ვაკის პარკში მომხდარი ტრაგედიის საქმეზე სასამართლოს გადაწყვეტილება ცნობილია. მოსამართლის გადაწყვეტილებით, დაკავებული ცხრა პირიდან ერთი გამართლდა, ხოლო რვას სხვადასხვა ვადით პატიმრობა მიესაჯა.
გამამართლებელი განაჩენი დადგა ვალერი გობეჯიშვილის მიმართ.
”გრინსერვის +-ის” დირექტროს ლაშა ფურცხვანიძეს ექვსი წლის ვადით პატიმრობა მიესაჯა, გიორგი გობეჯიშვილს ოთხი, მშენ-ექსპერტის” დირექტორ ნუგზარ ქიტიაშვილსა და “მშენ-ექსპერტის” ექსპერტ დავით თუშიშვილს – 3 წლითა და 6 თვით, ხოლო ლაშა ჭიღიტაშვილს, დევი კახოიძეს, გიორგი ვახტანგაშვილსა და ბექა მურღვლიანს სამ-სამი წლის ვადით.
2022 წლის 13 ოქტომბერს ვაკის პარკში თამაშის დროს ბავშვებს ბურთი შადრევანში ჩაუვარდათ. ბურთის ამოღებისას სამ არასრულწლოვანს დენმა დაარტყა. ერთ-ერთი მოზარდი, 13 წლის მარიტა მეფარიშვილი გარდაიცვალა.
პოლიციამ მოსამართლის განჩინების საფუძველზე გასული წლის 18 ოქტომბერს, 9 პირი დააკავა.