თვე: აგვისტო 2024

,,მივმართავთ აზერბაიჯანის ხელისუფლების შესაბამის წარმომადგენლებს, ქურმუხის წმინდა გიორგის ეკლესია გახდეს მოქმედი ტაძარი და საქართველოს საპატრიარქოს მიეცეს მასში ღვთისმსახურების რეგულარულად ჩატარების უფლება”, – ამის შესახებ აღნიშნულია საქართველოს საპატრიარქოს მიერ გავრცელებულ განცხადებაში. განცხადებაში საუბარია დღევანდელი აზერბაიჯანის ტერიტორიაზე, კახის რაიონში, ქურმუხის წმინდა გიორგის ტაძარში გადაღებულ მუსიკალურ ვიდეოკლიპზე, რომლის ინტერნეტსივრცეში გავრცელებამ საზოგადოების გულისწყრომა გამოიწვია. „რამდენიმე დღეა ინტერნეტსივრცეში გავრცელდა მუსიკალური ვიდეოკლიპი, რომლის კადრებიც გადაღებულია ქურმუხის წმინდა გიორგის ტაძარში, კახის რაიონში, დღევანდელი აზერბაიჯანის ტერიტორიაზე. კადრებში ჩანს, რომ აზერბაიჯანელი მუსიკოსი ტაძრის ამბიონზე დგას და „აჭარულის“ მელოდიისა და სიმღერის თანხლებით ელექტრონულ მუსიკალურ ინსტრუმენტზე „ასრულებს“ გარკვეულ კომპოზიციას. აღნიშნულმა ფაქტმა…

76 წლის ასაკში იმუნოლოგი, პროფესორი, მედიცინის მეცნიერებათა დოქტორი თენგიზ ცერცვაძე გარდაიცვალა. ოჯახის ინფრომაციით, მედიკოსი ბოლო დროს ავადმყოფობდა. ინფექციური საავადმყოფოს პიარმენეჯერის, გოგა ბერიძის თქმით, ბატონი თენგიზის მდგომარეობა ბოლო დროს გართულდა. „ბოლოს ფეხი მოიტეხა. ოპერაციამ წარმატებით ჩაიარა, თუმცა მდგომარეობა თანმდევი დაავადებების გამო (ონკოლოგია) გართულდა. სიმსივნე წლების განმავლობაში ჰქონდა, თუმცა არ პროგრესირებდა. ბოლოს გააქტიურდა, გაიკეთა ქიმიოთერაპია. კონსულტაციებს გადიოდა უცხოელ სპეციალისტებთან, მაგრამ მკურნალობამ შედეგი ვერ გამოიღო. მე თბილისში არ ვარ, ახლა მოვდივარ. მომაწოდეს ინფორმაცია, რომ წუხელ გული ორჯერ გაუჩერდა. პირველ ჯერზე ამუშავება შეძლეს, თუმცა გამეორების შემდეგ მისი გადარჩენა ვერ მოხერხდა. ჩემთვის ორმაგად სამწუხაროა, სიტყვები…

ტრანსნაციონალური ძარცვის საქმეზე დღეს თბილისის საქალაქო სასამართლოში სხდომა გაიმართა. წიგნების ქურდობაში ბრალდებული 5 პირიდან 4 სასამართლომ პატიმრობაში დატოვა. ბექა ცირეკიძე , რომელიც საქმის მთავარი ფიგურანტია, ახლა ესტონეთის ციხეში იხდის სასჯელს. მისი შვილი კი ქართული ციხის პატიმარია. ცირეკიძის თქმით, მის შვილი ქრისტინა პროკურატურის მძევალია და საგამოძიებო უწყება მას თანამშრომლობას აიძულებს. საერთაშორისო გამოძიების მტკიცებით, ორგანიზებულ ჯგუფს ესტონეთის, ლიეტუვას, საფრანგეთისა და გერმანიის ბიბლიოთეკებიდან, რამდენიმე მილიონის ღირებულების უნიკალური ეგზემპლარები კარგად დამუშავებული და აწყობილი სქემით გაჰქონდათ. ადვოკატი ტარიელ კაკაბაძე მიიჩნევს, რომ მოწმეთა ჩვენებები აბსურდულია, რაც მისი თქმით, კარგად გამოჩნდება ჯვარედინი დაკითხვის დროს. პროკურორი კი აცხადებს,…

გუშინ გავრცელდა ინფორმაცია, რომ თბილისში 50 წლის ქალს ეძებდნენ, რომელიც სახლიდან 30 ივლისს გავიდა. ახლობლებმა საზოგადოებას დახმარებისთვის სოციალური ქსელით მიმართეს. მოგვიანებით ახლობელმა დაწერა, რომ ქალი უსაფრთხოდ იპოვეს. „ვიპოვნეთ მეგობრებო, თბილისშია! ყველას დიდი მადლობა, აღარაფრის შემეშინდება არასდროს. ყველამ ერთად გავიმარჯვეთ!“, – წერს ახლობელი.

საქართველოს პროკურატურამ ჯანმრთელობის განზრახ მძიმე დაზიანების ფაქტზე, შინაგან საქმეთა სამინისტროს განსაკუთრებულ დავალებათა დეპარტამენტის თანამშრომელს ბრალდება წარუდგინა. ,,სპეციალური საგამოძიებო სამსახურის მიერ ჩატარებული გამოძიებით დადგინდა, რომ 29 ივლისს, გორის მუნიციპალიტეტის სოფელ ატენში, შინაგან საქმეთა სამინისტროს განსაკუთრებულ დავალებათა დეპარტამენტის ინსპექტორმა დაზარალებულს ჯანმრთელობის მძიმე დაზიანება მიაყენა. სპეციალური საგამოძიებო სამსახურის თანამშრომლებმა ბრალდებული 31 ივლისს დააკავეს. მას ბრალდება საქართველოს სისხლის სამართლის კოდექსის 117-ე მუხლის 1-ლი ნაწილით (ჯანმრთელობის განზრახ მძიმე დაზიანება, ესე იგი სხეულის დაზიანება, რომელიც სახიფათოა სიცოცხლისთვის) წარედგინა. სპეციალურ საგამოძიებო სამსახურში სისხლის სამართლის საქმეზე გამოძიება გრძელდება დანაშაულთან შემხებლობაში მყოფი სხვა პირების დადგენის მიზნით”, – ნათქვამია განცხადებაში.

სალმონელოზის გამოვლენის გამო სურსათის ეროვნულმა სააგენტომ მოკვლევა დაიწყო. როგორც სააგენტოს განცხადებაშია აღნიშნული, სურსათის ეროვნულმა სააგენტომ თბილისის გადამდებ დაავადებათა ეპიდზედამხედველობისა და კონტროლის მუნიციპალური ცენტრიდან მიიღო შეტყობინება სალმონელოზის ჯგუფური შემთხვევის (სულ ექვსი პაციენტი, მათ შორის, სამი ლაბორატორიულად დადასტურებული) შესახებ. „ეპიდემიოლოგიური კვლევით დადგინდა, რომ პაციენტები იმყოფებოდნენ რესტორანში „ორი კათხა“ (მის: ვიქტორ კუპრაძის ქ.N52), სადაც მიირთვეს ხინკალი, ქათმის ფილეს მწვადი და სალათი „ცეზარი“ ქათმის ფილეთი. სურსათის ეროვნულმა სააგენტომ ინფორმაციის მიღებისთანავე დაიწყო მოკვლევა – სააგენტოს თბილისის საქალაქო სამსახურის უფლებამოსილმა პირებმა ჩაატარეს არაგეგმური ინსპექტირება შპს „ლუდსახარშ ორი კათხის“ (ლუდსახარში, რესტორანი, ს/კ 406283338, მის: ვიქტორ კუპრაძის ქ. N52)…

შინაგან საქმეთა სამინისტროს განსაკუთრებულ დავალებათა დეპარტამენტის ინსპექტორის მიერ ნაცემი რევაზ მიხანაშვილი გორის სამხედრო ჰოსპიტალში რჩება. პაციენტის ჯანმრთელობის მდგომარეობა კრიტიკულია, მას ოპერაცია ჩაუტარდა და რეანიმაციულ განყოფილებაში რჩება. ,,ჩატარებული კვლევებით გამოვლინდა თავის ტვინის ტრავმული დაზიანება. სისხლჩაქცევა, თავის ტვინის ჰემორაგიული დაჟეჟილობა და ქალა სარქვლის მოტეხილობა თავის ტვინის შეშუპება ცდომით”, – თქვა ექიმმა. ოჯახები მედიასთან არ საუბრობენ. დაზარალებულის ნათესავებმა მხოლოდ ის თქვეს, რომ ინციდენტში ერთზე მეტი პირი იღებდა მონაწილეობას. დემეტრე რევაზაშვილი ბრალის წარდგენის მოლოდინშია. ,,ეგ არის ხარებას პროტეჟე, ხარებას დანიშნული მაგ ადგილზე, მე ასე ვიცი. დიდი ბოდიში და ხარებას მხრებითა და ხარებას “კრიშითაც” მოძრაობდა,…

ბათუმში, კლუბ ,,სოჰოს” მიმდებარე ტერიტორიაზე 30 ივლისს სამი ადამიანი დაჭრეს. ბრალდებული ცხელ კვალზე დააკავეს. ,,ბათუმელების” ინფორმაციით, ერთ-ერთი პირი მძიმედაა დაჭრილი. მომხდარზე გამოძიება სისხლის სამართლის კოდექსის 117-ე და 120-ე მუხლებით დაიწყო, რაც ჯანმრთელობის განზრახ მძიმე დაზიანებასა და ჯანმრთელობის განზრახ მსუბუქ დაზიანებას გულისხმობს.

„ასპინძის მუნიციპალიტეტში, სოფელ ახჩიასთან, ვაიოს მინდვრების მიმდებარედ, მძიმე ტექნიკით გათხრილია უძველესი ყორღანი. განადგურებულია სამარხის კამერა“, – აღნიშნული განცხადება „მედიაცენტრ მთავარში“ სოფიო ხორგუანმა გააკეთა და პროკურატურას მიმართა. „ეს არის ადგილი, სადაც სხვა ყორღანების გათხრებისას არქეოლოგების მიერ აღმოჩენელია უამრავი არტეფაქტი, რაც გამოფენილია მუზეუმში. ამჯერად “შავი არქეოლოგიის” შედეგად, ჩვენთვის უცნობი დარჩა, რა უნიკალური აღმოჩენა დავკარგეთ. სამწუხაროდ, ბოლო წლები არც მუნიციპალიტეტი და არც ძეგლთა დაცვა არ აკეთებს მონიტორინგს და უცნობია, რა მდგომარეობაშია სხვა ძეგლები ასპინძის ტერიტორიაზე“, – აღნიშნა ხორგუანმა „მედიაცენტრ მთავარში“. მან გენერალურ პროკურატურას მიმართა, დაუყოვნებლივ დაიწყოს გამოძიება. ასევე, მიმართა კულტურის სამინისტროს შესაბამისი რეაგირებისთვის.…

ხე-ტყის უკანონო ჭრასა და უკანონო ტყითსარგებლობაზე დაწესებული სანქციები მკაცრდება. როგორც საქართველოს პრემიერ-მინისტრმა მთავრობის დღევანდელ სხდომაზე განაცხადა, შესაბამისი კანონპროექტი გარემოს დაცვისა და სოფლის მეურნეობის სამინისტრომ მოამზადა. ცვლილებები, რომლებიც სხვადასხვა მიმართულებით პასუხისმგებლობის გამკაცრებას გულისხმობს, სისხლის სამართლის კოდექსსა და ადმინისტრაციულ სამართალდარღვევათა კოდექსში შედის. „მნიშვნელოვანია ამ სფეროში სანქციების გამკაცრება იქიდან გამომდინარე, რომ არსებობს ეჭვი უკანონო ტყითსარგებლობის სხვადასხვა შემთხვევის არსებობასთან დაკავშირებით. იმისათვის, რომ მივიღოთ პრევენციული ზომები, მნიშვნელოვანია სანქციების გამკაცრება. ჩვენი გადაწყვეტილების შესაბამისად, სამინისტრომ მოამზადა შესაბამისი კანონპროექტი, რომელიც ითვალისწინებს სხვადასხვა მიმართულებით პასუხისმგებლობის გამკაცრებას. ცვლილებები მომზადდა სისხლის სამართლის კოდექსსა და ადმინისტრაციულ სამართალდარღვევათა კოდექსში. ცვლილებების თანახმად, სახერხი საამქროს…