ბოლო კვირებში ბევრ ქვეყანაში COVID19-ის, გრიპის და სხვა რესპირატორული დაავადებების ფაქტებმა იმატა. ვირუსის ფაქტების მატების ტენდენცია დღესასწაულების შემდეგაც გაგრძელდება. ამის შესახებ ჯანმრთელობის დაცვის მსოფლიო ორგანიზაციის პრეზიდენტმა, ტედროს გებრეისუსმა X-ში დაწერა.
მისი თქმით, სიმპტომების შემთხვევაში ადამიანებმა მაშინვე სამედიცინო დაწესებულებებს უნდა მიმართონ, რათა ვირუსის მწვავე და ლეტალური შედეგი თავიდან იყოს აცილებული.
„გამოიყენეთ პირბადეები, ხშირად გაანიავეთ ოთახები, დაიცავით დისტანცია, და დარწმუნდით, რომ თქვენმა ახლობლებმა COVID19-გან და გრიპის ვირუსისგან ვაქცინაცია ჩაიტარეს“,- წერს ტედროს გებრეისუსი.
მან მოუწოდა მთავრობებს, რომ უზრუნველყონ მოსახლეობის წვდომა ტესტებისა და ვაქცინებისადმი, განსაკუთრებით ეს რისკ-ჯგუფებში შემავალ ადამიანებს ეხება.
