სომხეთ-აზერბაიჯანის საზღვარზე აქტიური შეტაკებების გამო, სომხეთმა რუსეთსა და კოლექტიური უსაფრთხოების ხელშეკრულების ორგანიზაციას სამხედრო დახმარების თხოვნით მიმართა.
სომხური მედიის ინფორმაციით, პრემიერ-მინისტრ ნიკოლ ფაშინიანის თავმჯდომარეობით, სომხეთის უშიშროების საბჭოს სხდომაზე შემდეგი გადაწყვეტილება მიიღეს: „სომხეთის სუვერენული ტერიტორიის მიმართ აგრესიასთან დაკავშირებით ოფიციალურად მიმართონ რუსეთის ფედერაციას მეგობრობის, თანამშრომლობისა და ურთიერთდახმარების შესახებ ორმხრივი შეთანხმების დებულებების ასამოქმედებლად, ასევე კოლექტიური უსაფრთხოების ხელშეკრულების ორგანიზაციასა და გაერო-ს“.
სომხეთ-აზერბაიჯანის საზღვარზე შეტაკებები გრძელდება. არიან დაღუპულები. მხარეების საომარი მოქმედებების განახლებაში ერთმანეთს ადანაშაულებენ.