დიდთოვლობის გამო, მიუნხენსა და ბავარიის სხვა რეგიონებში შეფერხებულია გადაადგილება, გაუქმდა 760-მდე ფრენა და შეზღუდულია სარკინიგზო ტრანსპორტის მოძრაობაც. სინოპტიკოსების თქმით, თოვლის სიმაღლემ 40 სანტიმეტრს მიაღწია.
ხელისუფლება მოსახლეობას სახლში დარჩენისკენ მოუწოდებს და მოგზაურებს აფრთხილებს, რომ ტრანსპორტით გადაადგილება და ფრენა, შესაძლოა, კიდევ შეფერხდეს.
ძლიერი ქარისა და ნალექის გამო, 850-მდე ფრენა გაუქმდა ნიდერლანდების აეროპორტებშიც. გაუქმებული ფრენების უმეტესობა შიდა ევროპულ გადაადგილებას შეეხო. გრძელ მანძილზე ფრენები, ჯერჯერობით, ჩვეულ რეჟიმში მიმდინარეობს.
