ატლანტის ოკეანეში გაუჩინარებული, წყალქვეშა ნავის სამძებრო ოპერაცია ინტენსიურ რეჟიმში მიმდინარეობს. წყალქვეშა ნავი, რომელიც „ტიტანიკის“ ნამსხვრევებს იკვლევდა, კვირას გაუჩინარდა. მაშველებს რამდენიმე საათი რჩებათ დაკარგულ წყალქვეშა ნავში მყოფი 5 ადამიანის საპოვნელად.
უცხოური მედიის ინფორმაციით, „ტიტანში” ბრიტანელი მილიარდერი და მკვლევარი ჰამიშ ჰარდინგი, ფრანგი მყვინთავი პოლ ანრი ნარჟოლე, პაკისტანელი ბიზნესმენი შაჰზადა დავუდი და მისი ვაჟი სულეიმანი და აპარატის მფლობელი კომპანია OceanGate-ის დამფუძნებელი სტოკტონ რაში იმყოფებიან.
ცნობისთვის, აღნიშნული ტურის სარგებლობისთვის თითოეულ მათგანმა 250 000 დოლარი გადაიხადა.