშვიათ ერთგულებასა და გამბედაობას იჩენდა, რითაც განსაკუთრებულად იყო დაახლოებული მაცხოვართან, მოციქულებთან – იაკობთან და იოანე ღვთისმეტყველთან ერთად. მან პირველმა აღიარა ქრისტე მესიად, რის გამოც მიიღო „კლდის“ ზედწოდება; ამ კლდეზე უფალმა თავისი ეკლესიის აშენება ინება, რომელსაც ვერას დააკლებდნენ ბჭენი ჯოჯოხეთისანი. სულიერი ძალა, რომელიც გამომდინარეობდა მოციქულ პეტრესაგან იმდენად ძლიერი იყო, რომ თვით…

გორის მუნიციპალიტეტში, სარკინიგზო მაგისტრალზე მომხდარი შემთხვევა მსხვერპლით დასრულდა. სოფელ ქვახვრელთან სარკინიგზო ლიანდაგზე მოძრავი ლოკომოტივი 35 წლის მამაკაცს დაეჯახა. დაშავებული შემთხვევის ადგილზევე გარდაიცვალა. გარდაცვლილის თანასოფლელების ინფორმაციით, მამაკაცი, სავარაუდოდ, არაფხიზელ მდგომარეობაში იმყოფებოდა. როგორც შინაგან საქმეთა სამინისტროში აცხადებენ, მომხდარ ფაქტზე გამოძიება დაწყებულია საქართველოს სისხლის სამართლის კოდექსის 275-ე მუხლის მე-4 ნაწილით, რაც რკინიგზის ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

„ეს არის სახალხო მოძრაობა. რა თქმა უნდა, როგორც პოლიტიკური მოძრაობა, არ არის. არ ვიცი, რა ფორმას მიიღებს ეს“- ამბობს მომღერალი ნინო ქათამაძე, რომელმელიც ხვადასხვა სფეროს წარმომადგენლებმა ერთად სამოქალაქო მოძრაობას – „აირჩიე ევროპა“ შეუერთდა. „ეს არის სახალხო მოძრაობა. რა თქმა უნდა, როგორც პოლიტიკური მოძრაობა, არ არის. არ ვიცი, რა ფორმას მიიღებს ეს. როგორც პროფესიით მუსიკოსი, აქტივისტი ვუერთდები ამ გამოწვევას, რადგან ზუსტად ვიცი, რომ საჭიროა, ძალიან ბევრ ადამიანს ავუხსნათ არა ვის, არამედ როგორ მისცეს ხმა და რაზეა მნიშვნელოვანი ფიქრი იმისთვის, რომ არც ზედმეტი მოლოდინები გვქონდეს და სწორი არჩევანი გაკეთდეს და რაც მნიშვნელოვანია,…

,,ქართული ოცნების” ქალ დეპუტატებს, მოქალაქემ, ნათია ლეთოდიანმა ,,რუსი მონა”, ,,ბიძინას მონა”, ეძახა. მმართველი პარტიის  დეპუტატებს, მან ასევე ჰკითხა: ,,კარგია რუსეთში ცხოვრება?!” ,,როგორ არიან მასონები”?”. აღნიშნულთან დაკავშირებით განცხადება სოციალურ ქსელში გაავრცელა ნინო წილოსანმა.   „დროას“ პოლიტსაბჭოს წევრი, ცნობილი აქტივისტი, აგრესორია, რომელიც მომივარდა” – ნინო წილოსანი

თბილისის საქალაქო სასამართლომ გაიზიარა პროკურატურის მიერ წარდგენილი მტკიცებულებები და საქართველოს ფეხბურთის ეროვნული ნაკრების წევრების მიმართ განხორციელებული მუქარის ფაქტზე ერთი პირი დამნაშავედ ცნო. ,,სასამართლო პროცესზე გამოკვლეული მტკიცებულებებით დადასტურდა, რომ ბრალდებულმა საქართველოს ფეხბურთის ეროვნული ნაკრების წარმომადგენლებს საკომუნიკაციო აპლიკაციის მეშვეობით ხმოვანი შეტყობინება გაუგზავნა, სადაც ნაკრების ძირითად შემადგენლობაში კონკრეტული პირის არყოფნის გამო უკმაყოფილებას გამოხატავდა და როგორც ნაკრების ფეხბურთელებს, ისე ფედერაციის წარმომადგენლებს სიცოცხლის მოსპობით და ჯანმრთელობის დაზიანებით დაემუქრა”, – ნათქვამია განცხადებაში. მას ბრალდება საქართველოს სისხლის სამართლის კოდექსის 151-ე მუხლის პირველი ნაწილით (მუქარა) წარედგინა. სასამართლომ ბრალდებული დამნაშავედ ცნო წარდგენილ ბრალდებაში და კანონით გათვალისწინებული მაქსიმალური სასჯელი 1…

ვარკეთილში მეტროს მიმდებარე ტერიტორიაზე გაჩერებულ მანქანას მეორე მანქანა შეეჯახა, რამაც ინერციით სხვა შეჯახებაც გამოიწვია. შედეგად, რამდენიმე მსუბუქი ავტომობილი დაიმტვრა. შსს-ს ინფორმაციით, შემთხვევის შედეგად არავინ დაშავებულა.