CNN-სა და Washington Post- ი გახდა დონალდ ტრამპის სამიზნე თეთრ სახლში გამართულ ბრიფინგზე.
აშშ-ის პრეზიდენტმა CNN-სა და Washington Post-ს ყალბი ახალი ამბების გავრცელებაში დასდო ბრალი. ტრამპმა CNN-ის ჟურნალისტს ჩრდილოეთ კორეის ლიდერის, კიმ ჩენ ინის შესახებ კითხვის დასმის საშუალება არ მისცა და განუცხადა, რომ ისინი სიმართლეს არ წერენ და CNN ყალბ ახალ ამბებს ავრცელებს.
ტრამპის თქმით, ჩრდილოეთ კორეის ლიდერის ჯანმრთელობის შესახებ ინფორმაცია ტყუილია, რის გავრცელებაშიც წვლილი CNN-ს მიუძღვის. ამასთან, აშშ-ის პრეზიდენტი კორონავირუსთან დაკავშირებით Washington Post-ის ჟურნალისტის დასმულმა შეკითხვამაც გააღიზიანა.
„შეწყვიტეთ მსგავსი პროვოკაციული შეკითხვების დასმა. მე აშშ-ის პრეზიდენტი ვარ, თქვენ კი ყალბი ახალი ამბების სააგენტო“ – განაცხადა მან.
