თვე: ივნისი 2024

,,ოპოზიცია და რუსეთი ერთად მუშაობენ სომხეთში ახალი მთავრობის ფორმირებისთვის, ეს საიდუმლო არ არის”, – ამის შესახებ ჟურნალისტებს სომხეთის პარლამენტის თავმჯდომარემ ალენ სიმონიანმა განუცხადა. შენიშვნაზე, რომ ოპოზიცია სომხეთის ამჟამინდელ ხელისუფლებას თურქეთისა და აზერბაიჯანის მხარდაჭერაში ადანაშაულებს, მან უპასუხა: ,,თუ ასეა, მაშინ რატომ ვიღებთ თავდასხმებს ამ მხარეებიდან? თურქული მხარე აცხადებდა, რომ საზღვარს ყარაბაღის საკითხის მოგვარების შემდეგ გახსნიდა, მაგრამ დღეს ეს პროცესი მაინც მნიშვნელოვნად შენელდა. რა მიუთითებს იმაზე, რომ ჩვენ გვაქვს მათი მხარდაჭერა? ყველა მხრიდან დარტყმას ვიღებთ. დღეს ელიტა, ოლიგარქია, ეკლესია, ჩვენს წინააღმდეგაა, მხოლოდ სომხეთის ხალხი გვიჭერს მხარს. თქვენც იცით, რომ ხალხის მხარდაჭერა გვაქვს“,…

რუსეთმა ხარკოვისა და ხერსონის ოლქები დაბომბა, შედეგად დაიღუპა ერთი ადამიანი და დაშავდა სამი. ხარკოვის ოლქის გუბერნატორის, ოლეგ სინიეგუბოვის განცხადებით, წინასწარი ინფორმაციით, დერჰაჩის თემს, ადგილობრივი დროით, დილის 9:30 საათზე დაესხნენ თავს, რის შედეგადაც დაიღუპა კაცი და დაშავდა ორი ადამიანი. ხერსონის გუბერნატორის, ოლექსანდრ პროკუდინის ინფორმაციით კი, რუსეთი ასევე თავს დაესხა ქალაქ ხერსონში მდებარე სახლს რის შედეგადაც 102 წლის ქალი დაშავდა, ის საავადმყოფოში გადაიყვანეს.

„ძვირფასო მეგობრებო, გმადლობთ წლების განმავლობაში თქვენი ურყევი მხარდაჭერისთვის, კეთილი სიტყვებისთვის და თანამშრომლობისთვის“ – წერს ევროპარლამენტის წევრი ანა ფოტიგა „ტვიტერის“ გვერდზე. „მიუხედავად იმისა, რომ ხელახლა არ ამირჩიეს, ვრჩები ჩვენი საერთო მიზნების ერთგული და გავაგრძელებ აქტიურ მონაწილეობას ამ პროცესში. მოუთმენლად ველოდები თქვენთან შეხვედრას ამ პარასკევს ვილნიუსში!“, – წერს ფოტიგა. შეგახსენებთ, ევროპარლამენტის არჩევნები გუშინ დასრულდა. ევროკავშირის მოქალაქეებმა 720 პარლამენტარი აირჩიეს, რომლებიც წევრ სახელმწიფოს წარმოადგენენ ქვეყნის მოსახლეობის პროპორციულად.

რუსეთის საგარეო საქმეთა სამინისტროს პრესსპიკერის, მარია ზახაროვას ცნობით, რუსეთმა სომხეთს უკრაინაში სომხეთის ელჩის, ვლადიმერ კარაპეტიანის და ერევნის ნორ-ნორკის რაიონის ადმინისტრაციის ხელმძღვანელის, ტიგრან ტერ-მარგარიანის ბუჩას ოლქში ვიზიტის გამო საპროტესტო ნოტა გაუგზავნა. ზახაროვას თქმით, მოსკოვი ამ ნაბიჯს “არამეგობრულად” მიიჩნევს. ,,ჩვენ შეშფოთებულები ვართ მათ მიერ უკრაინის შეიარაღებული ძალებისთვის დახმარების გადაცემით და იქ რუსეთის წინააღმდეგ გაკეთებული მიუღებელი განცხადებებით. ჩვენ საპროტესტო ნოტა გავუგზავნეთ სომხეთის საგარეო საქმეთა სამინისტროს,” – განაცხადა ზახაროვამ. ცნობისთვის, კარაპეტიანი და ტერ-მარგარიანი ბუჩას 2 ივნისს ეწვივნენ და ადგილობრივ ხელისუფლებასთან ნორ-ნორკის თანამშრომლობა განიხილეს. მათ, ასევე, უკრაინულ მხარეს ჰუმანიტარული დახმარება, მედიკამენტები გადასცეს. ტერ-მარგარიანმა ვიზიტისას განაცხადა…

,,ქალბატონი ვიოლას მარცხი, სამაგალითო უნდა იყოს ყველასთვის, აი რა ემართება ევროპარლამენტარს, რომელიც თავისი უშუალო საქმის მაგივრად ჩართულია, სხვა ქვეყნის საშინაო საქმეებში, დაბრძანდება უცხო ქვეყნის ანტისამთავრობო მიტინგებზე, პატივს არ სცემს მართლმსაჯულების სისტემას, არ ეთანხმება ევროპის ადამიანის უფლებების დაცვის სასამართლოს გადაწყვეტილებას, მხარს უჭერს კრიმინალი სააკაშვილის განთავისუფლებას, ფაქტობრივად გაწევრიანებული სხვა ქვეყნის რადიკალურ დაჯგუფებებში”, – ასე ეხმიანება ექსპერტი ლევან ნიკოლეიშვილი ევროპარლამენტარის, ვიოლა ფონ კრამონის განცხადებას, რომლის თქმითაც, „საარჩევნო კამპანიის დროს ბევრმა მითხრა, რომ პრობლემა პუტინში კი არა, აშშ-ში, ჩვენს დაზვერვასა და CIA-შია, რაღაც ძალიან არასწორად წარიმართა“. „წუხს ქალბატონი ვიოლა ფონ კრამონი, “რაღაც საშინლად არასწორად…

,,ქართული ოცნების” დეპუტატი, ირაკლი ზარქუა ამჯერად ამერიკისა და საფრანგეთის პრეზიდენტებს მიმართავს. ბაიდენმა და მაკრონმა ,,ქართლ ოცნებას” მოუწოდეს ,,პატივი სცეს საზოგადოების სურვილებს ევროატლანტიკურ გზაზე დაბრუნებით”. ,,მგონია, რომ პრობლემა ბიჭებო, თქვენ მმართველობაშია. პრობლემა ბიჭებო, თქვენს არასწორ, უსამართლო დამოკიდებულებაშია სხვა ქვეყნების მიმართ. მე მგონი, ეს უნდა გამოასწოროთ თორემ, საფრანგეთშიც პრობლემა იქნება მალე – და იქ კიდე ტრამპი მოდის მისტერ ბაიდენ. ასე, რომ დაფიქრდით, დაფიქრდით”, – ამბობს ზარქუა.

,,გერმანელი ხალხი თურმე ამბობდა, რომ რუსეთთან ერთად, პრობლემაა უცხოური გავლენებიც, მათთვის უნდა დაეჯერებინათ, ქალბატონ ვიოლას ვუსამძიმრებ, ახლა მოთქმა გვიანია”, – ამის შესახებ საპარლამენტო უმრავლესობის წევრმა, იარაკლი ზარქუამ განაცხადა. მისი თქმით, ევროპარლამენტის არჩევნებმა დაარწმუნა, რომ „საქართველოს მთავრობა სწორ და პრაგმატულ პოლიტიკას ატარებს, როცა აქცენტირება ხდება ოჯახურ ღირებულებებზე, ეროვნულ ინტერესებსა და ქვეყნის ინტერესების გატარებაზე“. „ევროპულ ღირებულებებზე სადაც გაკეთდა აქცენტირება და უცხოური დაკვეთების შესრულება ხდებოდა, იქ დამარცხდნენ. გერმანიაში ქალბატონ ვიოლას ვუსამძიმრებ – ახლა მოთქმა და გოდება გვიანია. თურმე მოსახლეობასთან შეხვედრის დროს გერმანელი ხალხი ამბობდა, რომ პრობლემა მხოლოდ რუსეთი არ არის, ასევეა უცხოური გავლენები,…

ევროპარლამენტარი ვიოლა ფონ კრამონი, გერმანიაში ჩატარებული ევროპარლამენტის არჩევნების შედეგებს სოციალურ ქსელ X-ზე ეხმარება. მისი თქმით, საარჩევნო კამპანიის მიმდინარეობისას, ბევრისგან მოისმინა, რომ პრობლემა არა პუტინი, არამედ აშშ, თავად გერმანიის შიდა დაზვერვის სააგენტო და CIA იყო. ,,ბევრმა ძალიან ღიად მითხრა საარჩევნო კამპანიის დროს, რომ პრობლემა პუტინში კი არა, შეერთებულ შტატებში, ჩვენს დაზვერვის სამსახურსა და CIA-შია. აქ რაღაც საშინლად არასწორად წარიმართა”, – აღნიშნავს ფონ კრამონი. ის ასევე ინტერესდება, გერმანელი პოლიტიკოსის, სარა ვაგენკნეხტის საარჩევნო კამპანიის ფინანსების წარმომავლობით, რომლის პარტამაც აღმოსავლეთ გერმანიის რეგიონში წარმატება მოიპოვა. ,,ასევე დავინტერესდებოდი, რა დაჯდა მისი საარჩევნო კამპანია და ვინ დააფინანსა.”…

„ტრილიონობით დოლარის კრიტიკული მნიშვნელობის წიაღისეული თვითონ უკრაინამ და დასავლეთმა უნდა გამოიყენონ და არა პუტინმა და ჩინეთმა“,- განაცხადა ამერიკელმა რესპუბლიკელმა სენატორმა, ლინდსი გრემმა. „უკრაინას 10-12 ტრილიონი დოლარის კრიტიკული მნიშვნელობის წიაღისეული აქვს. შესაძლოა, უკრაინა უმდიდრესი ქვეყანა იყოს მთელ ევროპაში. არ მინდა, პუტინს მივცე წვდომა ამ ფულსა და რესურსებზე, რათა ისინი ჩინეთს გაუზიაროს. თუ უკრაინას ახლა დავეხმარებით, ისინი, შესაძლოა, საუკეთესო ბიზნესპარტნიორები გახდნენ. ტრილიონობით დოლარის კრიტიკული მნიშვნელობის წიაღისეული თვითონ უკრაინამ და დასავლეთმა უნდა გამოიყენონ და არა პუტინმა და ჩინეთმა. ძალიან მნიშვნელოვანია, როგორ დასრულდება უკრაინის ამბავი. მოდით, დავეხმაროთ იმ ომის მოგებაში, რომლის წაგების უფლებაც არ გვაქვს.…

ევროკომისიის პრეზიდენტმა, ურსულა ფონ დერ ლაიენმა ევროპარლამენტის არჩევნების პირველადი შედეგების გასაჯაროების შემდეგ ჟურნალისტებთან განაცხადა, რომ ,,დღეს კარგი დღეა ევროპის სახალხო პარტიისთვის”. ,,ჩვენ მოვიგეთ ევროპის არჩევნები” – თქვა ლაიენმა და განაცხადა, რომ ამ არჩევნებმა “მოგვცა ორი გზავნილი”: ,,პირველი, უმრავლესობა ძლიერი ევროპის ცენტრში რჩება და ეს გადამწყვეტია სტაბილურობისთვის. ცენტრი მართავს. მაგრამ, ისიც მართალია, რომ ულტრამემარცხენეებმა და ულტრამემარჯვენეებმა მოიპოვეს მხარდაჭერა, ამიტომაც შედეგი დიდ პასუხისმგებლობას აკისრებს ცენტრისტულ პარტიებს. ჩვენ შეიძლება განვსხვავდებოდეთ ცალკეულ საკითხებში, მაგრამ ჩვენ ყველას გვაინტერესებს სტაბილურობა და ჩვენ ყველას გვინდა ძლიერი და ეფექტური ევროპა”, – თქვა ლაიენმა. ფონ დერ ლაიენმა, რომელიც ევროკომისიის…

„მჯერა ფრანგი ხალხის შესაძლებლობების, რომ თავიანთი და მომავალი თაობებისთვის ყველაზე სამართლიან არჩევანს გააკეთებენ“, – წერს საფრანგეთის პრეზიდენტი, ემანუელ მაკრონი სოციალურ ქსელ X-ზე. “ჩემი ერთადერთი ამბიციაა გამოვადგე ჩვენ ქვეყანას, რომელიც ძალიან მიყვარს”, – აცხადებს მაკრონი. შეგახსენებთ, საფრანგეთის პრეზიდენტმა ემანუელ მაკრონმა პარლამენტი დაითხოვა და ვადამდელი საპარლამენტო არჩევნები დანიშნა. მაკრონმა ეს გადაწყვეტილება მას შემდეგ მიიღო, რაც ევროპარლამენტის არჩევნებში მარინ ლე პენის ულტრამემარჯვენე პარტიამ მაკრონის ცენტრისტული ალიანსი დაამარცხა.

ბრიტანეთი ოკუპირებულ ცხინვალის რეგიონში 9 ივნისს ჩატარებულ ე.წ. საპარლამენტო არჩევნების ლეგიტიმურობას არ აღიარებს. ამის შესახებ დიდი ბრიტანეთის საელჩო X-ზე წერს. ,,დიდი ბრიტანეთი არ აღიარებს, საქართველოს რეგიონში, სამხრეთ ოსეთში, 2024 წლის 9 ივნისს ჩატარებულ ე.წ. საპარლამენტო არჩევნების ლეგიტიმურობას. ჩვენ მტკიცედ განვაგრძობთ საქართველოს ტერიტორიული მთლიანობის და სუვერენიტეტის მხარდაჭერას, საერთაშორისოდ აღიარებული საზღვრების ფარგლებში,” – წერია განცხადებაში.