საფრანგეთის ქალაქ მარსელში კორპუსის ნგრევის შედეგად სულ მცირე, 2 ადამიანი დაიღუპა. 8 ადამიანი ამ დრომდე დაკარგულად ითვლება.
საფრანგეთის საბინაო ადმინისტრაციის ცნობით, ადგილიდან 179 ადამიანის ევაკუაცია განხორციელდა.
მარსელის ცენტრში, 4 სართულიანი სახლი 9 აპრილს ჩამოინგრა. გავრცელებული ინფორმაციით, ნგრევას წინ უძღოდა აფეთქება. დაზიანებულია მეზობლად მდებარე სახლებიც.
