თვე: ივნისი 2024

„აბსოლუტური არასერიოზულობა იქნება ჩვენ რომ ვთქვათ, რომ ყველაფერი არის გადასარევად. ჩვენი პოლიტიკური ხელისუფლების წინააღმდეგ მიმდინარეობდა და მიმდინარეობს ტოტალური შტურმი“, – ამის შესახებ საქართველოს კულტურის მინისტრმა,  თეა წულუკიანმა გადაცემა „ვახო ხუზმიაშვილის თავისუფალ სივრცეში“ განაცხადა. „მთელი ეს პოლიტიკური ხელისუფლება და პირველ რიგში, ჩემთვის ძალიან პატივსაცემი 84 ადამიანი, რომელმაც ამხელა ზეწოლის მიუხედავად, თავისი დამოუკიდებელი კანონმდებლის ფუნქცია შეასრულა და აჩვენა, რომ საქართველო გაბედული და დამოუკიდებელი სახელმწიფოა, ეს მათ აჩვენეს და ზოგიერთისთვის ეს ყოფილა დიდი ცოდვა“, – განაცხადა თეა წულუკიანმა.

,,ძირითად კანონში და ასევე შრომის კოდექსში 17 მაისი დაწესდება ოჯახის სიწმინდისა და მშობლების პატივისცემის დღედ, როგორც ეს უკვე 10 წელია აღინიშნება და გამოცხადდება უქმე დღედ”, – ამის შესახებ საქართველოს პარლამენტის თავმჯდომარემ შალვა პაპუაშვილმა განაცხადა.

შინაგან საქმეთა სამინისტროს ცენტრალური კრიმინალური პოლიციის დეპარტამენტის თანამშრომლებმა, გენერალურ პროკურატურასთან ერთად, კომპლექსურად ჩატარებული ოპერატიული ღონისძიებებისა და საგამოძიებო მოქმედებების შედეგად, მოსამართლის განჩინების საფუძველზე, თბილისში, „ქურდულ სამყაროსთან“ კავშირში მყოფი 3 პირი დააკავეს. „ქურდული სამყაროს“ წევრობის ფაქტზე დაკავებულები არიან: წარსულში ნასამართლევი 1969 წელს დაბადებული დ.თ. და 1990 წელს დაბადებული ვ.გ. (მეტსახელად „ბაჩი“). ხოლო, „ქურდული სამყაროს“ წევრისათვის მიმართვის ფაქტზე დაკავებულია წარსულში ნასამართლევი 1990 წელს დაბადებული დ.ც. ,,გამოძიებით დადგინდა, რომ ბრალდებულმა დ.ც.-მ ფინანსური დავის გადაწყვეტის მიზნით, „ქურდული სამყაროს“ წევრს – მეტსახელად „ბაჩის“ მიმართა. მეორე მხარემ თავის მხრივ, ასევე კრიმინალურ ავტორიტეტებს სთხოვა დახმარება, რის შემდეგაც, ბრალდებულ…

საქართველოში, რაჭაში დღეს დილით, 05:30 საათზე განმეორებითი მიწისძვრა მოხდა. სეისმური მონიტორინგის ეროვნული ცენტრის ცნობით, მიწისძვრის ეპიცენტრი ამჯერადაც ქალაქ ონთან, სოფელი ირი იყო. მიწისძვრის სიდიდე 3.7 მაგნიტუდა იყო. მანამდე 02:03 საათზე, იგივე ადგილზე 5.4 მაგნიტუდის სიდიდის მიწისძვრა მოხდა.

აჭარაში მოქმედი არასამთავრობო ორგანიზაციები განცხადებას ავრცელებენ, სადაც ნათქვამია, რომ 31 მაისიდან გამჭვირვალობის შესახებ კანონის წინააღმდეგ საპროტესტო აქციებში ჩართულ პირებს, უფლებადამცველების და მათი ოჯახის წევრებს ყოველდღიურად ემუქრებიან და სიტყვიერ შეურაცხყოფას აყენებენ. ზარები ხორციელდება როგორც უცხო სახელმწიფოში, ისე საქართველოში რეგისტრირებული ნომრებიდან. სამოქალაქო სექტორის წარმომადგენლებს აქვთ ეჭვი, რომ პერსონალური მონაცემები კანონის დარღვევით, სახელმწიფო უწყებების ბაზებიდანაა მოპოვებული. ,,ბათუმში, 2024 წლის 31 მაისიდან რუსული კანონის წინააღმდეგ საპროტესტო აქციებში ჩართულ პირებს, უფლებადამცველების და მათი ოჯახის წევრებს ყოველდღიურად ემუქრებიან და სიტყვიერ შეურაცხყოფას აყენებენ. ზარები ხორციელდება როგორც უცხო სახელმწიფოში, ისე საქართველოში რეგისტრირებული ნომრებიდან. ზარის განმახორციელებლები იყენებენ სიძულვილის და…

მოქალაქე, რომელსაც ,,ოცნების”დეპუტატი ნინო წილოსანი ,,ადევნებაში” ადანაშაულებს, გამოკითხვაზე დაიბარეს. როგორც დავით კუპრავა Facebook-ზე წერს, მან გამოკითხვა მაგისტრი მოსამართლის თანდასწრებით მოითხოვა. ,,დამიბარეს ცენტრალურ კრიმინალურ პოლიციაში გამოკითხვაზე ნინო წილოსანის ადევნების ფაქტზე. ვნახოთ, რა იქნება. არა რუსულ რეჟიმს! update: უარი განვაცხადე გამოძიებაში ჩვენების მიცემაზე და მოვითხოვე მაგისტრ მოსამართლესთან დაკითხვა! სიმართლე და მტკიცებულებები ჩემს მხარეს არის. ამიტომ, თუ ვინმეს უნდა ეშინოდეს, ეს რეჟიმია, რომელსაც საკუთარი მოქალაქეების პროტესტის ეშინია”, – წერს კუპრავა. წილოსანმა კუპრავას შინაგან საქმეთა სამინისტროში უჩივლა, რადგან პარტიულ ტელევიზიებთან კომენტარის დროს მოქალაქემ მას მანქანიდან მოღალატე დაუძახა. წილოსანი ამტკიცებს, რომ ადგილი აქვს “ადევნებას”. ის…

კულტურის მინისტრ თეა წულუკიანს ჰგონია, რომ ის მსახიობები, რომლებიც გამჭვირვალობის შესახებ კანონს სცენიდან აპროტესტებენ, შეცდომაში არაიან შეყვანილი. ამის შესახებ მან აჭარის ტელევიზიის ეთერში, გადაცემა ,,თავისუფალ სივრცეში” ისაუბრა. შეკითხვაზე, ფიქრობს თუ არა რომ მსახიობები შეცდომაში არიან შეყვანილი, მინისტრი პასუხობს: ,,ასე მგონია”. ,,ის ვინც თქვენ ნახეთ, ვინც კულტურის სამინისტროს სისტემაში საქმიანობენ, ანუ ჩვენი მხრიდან იღებენ ხელფასს, ამ ადამიანების მცირე რიცხვმა, სამწუხაროდ დაარღვია ის, რაც ყველაზე მეტად მაწუხებს. ასე არის ოდითგან, რომ ხაზი არსებობს უხილავი, ჯადოსნური, მისტიური, დარბაზსა და სცენას შორის. ეს დაარღვიეს…იმ დარბაზში ყველა არ ზის ერთ აზრზე და ბოდიშს ვიხდი ამ…

ახალგაზრდული მოძრაობა ,,დაფიონი” ხვალ, 5 ივნისს, 20:00 საათზე პარლამენტის წინ აქციას აანონსებს. ,,ჩვენ გადამწყვეტ ბრძოლაში ვართ ჩართულები დემოკრატიისა და თავისუფლებისათვის. ჩვენი რიცხობრივი უპირატესობით, თუ ხშირი და მცირე აქციებით დავღლით მოწინააღმდეგეს, მისი სისტემა შიგნიდან ნგრევას დაიწყებს. საჭიროა ადგილი, სადაც ,,ოცნება” აუცილებლად თავის რესურსს გამოიტანს. გელოდებით პარლამენტის წინ!”, – წერს მოძრაობა ,,დაფიონი”.

საქართველოში მიწისძვრა მოხდა. სეისმური მონიტორინგის ეროვნული ცენტრის ინფორმაციით მიწისქვეშა ბიძგების სიმძლავრე 5,4 მაგნიტუდას შეადგენდა. ეპიცენტრი რაჭაში, ონის სამხრეთ-აღმოსავლეთით 9 კილომეტრში მდებარე სოფელ ირიში დაფიქსირდა.

პუტინის ომს უკრაინაში კიდევ ერთი ქართველი მებრძოლი შეეწირა. ხვიჩა გვირჯიშვილი ხარკოვის მიმართულებით იბრძოდა. რა ვითარებაში დაიღუპა ქართველი გმირი და მოხერხდა თუ არა ცხედრის გამოყვანა ფრონტის ხაზიდან, უცნობია. ხვიჩა გვირჯიშვილი უკრაინაში ოკუპანტების წინააღმდეგ ომის დაწების პირველივე დღიდან იბრძოდა. დღემდე რუსეთის სამხედრო აგრესიას უკრაინაში 60-ზე მეტი ქართველი მებრძოლი ემსხვერპლა.

„საქართველოს თავისუფალი ხალხი რუსიფიკაციას წინააღმდეგობას ყოველთვის გაუწევს”-ევროპარლამენტარი, თიის როიტენი საქართველოს პარლამენტის თავმჯდომარის, შალვა პაპუაშვილის მიერ „უცხოური გავლენის გამჭვირვალობის შესახებ“ კანონზე ხელის მოწერას გამოეხმაურა. როიტენი ამბობს, რომ სანქციები უნდა დაუწესონ  ბიძინა ივანიშვილსა და მის მოკავშირეებს. „საქართველოს თავისუფალი ხალხი რუსიფიკაციას წინააღმდეგობას ყოველთვის გაუწევს. ისინი ევროკავშირის ნამდვილ მხარდაჭერას იმსახურებენ. დაუწესეთ სანქციები ბატონ ივანიშვილსა და მის მოკავშირეებს“ – წერს ევროპარლამენტარი  X-ზე.  

გარემოს ეროვნული საგენტო უახლოესი საათების განმავლობაში ამინდის მოსალოდნელი გაუარესების შესახებ ინფორმაციას ავრცელებს. ამავე ცნობით, 3 ივნისს, უახლოესი საათების განმავლობაში 4 ივნისის ღამის ჩათვლით შიდა ქართლში, ქვემო ქართლში, კახეთში, კავკასიონის ქედის მთიან და მაღალმთიან რაიონებში ზოგან შესაძლებელია ხანმოკლე წვიმა, ელჭექი, სეტყვა და ქარის გაძლიერება. „მოსალოდნელმა ნალექებმა შესაძლებელია საქართველოს გორაკ -ბორცვიან და მთიან ზონებში მეწყრულ – ღვარცოფული პროცესების ჩასახვა- გააქტიურება გამოიწვიოს. (საფრთხის დონე დაბალი)“ – ნათქვამია ინფორმაციაში.  

„2023 წელს ასევე დაფიქსირდა დასაქმებულთა რეკორდული რაოდენობა და უმუშევრობის მინიმალური მაჩვენებელი. დასაქმებულთა რაოდენობა 51 ათასით გაიზარდა და მილიონ 335 ათასი შეადგინა”- ამის შესახებ სამთავრობო პროგრამის შესრულების მიმდინარეობის შესახებ პრემიერის მოხსენებაშია აღნიშნული. მოხსენების თანახმად, 2024 წლის პირველ კვარტალში, უმუშევრობის დონემ ისტორიულ მინიმუმს მიაღწია. „მათ შორის, აღსანიშნავია, რომ დაქირავებით დასაქმებულთა რაოდენობა გაზრდილია 50 ათასით, რაც პროდუქტიულ დასაქმებაზე მიანიშნებს. უმუშევრობის დონე 2023 წელს შემცირდა 0.9 პროცენტული პუნქტით და 16.4%-ით განისაზღვრა. 2024 წლის პირველ კვარტალში, გაგრძელდა უმუშევრობის შემცირებისა და დასაქმების მზარდი დინამიკა და უმუშევრობის დონემ ისტორიულ მინიმუმს მიაღწია. 2024 წლის პირველ კვარტალში უმუშევრობის დონე,…