ცხვარიჭამიაში, სისხლიანი დაპირისპირების შედეგად გარდაცვლილი 20 წლის ბიჭის მკვლელობის საქმეზე პოლიციამ 7 პირი დააკავა.
ამ დროისთვის, უცნობია, არის თუ არა დაკავებულებს შორის პირი, რომელმაც მირიან კუკავას ცივი იარაღით სასიკვდილო ჭრილობები მიაყენა.
შინაგან საქმეთა სამინისტროს ინფორმაციით, გამოძიება სისხლის სამართლის კოდექსის 108-ე მუხლით მიმდინარეობს, რაც განზრახ მკვლელობას გულისხმობს.
ცნობისთვის, სასტიკი მკვლელობა ცხვარიჭამიაში გუშინ დაბადების დღის წვეულებაზე მოხდა. მკვლელობას წინ უძღოდა ახალგაზრდებს შორის სიტყვიერი დაპირისპირება. 20 წლის მირიან კუკავას გულ-მკერდის არეში ჭრილობები მიაყენეს, რის შედეგადაც ახალგაზრდა გარდაიცვალა.
