სამტრედიაში მკვლელობა მოხდა. ადგილობრივების თქმით, დაპირისპირება მეზობლებს შორის მოხდა, თუმცა მოტივი უცნობია. შსს-ს ცნობით, გამოძიება სსკ-ის 108-ე მუხლით დაიწყო, რაც განზრახ მკვლელობას გულისხმობს, სავარაუდო დამნაშავე კი იდენტიფიცირებულია, თუმცა მიმალვაშია.
მეტი...
გერმანიის მთავრობამ გადაწყვიტა წლის ბოლომდე უკრაინას IRIS-T ტიპის ოთხი ჰაერსაწინააღმდეგო სისტემა მიაწოდოს. „გერმანია აბსოლუტურად ერთგული რჩება, ოლაფ შოლცი სიტყვას იძლევა, რომ უკრაინის მხარდაჭერა იმდენხანს გაგრძელდება, რამდენიც საჭირო იქნება, არავის, განსაკუთრებით რუსეთის პრეზიდენტს არ უნდა ჰქონდეს იმის იმედი, რომ ჩვენ შევასუსტებთ ჩვენს ვალდებულებებს“, – თქვა გერმანიის მთავრობის წარმომადგენელმა ვოლფგანგ ბიუხნერმა. გარდა ამისა, გერმანია უკრაინას მიაწვდის Gepard-ის ტიპის 10 საზენიტო დანადგარს, 16 თვითმავალ ჰაუბიცას, Leopard-ის ტიპის 10 საბრძოლო ტანკს, საბრძოლო უპილოტო საფრენ აპარატებს და აგრეთვე რამდენიმე ათასს საარტილერიო და ტანკისთვის განკუთვნილ ჭურვებს.
მეტი...
ლოს-ანჯელესის პოლიციამ ამერიკელი მსახიობის, მაიკლ მედსენის წინააღმდეგ გამოძიება დაიწყო. BBC-ის ცნობით, 66 წლის მსახიობი საკუთარ სახლში ცოლთან უთანხმოების შემდეგ დააკავეს. დეანა მედსენმა სამართალდამცველებს განუცხადა, რომ ქმარმა ის სახლიდან გააგდო. მსახიობი გირაოს გადახდის შემდეგ გაათავისუფლეს. „ეს იყო უთანხმოება მაიკლსა და მის ცოლს შორის, რომელიც, იმედია მალევე დადებითად გადაწყდება“, – განუცხადა მსახიობის წარმომადგენელმა მედიას. თვითონ მედსნეს მომხდარზე კომენტარი ჯერ არ გაუკეთებია. მაიკლ მედსენი ცნობილია კვენტინ ტარანტინოს ფილმებში შესრულებული. კერძოდ, მან ითამაშა სურათებში: „ცოფიანი ძაღლები“, „მოკალი ბილი“, „საძულველი რვიანი“, „ერთხელ ჰოლივუდში“. მაიკლის და დეანას ქორწინება უკვე 28 წელია გრძელდება. წყვილს სამი ვაჟი გაუჩნდა.…
მეტი...
აშშ-ის პრეზიდენტობის კანდიდატმა „რესპუბლიკური“ პარტიიდან დონალდ ტრამპმა სოციალურ ქსელში დაწერა, რომ მისმა ოპონენტმა „დემოკრატიული“ პარტიიდან კამალა ჰარისმა მასთან 4 სექტემბერს დაგეგმილ დებატებში მონაწილეობაზე უარი განაცხადა. „ამხანაგმა კამაპა ჰარისმა გვამცნო, რომ ის 4 სექტემბერს Fox News-ის ეთერში დაგეგმილ დებატებში მონაწილეობას არ მიიღებს. მე მოვლენათა ამგვარი განვითარებით გაოცებული არ ვარ, იმიტომ რომ ვგრძნობ, რომ მან იცის, რომ მისთვის რთული იქნება საკუთარი რეკორდული რაოდენობის გადათქმების დაცვა“, – დაწერა ტრამპმა. ტრამპის თქმით, 4 სექტემბერს დაგეგმილი დებატების ნაცვლად ის Fox News-ის ეთერში წამყვან შონ ჰენიტისთან შოუს წაიყვანს, რომელიც პენსილვანიის შტატში გაიმართება. დეტალები მოგვიანებით გახდება ცნობილი.
მეტი...
გარემოს ეროვნული სააგენტოს ცნობით, მომავალი დღეების განმავლობაში როგორც დასავლეთ, ასევე, აღმოსავლეთ საქართველოს ტერიტორიაზე, მოსალოდნელია ტემპერატურის მატება, რის გამოც, იზრდება ტყისა და მინდვრის ხანძრების გაჩენის რისკი. ,,საგანგებო სიტუაციების მართვის სამსახური მოგიწოდებთ, გამოიჩინოთ მაღალი სამოქალაქო პასუხისმგებლობა, არ დაანთოთ ცეცხლი სასოფლო სამეურნეო სავარგულებზე, ტყის ან ველის სიახლოვეს და არ დატოვოთ ცეცხლის კერები უყურადღებოდ. ასევე, გასათვალისწინებელია, რომ საყოფაცხოვრებო ნარჩენებს თვითაალება შეუძლიათ, შესაბამისად ნუ დაანაგვიანებთ გარემოს. დაკვამლიანების ან ცეცხლის შემჩნევის შემთხვევაში კი დაუყოვნებლივ დარეკეთ შინაგან საქმეთა სამინისტროს საზოგადოებრივი უსაფრთხოების მართვის ცენტრ ,,112″-ში”, – ნათქვამია ინფორმაციაში.
მეტი...
ჩეხეთის პრეზიდენტი, პეტრ პაველი მიიჩნევს, რომ უკრაინა ნატოში შეიძლება მიიღონ მაშინაც კი, თუ მისი ტერიტორიების ნაწილი კვლავ რუსეთის ოკუპაციის ქვეშ იქნება. „არ ვფიქრობ, რომ მთელ ტერიტორიაზე კონტროლის სრულად აღდგენა აუცილებელი პირობა იყოს. თუ იქნება დემარკაცია, თუნდაც რაიმე სახის ადმინისტრაციული საზღვრის, მაშინ ჩვენ შეგვიძლია მივიღოთ ეს, როგორც დროებითი და მივიღოთ უკრაინა ნატოში იმ ტერიტორიით, რომელსაც ის აკონტროლებს იმ მომენტისთვის“, – აღნიშნა ჩეხეთის პრეზიდენტმა. პაველმა გაიხსენა, რომ გერმანია ჩრდილოატლანტიკურ ალიანსში 1955 წელს მიიღეს, თუმცა ქვეყნის ნაწილი საბჭოთა კავშირის მიერ ოკუპირებული იყო. „ამიტომ, ვფიქრობ, არსებობს გამოსავალი, როგორც ტექნიკურად, ასევე იურიდიულად, რომ უკრაინის ნატოში…
მეტი...
ბახმაროსკენ მიმავალ გზაზე ავტოსაგზაო შემთხვევის შედეგად ბათუმელი ახალგაზრდა თორნიკე კურცხალიძე დაიღუპა. ,,გურია ნიუსის” ცნობით, ბიჭი, რომელიც მოტოციკლეტით გადაადგილდებოდა, ელექტრობოძს დაეჯახა. შემთხვევის ადგილზე მისულ სასწრაფო სამედიცინო დახმარების ბრიგადას, მოტოციკლისტი გარდაცვლილი დახვდა. „თოკო, დაუჯერებელია შენი წასვლა. უფალმა ნათელში გამყოფოს“. „სულ იღიმოდი, მაგარი კაცის სახელი გქონდა ბათუმში… მოუშუშებელი ტკივილი ოჯახის, უბნის, გვარის, მეგობრების“. ,,ჩვენ რა ვქნათ უშენოდ ძმაო?! ჩვენ ხომ ერთად ბევრი გეგმები გვქონდა, ბევრი ბედნიერი დღეები გველოდა წინ. გაგვამწარე ყველა… უშენოდ როგორ გავაგრძელოთ ცხოვრება”. ,,ჩემი უსაყვარლესი თორნიკე, როგორ დამწყდა გული თოკო”, – წერენ ახლობლები.
მეტი...
რუსეთის პრეზიდენტმა ვლადიმერ პუტინმა საკუთარ ჯარს კურსკის ოლქიდან უკრაინული შენაერთების განსადევნად 1 ოქტომბრამდე მისცა ვადა. ინფორმაციას უკრაინული მედია ავრცელებს. ამავდროულად, პუტინმა თავდაცვის სამინისტროს დონბასიდან, განსაკუთრებით ტორეცკისა და პოკროვსკის მიმართულებებიდან ჯარების მოხსნა და კურსკის მიმართულებაზე გადასროლა აუკრძალა. შეგახსენებთ, რომ უკრაინის ჯარი კურსკის ოლქში 6 აგვისტოს შევიდა. როგორც უკრაინის პრეზიდენტმა ვოლოდიმირ ზელენსკიმ 19 აგვისტოს განაცხადა, უკრაინული ჯარი 1 250 კვადრატული კილომეტრის ტერიტორიას და 92 დასახლებულ პუნქტს აკონტროლებს.
მეტი...
ღაზაში ცეცხლის შეწყვეტის მოლაპარაკებებზე, ისრაელი შტატების წინადადებას დათანხმდა. ამერიკული გეგმის მიხედვით, კონფლიქტის ზონაში უნდა შეწყდეს ცეცხლი, მოქალაქეებისთვის შეიქმნას ჰუმანიტარული ზონა, “ჰამასმა” კი მძევლები გაათავისუფლოს. პარალელურად, უნდა გაგრძელდეს დიალოგი. აშშ-ის სახელმწიფო მდივანი და ისრაელის პრემიერი სამი საათის განმავლობაში დახურულ კარს მიღმა საუბრობდნენ. ბლინკენმა “ჰამასს” მოლაპარაკებებში ჩართვისკენ მოუწოდა, პასუხად ტერორისტულმა დაჯგუფებამ განაცხადა, რომ ამ დიალოგის მიზანი ისრაელისთვის დროის მოგება და გენოციდის გახანგრძლივებაა. ,,პრემიერ-მინისტრმა ნეთანიაჰუმ ძალიან კონსტრუქციული შეხვედრისას დამიდასტურა, რომ ისრაელმა მოლაპარაკებების წინადადება მიიღო, რომ ის შეთანხმების მიღწევას მხარს უჭერს. ახლა “ჰამასმა” იგივე უნდა გააკეთოს. შემდეგ მხარეებმა მომლაპარაკებლების ხელშეწყობით პროცესი უნდა დაასრულონ. ზუსტად…
მეტი...
სურსათის ეროვნული სააგენტოს აჭარის რეგიონულ სამმართველოში აჭარის საზოგადოებრივი ჯანდაცვის ცენტრის ქობულეთის განყოფილებიდან შეტყობინება შევიდა უზბეკეთის ოთხი მოქალაქის სავარაუდო საკვებისმიერი მოწამვლის შესახებ. ინფორმაციის მიღებისთანავე სურსათის ეროვნულმა სააგენტომ დაიწყო მოკვლევა – სახელმწიფო კონტროლი განხორციელდა სასტუმროში ,,magnetic beach resorts“ (ქობულეთი, აღმაშენებლის ქუჩა N379), სადაც უცხო ქვეყნის მოქალაქეები ცხოვრობდნენ და რესტორანში „ლურჯი ტალღა“, სადაც მიირთვეს თევზის ბაზარში (ბათუმი, ბაქოს ქ.N33, დახლი 2) შეძენილი თერმულად დაუმუშავებელი ზღვის პროდუქტები. არაგეგმური ინსპექტირებისას, სასტუმროს სამზარეულოში დაფიქსირდა ეტიკეტირების წესის დარღვევა, რის გამოც ბიზნესოპერატორი დაჯარიმდა 500 ლარით „სურსათის/ცხოველის საკვების უვნებლობის, ვეტერინარიისა და მცენარეთა დაცვის კოდექსის 66-ე მუხლის მე-6 ნაწილის შესაბამისად.…
მეტი...
იტალიაში, სიცილიასთან იახტა Bayesian-ის ჩაძირვის შედეგად დაკარგულების სამძებრო სამუშაოები გრძელდება. მაშველები ამ დრომდე ეძებენ 6 ადამიანს. ცნობილია, რომ მათ შორის არიან: ბრიტანელი მილიარდერი მაიკ ლინჩი და მისი 18 წლის ქალიშვილი ჰანა, Morgan Stanley-ს საერთაშორისო ბანკის თავმჯდომარე ჯონათან ბლუმერი და მისი მეუღლე ჯუდი და ფირმა Clifford Chance-ის ადვოკატი კრის მორვილო. მედიის ცნობით, კრუიზში წასვლა ლინჩის იდეა იყო. მან ოჯახთან და მეგობრებთან ერთად სასამართლო დავის მოგების აღნიშვნა გადაწყვიტა. 10 წლის განმავლობაში ბიზნესმენი Hewlett Packard-თან იყო ჩაბმული დავაში, რომელმაც 2012 წელს მისი კომპანია Autonomy იყიდა და ლინჩი საბუთების გაყალბებაში დაადანაშაულა. ამასთან, საქმეზე ლინჩის…
მეტი...
უკრაინის უმაღლესმა რადამ მიიღო კანონი, რომელიც კრძალავს რუსეთის მართლმადიდებლური ეკლესიის საქმიანობას უკრაინაში. კანონს მხარი 265-მა დეპუტატმა დაუჭირა და ის ძალაში შედის გამოქვეყნებიდან 30 დღეში. გარდა ერთი პუნქტისა, რომლის მიხედვითაც უკრაინაში, რუსეთის ეკლესიაში შემავალ სასულიერო პირებსა და ეპარქიებს, 9 თვიანი ვადა ექნებათ ოკუპანტთან კავშირის გასაწყვეტად. მიღებული კანონით, უკრაინაში იკრძალება რუსეთის მართლმადიდებლური ეკლესიისა და მას დაქვემდებარებული სტრუქტურებისა და რელიგიური ორგანიზაციების მუშაობა.
მეტი...
კურსკის ოლქზე უკრაინის შეიარაღებული ძალების თავდასხმების შედეგად 17 ადამიანი დაიღუპა. ინფორმაციას რუსული მედია ავრცელებს. „ბოლო მონაცემებით, უკრაინის შეიარაღებული ძალების თავდასხმების შედეგად 17 ადამიანი დაიღუპა. 140-ზე მეტი დაშავებულიდან 75 ჰოსპიტალიზებულია, მათ შორის 4 ბავშვი“ – განაცხადა წყარომ მედიასთან საუბრისას. ცნობისთვის, 12 აგვისტოს რეგიონის გუბერნატორის მოვალეობის შემსრულებელმა ალექსეი სმირნოვმა რუსეთის პრეზიდენტ ვლადიმირ პუტინს განუცხადა, რომ კურსკის ოლქზე უკრაინის შეიარაღებული ძალების თავდასხმის შედეგად 12 ადამიანი დაიღუპა და 121 დაშავდა.
მეტი...
ღაზას სექტორში ავიაიერიში განახორციელეს სკოლის შენობაზე, სადაც, მოძრაობა „ჰამასის“ მებრძოლები მოქმედებდნენ. ამის შესახებ, ისრაელის თავდაცვის ძალები აცხადებენ. მათი ინფორმაციით, ზუსტი დარტყმა მიაყენეს ტერორისტებს, რომლებიც მოქმედებდნენ მუსტაფა ჰაფტის სკოლის შენობაში განთავსებულ „ჰამასის“ სამეთაურო-საკონტროლო ცენტრში. „ტერორისტული ორგანიზაცია „ჰამასი“ სისტემატურად არღვევს საერთაშორისო კანონს, მხეცურად იყენებს სამოქალაქო ინსტიტუტებს და მოსახლეობას, როგორც ცოცხალ ფარს ტერორისტული საქმიანობისთვის“, – აცადებენ ისრაელის თავდაცვის ძალებში. მათი მტკიცებით, ავიაიერიშამდე მიიღეს ზომები მშვიდობიანი მოსახლეობის დაზარალების რისკის შესამცირებლად და სამხედროებმა ზუსტი მართვადი ჭურვები გამოიყენეს.
მეტი...
სიცილიის სანაპიროსთან ძვირად ღირებული იახტის ჩაძირვის შედეგად ერთი ადამიანი დაიღუპა და ექვსი დაკარგულად ითვლება. იახტა ძლიერ ტორნადოში მოყვა და პალერმოს ახლოს, 50 მეტრში ჩაიძირა. დაკარგულთა შორის არიან ბრიტანელი ბიზნესმენი მაიკ ლინჩი და მისი 18 წლის ქალიშვილი; ასევე, საერთაშორისო საინვესტიციო ბანკის, „მორგან სტენლის“ თავმჯდომარე ჯონათან ბლუმერი. იახტაზე ბრიტანეთის, ამერიკის, კანადის, შრი ლანკისა და ირლანდიის მოქალაქეები, სულ 22 ადამიანი იმყოფებოდა. 15 მათგანი მაშველებმა გადაარჩინეს. აქედან რვა ჰოსპიტალიზებულია, მათ შორისაა ერთი წლის ბავშვიც. მიმდინარეობს სამძებრო-სამაშველო ოპერაცია.
მეტი...
აშშ-ის დაზვერვის ინფორმაციით, პრეზიდენტობის კანდიდატის, დონალდ ტრამპის საარჩევნო კამპანიაზე განხორციელებული ჰაკერული თავდასხმის უკან ირანი დგას. გამოძიების ფედერალურმა ბიურომ და სხვა ფედერალურმა სააგენტოებმა ერთობლივ განცხადებაში აღნიშნეს, რომ ირანმა აშშ-ის არჩევნებში ჩარევა უთანხმოების გაღვივებისა და დემოკრატიული ინსტიტუტებისადმი ნდობის შელახვის მიზნით განახორციელა. „დაზვერვა დარწმუნებულია, რომ ირანელებს სოციალური ინჟინერიისა და სხვა ძალისხმევის დახმარებით პირდაპირი წვდომა ჰქონდათ ორივე პოლიტიკური პარტიის საპრეზიდენტო კამპანიაზე“- ნათქვამია დაზვერვის განცხადებაში. დაზვერვის ინფორმაციით, ეს ქმედებები მიზნად ისახავს, გავლენა მოახდინოს აშშ-ის საარჩევნო პროცესებზე, რადგან ირანი საკუთარი ეროვნული უსაფრთხოების ინტერესებისთვის 2024 წლის საპრეზიდენტო არჩევნებს განსაკუთრებით მნიშვნელოვნად აღიქვამს.
მეტი...
სააგენტო „ფრანს-პრესის“ ინფორმაციით, ენტონი ბლინკენი ეგვიპტეში ჩავიდა. აშშ-ის სახელმწიფო მდივანი ღაზაში ცეცხლის შეწყვეტის შეთანხმების შესახებ ეგვიპტის პრეზიდენტთან, აბდულ-ფათაჰ ალ-სისისთან და საგარეო საქმეთა მინისტრთან, ბადრ აბდელატთან მოლაპარაკებებს გამართავს. ცნობისთვის, გუშინ, ენტონი ბლინკენი ისრაელში იმყოფებოდა, სადაც პრემიერ-მინისტრ ბენიამინ ნეთანიაჰუს შეხვდა. ენტონი ბლინკენის განცხადებით, ბენიამინ ნეთანიაჰუმ დაუდასტურა, რომ ისრაელი ღაზაში ცეცხლის შეწყვეტის შესახებ აშშ-ის წინადადებას ეთანხმება.
მეტი...
“ნაცმოძრაობა არ გაასამართლოთო და ახლა აღარ ვემორჩილებით დასავლეთის აზრსო. ვისაც ამ დიდი ტყუილის გჯერათ, რა გითხრათ… ყოჩაღ, თქვენ!”- წერს “პატრიოტთა ალიანსის” ლიდერი სოციალურ ქსელში და „ქართული ოცნების“ პოლიტსაბჭოს მიერ გავრცელებულ განცხადებას ეხმაურება. ინაშვილი ამბობს, რომ მმართველ პარტიას 12 წელი ჰქონდა, რომ გაესამართლებინა ნაციონალური მოძრაობა. “მთელი 12 წელი ჰქონდა “ქართულ ოცნებას”, რომ გაესამართლებინა “ნაციონალური მოძრაობა”, მაგრამ 12 წლის მანძილზე გასამართლება კი არა, ერთად მღეროდნენ “ჟუჟუნა წვიმა”-ს, მთავარ ოპოზიციურ ძალად აცხადებდნენ და მიზანმიმართულად უქმნიდნენ გაძლიერების პირობებს!ახლა, 2024 წლის არჩევნების წინ გვესმის, რომ თურმე, “ქართულმა ოცნებამ” უნდა მოიპოვოს საკონსტიტუციო უმრავლესობა და მაშინ არაკონსტიტუციურად გამოაცხადებს…
მეტი...
4–16 აგვისტოს, ფინანსთა სამინისტროს შემოსავლების სამსახურის საბაჟო-გამშვებ პუნქტებში: „სარფი“, „სადახლო-საავტომობილო“ და „ყაზბეგი“, მებაჟე-ოფიცრების მიერ, რისკის პროფილისა და ეჭვის საფუძველზე, საქართველოსა და უცხო ქვეყნის მოქალაქეების როგორც ფიზიკური, ასევე კუთვნილი ბარგის დეტალური დათვალიერების შედეგად, დიდი ოდენობით არადეკლარირებული ოქროს (საერთო წონა: 671,15 გრამი) საიუველირო ნაკეთობები გამოვლინდა. ფინანსთა სამინისტროს შემოსავლების სამსახურის ინფორმაციით, არადეკლარირებული საქონლის საერთო საბაჟო ღირებულებამ ჯამში 78 606,76 ლარი შეადგინა. მათივე ცნობით, საქართველოს საბაჟო კოდექსის 168-ე მუხლის I ნაწილის შესაბამისად, 4 სამართალდამრღვევ მოქალაქეს სანქციის სახით, ფულადი ჯარიმა ჯამში, 27 818,6 ლარის ოდენობით განესაზღვრა, ხოლო, 3 კანონდამრღვევი მოქალაქის საქმის მასალები, შემდგომი რეაგირების მიზნით, ფინანსთა…
მეტი...
აშშ-ის სენატორი კარდინი “ოჯახურ ღირებულებათა და არასრულწლოვანთა დაცვის” შესახებ კანონპროექტს აკრიტიკებს. მისივე განცხადებით, მსაგვასი კანონები დემოკრატიისადმი საქართველოს მთავრობის ერთგულების მიმართ ნდობას კიდევ უფრო გამოუთხრის ძირს. “საქართველოს მმართველმა პარტიამ კანონპროექტი წარადგინა, რომელიც მიზნად ისახავს ლგბტქ+ უფლებების შეზღუდვას, ეს პაკეტი შეკრების თავისუფლების უფლებას დაარღვევს. მსგავსი კანონის მიღება დემოკრატიისადმი საქართველოს მთავრობის ერთგულების მიმართ ნდობას კიდევ უფრო გამოუთხრის ძირს” – წერს კარდინი X-ზე.
მეტი...
„ქართულმა ოცნებამ“ მთელი საკანონმდებლო პაკეტი, რომელიც დააინიცირა, გააკეთა მოქმედი კონსტიტუციის წინააღმდეგ, რადგან შეკრებისა და გამოხატვის თავისუფლების კონსტიტუციური წინაპირობები ყველასთვის არსებობდა, მაშინ როდესაც დაიწყეს გამოხატვის თავისუფლების ნაწილობრივი შეზღუდვა, კარვებზე კანონი შემოიტანეს, ვითომ გადატრიალების შიშით, ახლა მიდიან ლგბტ საზოგადოების წინააღმდეგ“– ამის შესახებ დამოუკიდებელმა დეპუტატმა, თეონა აქუბარდიამ განაცხადა. აქუბარდია ამბობს, რომ მმართველი პარტიის ინტერესი ავტორიტარული მეთოდებით ქვეყნის მართვაა. „მთავარი ინტერესია ავტორიტარული მეთოდებით ქვეყნის მართვა. მით უფრო იმ ფონზე, როდესაც ბავშვთა უფლებები, რის საფარქვეშაც ეს კანონმდებლობა წარადგინეს, არის მძიმე მდგომარეობაში. ეს არა ბავშვთა უფლებების დაცვას, არამედ ავტორიტარულ მეთოდებს ემსახურება, რაც რუსეთში რუსული კანონის მიღების…
მეტი...
“საპარლამენტო სიის ხათრით კიდევ ერთი უძღები შვილი ბრუნდება დღეს პარტიაში ხატია დეკანოიძის სახით, ყველაფრის შეზელვის დიდოსტატი”- წერს ანა წითლიძე სოციალურ ქსელში. „ნაციონალური მოძრაობის“ წევრი ყოფილ თანაპარტიელს მიმართავს – რა შეიცვალა ახლა? წითლიძე ასევე წერს, რომ დეკანოიძის შესახებ სიმართლის თქმას ვერავინ დაუშლის. „Khatia Dekanoidze – რაც შენ პარტია უსამართლოდ აჯანჯღარე, რაც შენ იკადრე, რა ტყუილებიც შენ ავრცელე ეთერებში. ახლა რა შეიცვალა უკან რომ ბრუნდები ხატია? კეზერაშვილი არ არის პარტიაში? თუ ხაბე არ არის პოლიტსაბჭოს თავმჯდომარე? თუ “ოლიგარქები” არ მართავენ პარტიას? რომელი ერთი ფაქტორი შეიცვალა? შენი მობრუნება ამ ყველაფრის აღიარებაა რომ ტყუოდი…
მეტი...
ისრაელმა სამხრეთ ღაზაში ჩატარებული ოპერაციის შედეგად, 6 მძევლის ცხედარი დაიბრუნა. ინფორმაციას ისრაელის თავდაცვის ძალები ავრცელებს. მათივე ცნობით, ღამით, ხან იუნისში ჩატარებული ოპერაციის შედეგად, სამხედროებმა ექვსი მძევლის, ალექს დანსიგის, იაგევ ბუჩშტავის, ხაიმ პერის, იორამ მეცგერის, ნადავ პოპლეველისა და ავრამ მუნდერის ცხედრები აღმოაჩინეს. ისრაელის პრემიერ-მინისტრმა, ბენიამინ ნეთანიაჰუმ და თავდაცვის მინისტრმა, იოავ გალანტმა დაღუპული მძევლების ოჯახებს სამძიმარი გამოუცხადეს და ისრაელის თავდაცვის ძალების ჯარისკაცებს ჩატარებული ოპერაციისთვის მადლობა გადაუხადეს.
მეტი...
ჩიკაგოში, დემოკრატიული პარტიის ყრილობის მიმდინარეობის პარალელურად გამართულ პალესტინელთა მხარდამჭერ აქციაზე სამართალდამცველებმა ოთხი ადამიანი დააკავეს. ინფორმაციას როიტერი ავრცელებს. სააგენტოს ცნობით, დემონსტრანტთა ჯგუფმა უსაფრთხოების ჯებირი გაარღვია იმ შენობასთან, სადაც დემოკრატების ყრილობა იმართება. პოლიციამ ადგილზე წესრიგი მალევე აღადგინა. აქციის მონაწილეები ბაიდენის ადმინისტრაციის მხრიდან ისრაელის მხარდაჭერას აპროტესტებენ და ისრაელისთვის იარაღის მიწოდების შეწყვეტას ითხოვენ.
მეტი...
ლიბანიდან ზემო გალილეასა და გოლანის მაღლობების მიმართულებით დღეს დილით 55-მდე რაკეტა გაისროლეს. ინფორმაციას ისრაელის თავდაცვის ძალები ავრცელებს. მათივე ინფორმაციით, ლიბანის ტერიტორიიდან დღეს დილით ორი სარაკეტო იერიში განხორციელდა, პირველი შეტევის დროს 40-მდე რაკეტა ისროლეს, ცოტა ხნის შემდეგ კი, კიდევ 15. ისრაელის თავდაცვის ძალებში აცხადებენ, რომ რაკეტების ნაწილი მოიგერიეს, ნაწილი კი ღია ტერიტორიებზე დაეცა. ამ დროისთვის არსებული ინფორმაციით, არავინ დაშავებულა. თავდასხმაზე პასუხისმგებლობა დაჯგუფება „ჰეზბოლამ“ აიღო და განაცხადა, რომ ათობით რაკეტა ორ სამხედრო ბაზას ესროლა, რაც გუშინ ისრაელის მიერ ლიბანის ტერიტორიაზე განხორციელებული თავდასხმაზე პასუხი იყო.
მეტი...
სახელმწიფო უსაფრთხოების სამსახურმა გენერალურ პროკურატურასთან თანამშრომლობით, ამერიკის შეერთებული შტატების შესაბამის უწყებებთან პარტნიორობის საფუძველზე, ქალაქ ბათუმში ჩატარებული სპეციალური ოპერაციის შედეგად, ამერიკის შეერთებული შტატების ერთი მოქალაქე დააკავა. სუს-ის ინფორმაციით, დაკავებული პირი, არასრულწლოვანის მიმართ განსაკუთრებით მძიმე კატეგორიის დანაშაულის ჩადენის ფაქტზე, ამერიკის შეერთებული შტატების აიდაჰოს შტატის შესაბამისი სამსახურის მიერ იძებნება. „ამერიკელი პარტნიორების მხრიდან საერთაშორისო თანამშრომლობის ფარგლებში მოთხოვნილი ღონისძიებების შედეგად, ამოღებულ იქნა დაკავებული პირის კუთვნილი ნივთები, მათ შორის, ელექტრონული ინფორმაციის მატარებელი მოწყობილობები, პორტატული კომპიუტერები და სხვადასხვა სახის სპეციალური დანიშნულების ელექტრო ტექნიკა. დაკავებული პირის მიმართ განხორციელდება სამართლებრივი მოქმედებები აშშ-ში მისი შემდგომი ექსტრადირების და ამოღებული ნივთიერი მტკიცებულებების გადაცემის…
მეტი...
შსს-ს თბილისის, აჭარის, სამეგრელო-ზემო სვანეთის, იმერეთის და მცხეთა-მთიანეთის პოლიციის დეპარტამენტების თანამშრომლებმა, გენერალურ პროკურატურასთან ერთად, ბოლო პერიოდში ჩატარებული ოპერატიული ღონისძიებებისა და საგამოძიებო მოქმედებების შედეგად, ნარკოდანაშაულის ბრალდებით 19 ადამიანი დააკავეს, მათ შორის 6 ნარკორეალიზატორია. დაკავებულები არიან, როგორც საქართველოს, ასევე, უცხო ქვეყნის მოქალაქეები. დანაშაულები 20 წლამდე ან უვადო თავისუფლების აღკვეთას ითვალისწინებს. „პოლიციამ ნარკოტიკების უკანონო გასაღების ბრალდებით დაკავებული პირებისგან, მოსამართლის განჩინების საფუძველზე, რამდენჯერმე განახორციელა ნარკოტიკების საკონტროლო შესყიდვა და აღნიშნული შესყიდვების ფარული აუდიო-ვიდეო ჩაწერა. სამართალდამცველებმა ნარკოდანაშაულის ბრალდებით დაკავებული პირების პირადი და საცხოვრებელი სახლების ჩხრეკისას, ასევე, მათ მიერ მითითებული ლოკაციებიდან სხვადასხვა სახის განსაკუთრებით დიდი ოდენობით ნარკოტიკული…
მეტი...
აჭარის პოლიციის დეპარტამენტის 1993 წელს დაბადებული, წარსულში ნასამართლევი ნ.ბ. განზრახ მკვლელობის მცდელობის ბრალდებით დააკავეს. დანაშაული 10-დან 15 წლამდე ვადით თავისუფლების აღკვეთას ითვალისწინებს. „გამოძიებით დადგინდა, რომ ბრალდებულმა მიმდინარე წლის 6 ივნისს, ქობულეთის მუნიციპალიტეტის სოფელ მუხაესტატეში, 1994 წელს დაბადებული ს.ტ. იარაღიდან გასროლით დაჭრა და შემთხვევის ადგილიდან მიიმალა. დაშავებული მამაკაცი საავადმყოფოში გადაიყვანეს, სადაც შესაბამისი სამედიცინო დახმარება ჩაუტარდა. პოლიციამ საგამოძიებო მოქმედებების შედეგად, ნ.ბ. ბრალდებულის სახით, მოსამართლის განჩინების საფუძველზე დააკავა. სამართალდამცველებმა დანაშაულის ჩადენის იარაღი – სანადირო თოფი ნივთმტკიცებად ამოიღეს“- ნათქვამია შსს-ს მიერ გავრცელებულ განცხადებაში. განზრახ მკვლელობის მცდელობის ფაქტზე გამოძიება საქართველოს სისხლის სამართლის კოდექსის 19-108-ე მუხლით…
მეტი...
ელექტრონულ თაღლითობაში ბრალდებულმა, ყოფილმა ნიუ იორკელმა რესპუბლიკელმა კონგრესმენმა, ჯორჯ სანტოსმა ბრალი აღიარა. „ბიბისი“ წერს, რომ სანტოსის აღიარებული ბრალდებებისთვის სასჯელი შესაძლოა, ექვსიდან რვა წლამდე იყოს. „მე ღრმად ვწუხვარ ჩემი ქცევის და მის მიერ გამოწვეული ზიანის გამო და ვიღებ სრულ პასუხისმგებლობას ჩემს ქმედებებზე“, – თქვა სანტოსმა სასამართლოში. სანტოსს 23 ბრალი აქვს წაყენებული, მათ შორის საბანკო გადარიცხვის თაღლითობა, ფულის გათეთრება და საარჩევნო კამპანიის თანხების არამიზნობრივ გამოყენება. იმ შემთხვევაში, თუ ყოფილი რესპუბლიკელი კონფრესმენი საპროცესო შეთანხმება დადებს, მაშინ მას მოუწევს გადაიხადოს სულ მცირე 374 000 დოლარის კომპენსაცია. ჯორჯ სანტოსი კონგრესში 2022 წლის ნოემბრის შუალედური არჩევნების…
მეტი...
რუსეთის საგარეო საქმეთა მინისტრი უკრაინასთან მოლაპარაკებებს გამორიცხავს. როგორც სერგეი ლავროვმა რუსულ მედიას განუცხადა, კურსკის ოლქში უკრაინული ძალების შეჭრის შემდეგ კიევთან მოლაპარაკებებზე საუბარი შეუძლებელია. „ვლადიმერ პუტინმა ამის შესახებ ძალიან მკაფიოდ განაცხადა, მას შემდეგ რაც კურსკის ოლქზე თავდასხმა, უფრო სწორად კი კურსკის ოლქში შეჭრა დაიწყო, მოლაპარაკებებზე საუბარი შეუძლებელია. პრეზიდენტმა კიდევ ერთი მნიშვნელოვანი ფრაზა თქვა, რომელზეც მინდა თქვენი ყურადღება გავამახვილო, რომ ჩვენ უდავოდ მივცემთ ამ სიტუაციას შეფასებას მოგვიანებით“, – აღნიშნა ლავროვმა.
მეტი...
კომპანია SpaceX-ის დამფუძნებელმა და აღმასრულებელმა დირექტორმა ილონ მასკმა სოციალურ ქსელ X-ში დაწერა, რომ დონალდ ტრამპის საპრეზიდენტო არჩევნებში გამარჯვების შემთხვევაში ის მის ადმინისტრაციაში მუშაობისთვის მზადაა. ტელეკომპანია CNN-მა მანამდე გაავრცელა ცნობა, რომ ნოემბრის საპრეზიდენტო არჩევნებში გამარჯვების შემთხვევაში, ტრამპს სურს, რომ ილონ მასკი მის ადმინისტრაციას შეუერთდეს. ივლისში ტრამპის მკვლელობის მცდელობის შემდეგ მასკმა საჯაროდ დაუჭირა მხარი მას საარჩევნო ბრძოლაში.
მეტი...
აშშ-ის პრეზიდენტი ჯო ბაიდენი დემოკრატიული პარტიის ყრილობაზე სიტყვით გამოვიდა. თავდაპირველად მან ისაუბრა ქვეყნის შიგნით მიღწეულ წარმატებებზე. ამასთან, ჯო ბაიდენმა ყურადღება გაამახვილა რუსეთ-უკრაინის ომზე და აღნიშნა უკრაინისა და ნატო-ს სიმტკიცე რუსეთის აგრესიის წინაშე. „არცერთმა მთავარსარდალმა არ უნდა დახაროს თავი დიქტატორის წინაშე, როგორც ტრამპი ხრის თავს პუტინის წინაშე. მე არასდროს გამიკეთებია ეს და გპირდებით, კამალა ჰარისიც არასოდეს გააკეთებს ამას“, – აღნიშნა ბაიდენმა. სიტყვით გამოსვლისას, ბაიდენი შეეხო ისრაელსა და ღაზას შორის ომსაც. მისი თქმით, დაუღალავად მუშაობს, რათა მის მიერ ახლო აღმოსავლეთისთვის წარდგენილი სამშვიდობო გეგმა მიღებული იყოს ყველა მხარის მიერ, კონფლიქტის დასასრულებლად და მძევლების…
მეტი...
ტაივანის სრუტეში სამხედრო გემების ტრანზიტთან დაკავშირებით, ოფიციალური ჩინეთი განცხადებას აკეთებს და ამბობს, რომ ეს ჩინეთის შიდა საქმეებში ჩარევაა. „ტაივანის საკითხი ჩინეთის შიდა საქმეა. ტაივანის სრუტის მშვიდობიანი და სტაბილური შენარჩუნების გასაღები მდგომარეობს „ტაივანის დამოუკიდებლობის“ მტკიცე წინააღმდეგობაში. ჩინეთი ეწინააღმდეგება ჩინეთის ტერიტორიული სუვერენიტეტისა და უსაფრთხოების შელახვის მცდელობებს ნაოსნობის თავისუფლების სახელით“ – აცხადებენ ჩინეთის საგარეო საქმეთა სამინისტროში. ორი გერმანული სამხედრო გემი ტაივანის სრუტეში ტრანზიტს სექტემბერში გეგმავს.
მეტი...
ბახმაროსკენ მიმავალ გზაზე ავტოსაგზაო შემთხვევის შედეგად ბათუმელი ახალგაზრდა თორნიკე კურცხალიძე დაიღუპა. ,,გურია ნიუსის” ცნობით, ბიჭი, რომელიც მოტოციკლეტით გადაადგილდებოდა, ელექტრობოძს დაეჯახა. შემთხვევის ადგილზე მისულ სასწრაფო სამედიცინო დახმარების ბრიგადას, მოტოციკლისტი გარდაცვლილი დახვდა. „თოკო, დაუჯერებელია შენი წასვლა. უფალმა ნათელში გამყოფოს“; „სულ იღიმოდი, მაგარი კაცის სახელი გქონდა ბათუმში… მოუშუშებელი ტკივილი ოჯახის, უბნის, გვარის, მეგობრების“, – წერენ ახლობლები.
მეტი...
1 კვირაა ოჯახი დაკარგულ კაცს ეძებს. რომან ძირკველიშვილი 13 აგვისტოს მერე აღარ გამოჩენილა. ახლობლების ცნობით, ბოლოს ის საქართველო-რუსეთის საზღვართან, ნეიტრალურ ტერიტორიაზე იმყოფებოდა. ძირკველიშვილი რუსეთში, მეუღლესთან მიემგზავრებოდა. მომხდარის შესახებ ინფორმირებულია პოლიციაც. ინფორმაციის შემთხვევაში დაუკავშირდით ოჯახს ტელეფონის ნომერზე 558 93 34 11
მეტი...
ძლიერი წვიმის შედეგად პოლონეთის ცენტრალური და დასავლეთი რეგიონები დაიტბორა. ყველაზე რთული ვითარება ქალაქ ოსტრუვ ვილკოპოლსკიშია, სადაც საცხოვრებელი სახლები და გზებია დატბორილი. ქალაქ ვტურეკში, წყალდიდობის გამო, საბავშვო ბაღიდან ბავშვებისა და პერსონალის ევაკუაცია გახდა საჭირო. ქალაქ იაროცინში კი მერიის შენობაა დატბორილი. ინფორმაცია მსხვერპლის შესახებ არ გავრცელებულა.
მეტი...