,,2023 წლის პირველი იანვრიდან გამონაბოლქვის ნორმა მკაცრცდება. თუ აქამდე ნახშირჟანგის შემცველობა მაქსიმუმ დასაშვები იყო 0.6%, პირველი იანვრიდან გახდა 0.55%,”- ამის შესახებ საქართველოს ავტომობილების ინსპექტირების ორგანოების ასოციაციის“ თავმჯდომარემ, ვაჟა იორდანიშვილმა „მედიაცენტრ მთავარში“ განაცხადა.
მისი თქმით, 2024 წელს დაგეგმილია აღნიშნული ნორმის კიდევ უფრო გამკაცრება.
,,პრიორიტეტი ყოველთვის არის ქარხანა-დამამზადებლის მიერ დადგენილი ნორმები, ეს ასახულია რეგლამენტშიც. ის ავტომობილები, რომლებიც ქარხნებმა გამოუშვეს კატალიზატორ-გარდამქმნელით მათთვის არის ნორმა 0.55% დადგენილი. 2024 წელს დაგეგმილია კიდევ უფრო გამკაცრება და ეს ნორმა 0.5%-მდე ჩამოდის, ხოლო 2025 წლიდან ყველა ავტომობილი დაექვემდებარება შემოწმებას კატალიზატორ-გარდამქმნელზე,”- განაცხადა ვაჟა იორდანიშვილმა „მედიაცენტრ მთავარში“.
რა სატრანსპორტო რეგულაციები ამოქმედდება 2023 წელს – ვაჟა იორდანიშვილი “მედიაცენტრ მთავარში”
