ჯანდაცვის სამინისტროს „სამედიცინო და ფარმაცევტული საქმიანობის რეგულირების სააგენტოს“ სახელმწიფო პროგრამების რევიზია/კონტროლის სამმართველოს უფროსმა, ეკა ბოჭორიშვილმა, „ჯანმრთელობის დაცვის შესახებ“ საქართველოს კანონში შესატან ცვლილებებთან დაკავშირებით ”მედიაცენტრ მთავარში” ისაუბრა.
კითხვაზე, თუ რა ტიპის ინფორმაცია იქნება საკმარისი „სამედიცინო და ფარმაცევტული საქმიანობის რეგულირების სააგენტოსთვის“, რომ კლინიკაში შესამოწმებლად შევიდეს, ეკა ბოჭორიშვილი პასუხობს:
,,თუ რეგულირების სააგენტოში მოვიდა ინფორმაცია სოციალური ქსელის, ცხელი ხაზისა ან პაციენტისა თუ მისი კანონიერი წარმომადგენლის მხრიდან, სააგენტომ დაუყოვნებლივ უნდა მოახდინოს რეაგირება. ეს შეიძლება იყო ხარისხის ან რევიზიის კონტროლი. ასევე, შემოწმება სანებართვო – სალიცენზიო პირობების შეუსრულებლობაზე,”- განაცხადა ეკა ბოჭორიშვილმა ”მედიაცენტრ მთავარში”.
ინფორმაციისთვის, ცვლილებებიდან გამომდინარე, რეგულირების სააგენტოს შეეძლება, მიმწოდებელ დაწესებულებას მიმართოს, ფოტოგადაღება, ვიდეოგადაღება მოახდინოს, ნებისმიერი მასალა ამოიღოს, ეს იქნება სამედიცინო დოკუმენტაციის დალუქვა, ექიმებისგან განმარტებების მიღება და ა.შ. ეს სააგენტოს საქმიანობას ძალიან ეფექტიანს გახდის და, რაც მთავარია, პაციენტებისთვის ძალიან მნიშვნელოვანი იქნება.
“ძირითადი მიზანია მაკონტროლებელი ორგანოს ფუნქციების გაზრდა” – ეკა ბოჭორიშვილი “მედიაცენტრ მთავარში”
