„მთელი პროპაგანდა რაც იყო იმის თაობაზე, თითქოს სტატუსის მიღება ნიშნავს თითო სოფელში ხუთ მილიონს ან ამერიკაში ვიზებს, ეს არის ტყუილი,”- ამის შესახებ პარლამენტის თავმჯდომარემ, შალვა პაპუაშვილმა განაცხადა. მისი თქმით, ევროკავშირის კანდიდატის სტატუსის მიღება, ქვეყანას დამატებით ფინანსურ სარგებელს არ მოუტანს.
„მთელი პროპაგანდა რაც იყო იმის თაობაზე, თითქოს სტატუსის მიღება ნიშნავს თითო სოფელში ხუთ მილიონს ან ამერიკაში ვიზებს, ეს არის ტყუილი. ამ ადამიანებმა იციან, რაზეც საუბრობენ და როცა შეგნებულად საუბრობენ, ამით საზოგადოება შეცდომაში შეჰყავთ. ამის მიზანი რა არის? – საზოგადოებაში დაბნეულობის გამოწვევა, რაც არის პროპაგანდისტული ხერხი, როცა სხვადასხვა ინფორმაციის მიწოდებით გონების არევა ხდება. საბოლოო ჯამში, მთავარი პრობლემაა ისაა, რომ ამ ყველაფრის მიზანი შეიძლება, იყოს ევროსკეპტიციზმი და ნიჰილიზმი, როცა ადამიანები მიხვდებიან, რომ კანდიდატის სტატუსს რომ მივიღებთ, ამას დამატებითი ფინანსური ელემენტები არ მოჰყვება“, – განაცხადა პაპუაშვილმა.
პარლამენტის თავმჯდომარის განმარტებით, ევროკომისიის რეკომენდაციების შესრულებაზე მუშაობა უკვე დაწყებულია.
