თამაზ გინტურის შემზარავი მკვლელობა, ისევე როგორც საქართველოს მოქალაქეების გატაცება, არაკანონიერი დაკავება, წამება, არის რუსეთის ფედერაციის საოკუპაციო ძალების პირდაპირი პასუხისმგებლობა, – ამის შესახებ სტრასბურგში, ევროპარლამენტის სესიაზე დებატებისას ევროპარლამენტარმა, მირიამ ლექსმანმა განაცხადა.
მისი თქმით, ყველა პასუხისმგებელი პირი უნდა დაისაჯოს, მათ შორის, სანქციებით.
„ჩვენი ძლიერი ტექსტი ევროპარლამენტის მხრიდან საქართველოს ტერიტორიული მთლიანობისა და სუვერენიტეტის, ადამიანის უფლებების დაცვის მიმართ მხარდაჭერის გამოვლინებაა. მე ფუნდამენტურად ვგმობ საქართველოს მოქალაქის, თამაზ გინტურის მკვლელობას. მინდა მკაფიოდ განვაცხადო, რომ ეს შემზარავი მკვლელობა, ისევე როგორც საქართველოს მოქალაქეთა მკვლელობის ყველა შემთხვევა, მოქალაქეების გატაცება, არაკანონიერი დაკავება, წამება, არის რუსეთის ფედერაციის საოკუპაციო ძალების პირდაპირი პასუხისმგებლობაა. ეს არ მოხდებოდა, რომ არა რუსეთის მიერ საქართველოს ტერიტორიის ოკუპაცია. სწორედ ამიტომ ყველა პასუხისმგებელი პირი უნდა დაისაჯოს, მათ შორის, სანქციებით. რუსეთმა უნდა შეწყვიტოს საქართველოს ოკუპაცია. ჩვენ ვართ საქართველოს გვერდით, მხარს ვუჭერთ ქართველი ხალხის ევროპულ და ევროატლანტიკურ მისწრაფებებს და ვგმობთ რუსეთის, მათი მარიონეტების ყველა მცდელობას, ხელი შეუშალოს ამ მიზნების მიღწევას“,- განაცხადა ევროპარლამენტარმა.
