ჩინეთის პრეზიდენტის სი ძინპინისა და აშშ-ის პრეზიდენტის ჯო ბაიდენის შეხვედრა უკვე შედგა. ორმხრივი შეხვედრა სან-ფრანცისკოში, ფილოლის სამკვიდროში გაიმართა. შეხვედრაზე ჩინეთის სახალხო რესპუბლიკის ლიდერმა ორმხრივი ურთიერთობების აშენებასა და გაღრმავებაზე ისაუბრ და აღნიშნა, რომ ეს მნიშვნელოვანია.
მან კოვიდ პანდემიაზეც ისაუბრა და აღნიშნა, რომ მსოფლიო გამოვიდა COVID-19 პანდემიიდან, მაგრამ მისი კოლოსალური შედეგები კვლავ იგრძნობა. მისი თქმით, გლობალური ეკონომიკა, რომელმაც აღდგენა დაიწყო, ზრდის მამოძრავებელთა დეფიციტს განიცდის.
„აქტუალურია სხვა გამოწვევებიც, როგორიცაა ღირებულებათა ჯაჭვების მოშლა და პროტექციონიზმის ზრდა. აქედან გამომდინარე, ჩვენ უნდა განვიხილოთ და ავაშენოთ ურთიერთობები ჩინეთსა და შეერთებულ შტატებს შორის – თანამედროვე მსოფლიოს თითქმის ყველაზე მნიშვნელოვანი სახელმწიფოთაშორისი ურთიერთობები, საუკუნეში არნახული მსოფლიო პროცესის სწრაფი ცვლილებების სრული გათვალისწინებით, რათა სარგებელი მივიღოთ ხალხისთვის. ორი ქვეყნის მოსახლეობისთვის და წვლილი შეიტანოს კაცობრიობის განვითარებაში“ – აღნიშნა პრეზიდენტმა სი ძინპინმა ჯო ბაიდენთან შეხვედრაზე.
შეგახსენებთ, რომ ჩინეთის ლიდერი აშშ-ში პრეზიდენტ ბაიდენის მიწვევით იმყოფება.
