იაპონიამ დასავლეთ სანაპირო რაიონებში მოსახლეობას ევაკუაციისკენ მოუწოდა მას შემდეგ, რაც ქვეყნის ცენტრალურ ნაწილში 7,6 მაგნიტუდის სიმძლავრის მიწისძვრა მოხდა.
ცუნამის საფრთხის შესახებ გაფრთხილება გაიცა იშიკავას პროვინციაში, ნოტოს რაიონში, სადაც 5 მეტრამდე სიმაღლის ტალღებს ელოდნენ. მოგვიანებით გაფრთხილების დონე შემცირდა, რაც იმას ნიშნავს, რომ ტალღების სიმაღლემ შესაძლოა 3 მეტრს მიაღწიოს. პირველი ცუნამის ტალღები 1,2 მეტრი სიმაღლის და უფრო მცირე, იაპონიის დასავლეთ სანაპიროზე მდებარე რამდენიმე ზონაში დაფიქსირდა.
იაპონიის მეტეოროლოგიურმა სააგენტომ (JMA) გააფრთხილა მოსახლეობა, რომ უახლოეს დღეებში შესაძლოა განმეორებითი მიწისძვრები მოხდეს. ეროვნული მაუწყებელი NHK დაზარალებულ მაყურებლებს მოუწოდებს.
JMA-მ განაცხადა, რომ ზედიზედ 21 მიწისძვრა მოხდა 4.0 მაგნიტუდის ან მეტის სიმძლავრის იაპონიის ცენტრალურ ნაწილში 90 წუთზე მეტი ხნის განმავლობაში.
