ომი ისე სწრაფად არ დასრულდება, როგორც ჩვენ გვსურს, მაგრამ ჩვენ არ გვაქვს უფლება, რომ დავნებდეთ და ამას არც გავაკეთებთ, – ამის შესახებ უკრაინის პრეზიდენტმა, ვოლოდიმირ ზელენსკიმ განაცხადა.
მისი თქმით, ადამიანები ომს აღიქვამენ როგორც ფილმს და ელიან, რომ ხანგრძლივი პაუზები არ იქნება.
,,რატომღაც ადამიანები ამას [ომს] აღიქვამენ როგორც ფილმს და ელიან, რომ ხანგრძლივი პაუზები არ იქნება, რომ ვითარება ყოველთვის შეიცვლება მათ თვალწინ, რომ ყოველდღე სიურპრიზები იქნება. მაგრამ ჩვენთვის, ჩვენი მეომრებისთვის, ეს არ არის ფილმი. ეს არის ჩვენი ცხოვრება. ეს არის ყოველდღიური მძიმე შრომა. ყველაფერი ისე სწრაფად არ დასრულდება, როგორც ჩვენ გვსურს, მაგრამ ჩვენ არ გვაქვს უფლება, რომ დავნებდეთ და ამას არც გავაკეთებთ,”- განაცხადა ზელენსკიმ.
