თბილისის საქალაქო სასამართლოში არასრულწლოვანი შშმ პირის მიმართ არაადამიანურ მოპყრობაში ბრალდებული პოლიციელის საქმეზე ნაფიც მსაჯულებმა გამამტყუნებელი განაჩენი გამოიტანეს.
დაკავებული პატრულ-ინსპექტორი ნუკრი ბაქრაძე ნაფიც მსაჯულთა სასამართლომ დამნაშავედ ცნო. 12 ნაფიცი მსაჯულიდან 8 ნაფიცმა ნუკრი ბაქრაძეს გამამტყუნებელი ვერდიქტი გამოუტანა.
სასამართლომ მას სასჯელის ზომად 5 წლით თავისუფლების აღკვეთა განუსაზღვრა.
შეგახსენებთ, 2022 წლის 24 იანვარს სოციალურ ქსელებში გავრცელდა ვიდეო, სადაც მეტროს ერთ-ერთ სადგურზე პოლიციის თანამშრომლების მხრიდან არასრულწლოვანი შშმ პირის მიმართ არადამიანური მოპყრობა იყო ასახული.