დღე: აგვისტო 16, 2024

ისრაელის თავდაცვის მინისტრმა, იოავ გალანტმა და აშშ-ის თავდაცვის მდივანმა, ლოიდ ოსტინმა მძევლების გათავისუფლების შესახებ მოლაპარაკებები განიხილეს. იოავ გალანტმა ხაზი გაუსვა მძევლების გათავისუფლების შესახებ მიმდინარე მოლაპარაკებების მნიშვნელობას. ისრელის თავდაცვის უწყების ხელმძღვანელის თქმით, შეთანხმების მიღწევა როგორც მორალური, ასევე სტრატეგიული იმპერატივია. მხარეებმა ასევე განიხილეს ირანისა და მისი მარიონეტების მიერ ისრაელზე შესაძლო თავდასხმის წინააღმდეგ მიმდინარე კოორდინაცია.

მეტი...

,,ომი ბრუნდება სახლში”, – ამის შესახებ ლატვიის თავდაცვის მინისტრმა, ანდრის სპრუდსმა განაცხადა და რუსულ მიწაზე უკრაინელების ბრძოლას გამოეხმაურა. ის უკრაინის შეიარაღებული ძალების ოპერაციას კურსკის რეგიონში, ლეგიტიმურ ქმედებად მიიჩნევს და ამბობს, რომ ეს უკრაინის თავისუფლებასა და მთლიანობას ემსახურება. მან აღნიშნა ისიც, რომ უკრაინას რუსეთის ტერიტორიაზე აბსოლუტური დარტყმის უფლება აქვს. მისი აზრით, ომის რუსეთის ტერიტორიაზე, ძალიან მნიშვნელოვანი სიგნალია იმისა, რომ რუსეთი ამ ომს ვერ მოიგებს. ,,ადრე თუ გვიან, მოკავშირეების მხარდაჭერით, რა თქმა უნდა, უკრაინა მოიგებს ამ ომს და მე აბსოლუტურად დარწმუნებული ვარ ამაში”, – თქვა სპრუდსმა.

მეტი...

უკრაინის შეიარაღებული ძალების მთავარსარდლის ალექსეი სირსკის ცნობით, კურსკის ოლქში ჯარები დამატებით 1-3 კილომეტრით დაწინაურდნენ. ამის შესახებ მან უკრაინის პრეზიდენტ ვოლოდიმირ ზელენსკის აცნობა. ,,ჯარები მოწინააღმდეგის მხარეს გარკვეული მიმართულებით 1-დან 3-კილომეტრამდე დაწინაურდნენ. ფრონტის მთელი ხაზის გასწვრივ ბრძოლები მიმდინარეობს. საერთო ჯამში, სიტუაცია კონტროლირებადია”, – განაცხადა მან. შეგახსენებთ, რომ ცოტა ხნის წინ უკრაინის შეიარაღებულმა ძალებმა მდინარე სეიმზე ლოჯისტიკური მნიშვნელობის ხიდიც ააფეთქეს.

მეტი...

შეერთებული შტატების სახელმწიფო მდივანი ენტონი ბლინკენი 18 აგვისტოს ისრაელში ჩავა. timesofisrael-ის ცნობით, 19 აგვისტოს ბლინკენი ისრაელის პრემიერ-მინისტრს, ბენიამინ ნეთანიაჰუს შეხვდება. როგორც ისრაელის მედია წერს, მოსალოდნელია, რომ ბლინკენი მტკიცედ მოუწოდებს ისრაელის პრემიერ-მინისტრ ნეთანიაჰუს, დათანხმდეს ცეცხლის შეწყვეტის შეთანხმებას.

მეტი...

ბელარუსის პრეზიდენტმა ალექსანდრ ლუკაშენკომ საპროტესტო აქციებისას დაკავებული 30 პოლიტპატიმრის შეწყალების განკარგულებას ხელი მოაწერა. ინფორმაციას პრეზიდენტის პრესსამსახური ავრცელებს. გავრცელებული ინფორმაციით, შეწყალებულებს შორის 14 ქალი და 16 მამაკაცია. დაკავებულებს შორის ზოგი საპენსიო ასაკის, ზოგი კი მძიმე ავადმყოფია.

მეტი...

,,რუსული კანონი დამოუკიდებელ ჟურნალისტებსა და სამოქალაქო საზოგადოებას ემუქრება. ამან შესაძლოა, ქართველ ხალხს EU-ს წევრობა წაართვას”, – ამის შესახებ ამერიკის შეერთებული შტატების სენატის საგარეო ურთიერთობათა კომიტეტის თავმჯდომარე ბენ კარდინი X-ზე წერს. ,,ვწუხვარ, რომ საქართველოში უცხოელი აგენტების კანონი დამოუკიდებელ ჟურნალისტებსა და სამოქალაქო საზოგადოებას ემუქრება… შესაძლოა, ქართველ ხალხს ევროკავშირის წევრობა წაართვას, რაც მძიმე შეცდომა იქნება. ძალიან დაგვიანებული არ არის, რომ საქართველოს პარლამენტმა გეზი შეიცვალოს”, – დაწერა კარდინმა.

მეტი...

ფიზიკური დაპირისპირება და ხელჩართული ჩხუბი იყო თურქეთის პარლამენტში. მედიის ცნობით, დაპირისპირება, ცხარე დებატების შემდეგ, მაშინ დაიწყო, რაც ერდოღანის მმართველი პარტიის წევრებმა უარი განაცხადეს პატიმრობაში მყოფი ოპოზიციონერი დეპუტატის გათავისუფლებაზე, რაც, თავის მხრივ, საკონსტიტუციო სასამართლოს მოთხოვნაა. შეგახსენებთ, რომ საქმე ეხება დეპუტატ ჯან ათალაის საქმეს, რომელიც თურქეთის მუშათა პარტიის წევრია და პარლამენტის წევრად გასული წლის არჩევნებზე აირჩიეს. 2013 წელს მას ანტისამთავრობო აქციებში მონაწილეობისთვის 18-წლიანი პატიმრობა შეეფარდა.

მეტი...

რუსეთის დუმაში აცხადებენ, რომ მსოფლიო მესამე მსოფლიო ომის ზღვარზეა. დუმის დეპუტატმა, უშიშროების კომიტეტის წევრმა, მიხაილ შერემეტმა აღნიშნა, რომ დასავლეთის ქვეყნებმა რუსეთზე თავდასხმისთვის უკრაინისთვის იარაღის მიწოდებით, რეალურად, მსოფლიო მესამე მსოფლიო ომის ზღვარამდე მიიყვანეს. „მსოფლიო მესამე მსოფლიო ომის ზღვარზეა, რომლის დაწყებაზე პასუხისმგებლობა მთლიანად დასავლეთის ქვეყნებს ეკისრებათ“, – განაცხადა შერემეტმა. მისი თქმით, ნატო-ს ქვეყნებმა უკრაინას, ფაქტობრივად, რუსეთზე თავდასხმის უფლება მისცეს, თვითონ კი „იმალებოდნენ მარიონეტული კიევის რეჟიმის უკან“. შეგახსენებთ, რომ უკრაინის შეიარაღებული ძალების მთავარსარდლის, ალექსანდრ სირსკის თქმით, უკრაინელი ჯარისკაცები კურსკის ოლქში უკვე 82 დასახლებას აკონტროლებენ. მისივე თქმით, 6 აგვისტოდან უკრაინელი ჯარისკაცები რუსეთის ტერიტორიაში 35…

მეტი...

უკრაინის პრეზიდენტის ოფისში აცხადებენ, რომ უკრაინა არ არის დაინტერესებული რუსეთის ტერიტორიების ოკუპაციით. როგორც უკრაინის პრეზიდენტის ოფისის ხელმძღვანელის მრჩეველმა, მიხაილ პოდოლიაკმა სოციალურ ქსელ X-ში დაწერა, კურსკის ოლქში უკრაინის მოქმედებები საჭიროა, რომ რუსეთი სამართლიანი მოლაპარაკებების პროცესში ჩაერთოს. „უკრაინა არ არის დაინტერესებული რუსული ტერიტორიების ოკუპაციით. ეს ცხადია. რადგან უკრაინა მხოლოდ თავდაცვით ომს აწარმოებს საერთაშორისო სამართლის ფარგლებში. თუმცა, თუ ჩვენ ვსაუბრობთ პოტენციურ მოლაპარაკებებზე – ხაზს ვუსვამ პოტენციურს – ჩვენ მოგვიწევს რუსეთის დასმა მოლაპარაკებების მაგიდასთან, ჩვენს პირობებზე. ჩვენ საერთოდ არ ვაპირებთ ხვეწნას: „გთხოვთ, დასხედით მოლაპარაკებებზე“. ამის ნაცვლად, გვაქვს იძულების გამოცდილი, ეფექტიანი საშუალებები. ეკონომიკურ და დიპლომატიურთან…

მეტი...

ისრაელის არმიამ ღაზას სამხრეთ და ცენტრალური ნაწილში ევაკუაციის ახალი ბრძანება გასცა იმ ტერიტორიებისთვის, რომლებიც მანამდე ჰუმანიტარულ უსაფრთხო ზონად იყო განსაზღვრული. ისრაელის თავდაცვის ძალების ცნობით, აღნიშნული ტერიტორიები „ჰამასმა“ ისრაელის მიმართულებით ნაღმტყორცნებისა და რაკეტების გასაშვებად ბაზად გამოიყენა. მათივე ინფორმაციით, გამაფრთხილებელი ფლაერები და ტექსტური შეტყობინებები გაიგზავნა ქალაქ ხან იუნისის ჩრდილოეთ და დეირ ალ-ბალას აღმოსავლეთ ნაწილებში. „წინასწარი გაფრთხილება მშვიდობიანი მოსახლეობისთვის გაიცემა იმისთვის, რომ შეამსუბუქოს ზიანი მშვიდობიანი მოსახლეობისთვის და მისცეს საშუალება მშვიდობიან მოქალაქეებს საბრძოლო ზონა დატოვონ“, – ნათქვამია ისრაელის არმიის განცხადებაში.

მეტი...

აშშ-ის პრეზიდენტმა ჯო ბაიდენმა თეთრ სახლში რუსი ოპოზიციონერი პოლიტიკოსი ვლადიმერ კარა-მურზა და მისი ოჯახი მიიღო. ყოფილი პოლიტპატიმარი ვლადიმერ კარა-მურზა 1-ელ აგვისტოს, პატიმრების მასშტაბური გაცვლის ფარგლებში გაათავისუფლეს. ის რუსეთში ქვეყნის ღალატის ბრალდებით გაასამართლეს და 25-წლიანი პატიმრობა მიუსაჯეს. Amnesty International-მა კარა-მურზა სინდისის, ,,მემორიალმა” კი პოლიტიკურ პატიმარად აღიარა. რუსეთისა და ბრიტანეთის მოქალაქეობის გარდა, კარა-მურზას აქვს ამერიკის მწვანე ბარათი.

მეტი...

უკრაინის შეიარაღებული ძალების საჰაერო-სადესანტო ძალების პრესსამსახური აღნიშნავს, რომ უკრაინელმა ჯარისკაცებმა გაარღვიეს თავდაცვის ხაზი, გაანადგურეს სასაზღვრო გამშვები პუნქტი და ტყვედ აიყვანეს 50-ზე მეტი რუსი. “უკრაინული ტანკების დანახვისას სასაზღვრო პუნქტის ტერიტორიაზე, რუსებმა სწორი გადაწყვეტილება მიიღეს – ჩამოკიდეს თეთრი დროშა და ჩაბარდნენ უკრაინელ ჯარისკაცებს“ – უკრაინა კურსკის ოლქში ოპერაციის პირველი საათების ვიდეოკადრებს ავრცელებს. შეგახსენებთ, უკრაინის არმიის ოპერაცია კურსკის ოლქში 6 აგვისტოს დაიწყო.  

მეტი...