ტრამპის გამარჯვება ნიშნავს არაპროგნოზირებადობას კანადისთვის, – ამის შესახებ კანადის პრემიერ-მინისტრმა, ჯასტინ ტრუდომ განაცხადა.
მისი თქმით, რაც ყველაზე კარგად მუშაობდა და რაც მუშაობს აშშ-ის ყველა პრეზიდენტთან, არის იმის დემონსტრირება, რომ რაც კარგია კანადისთვის, ასევე კარგია აშშ-ისთვის და პირიქით.
„ვფიქრობ, კანადის ნებისმიერი მთავრობისთვის ერთ-ერთი მართლაც მნიშვნელოვანი რამ არის, გააგრძელოს კონსტრუქციული მუშაობა, როგორიც არ უნდა იყოს ამერიკული ადმინისტრაცია. ეჭვგარეშეა, რომ ჩვენ გადავლახეთ გამოწვევები, რომლებიც გვქონდა ტრამპის ადმინისტრაციისგან შვიდი წლის წინ, ოთხი წლის განმავლობაში, სადაც ჩვენ გამოვხატეთ ის ფაქტი, რომ კანადა და აშშ საუკეთესოდ აკეთებენ ამას, როდესაც ამას ერთად ვაკეთებთ, როცა კარგად ვართ ინტეგრირებული. ეს იქნება ჩვენი მიდგომა. ცხადია, ბატონი ტრამპი არაპროგნოზირებადია, მაგრამ ჩვენ ერთად ვიქნებით და ვემზადებით ყველა შესაძლო შემთხვევისთვის“, – განაცხადა ტრუდომ.
