”ნაპოლის” ფეხბურთელი, ვიქტორ ოსიმენი ხვიჩა კვარაცხელია აგენტის, მამუკა ჯუღელის განცხადებას “ინსტაგრამზე” გამოქვეყნებული სთორის საშუალებით პასუხობს.
“ძვირფასო მამუკა ჯუღელო, სამარცხვინო და ბინძური ხარ! მრცხვენია შენი მსჯელობის უნარის გამო. ჩემი სახელი აღარ ახსენო, იდიოტო”, – წერს ოსიმენი.
ცნობისთვის, მამუკა ჯუღელმა პირველი არხისთვის მიცემულ ინტერვიუში განაცხადა:
“თქვენ გგონიათ, მთელი ცხოვრება ნეაპოლში ითამაშებს ოსიმენი? მაშინ მე წინასწარ გეტყვით, ზაფხულის სატრანსფერო ფანჯარაზე წავა საუდის არაბეთში. ხვიჩას მილიარდი რომ მისცე, არაბეთში არ წავა, ხვიჩა წავა “რეალში”, “ბავარია”, “ბარსელონა”, “მანჩესტერ სიტი”, ამ გუნდებს სიტყვაზე გეუბნებით. ხვიჩას სხვა გემოვნება და სხვა ცხოვრებისეული ტვინი აქვს. ხვიჩას სურს, რომ სულ ზემოთ იყოს და ასეც იქნება”.