დღე: სექტემბერი 25, 2024

ლიბანში პეიჯერების და რაციების აფეთქების შედეგად დაჯგუფება „ჰეზბოლას“ 1 500-მდე მებრძოლი ქმედითუუნარო გახდა. მებრძოლთა უმეტესობამ მხედველობა დაკარგა, ხოლო ნაწილი ზედა კიდურების გარეშე დარჩა. როგორც Reuters-ი იუწყება, მიუხედავად იმისა, რომ პეიჯერების აფეთქებამ „ჰეზბოლას“ სერიოზული ზიანი მიაყენა, დაჯგუფებას მაინც ჰყავს 40-დან 50 ათასამდე მებრძოლი. დაჯგუფების ლიდერის ჰასან ნასრალას განცახებით კი, „ჰეზბოლას“ 100 ათასი მებრძოლი ჰყავს. სექტემბერში ლიბანში პეიჯერები და რაციები აფეთქდა, რომლებსაც „ჰეზბოლას“ წევრები იყენებდნენ. შედეგად 39 ადამიანი დაიღუპა. ლიბანი და „ჰეზბოლა“ მომხდარში ისრაელს ადანაშაულებენ, რომელიც ბრალდებებს უარყოფს.

მეტი...

აშშ-ის სენატში „ქართველი ხალხის აქტის“ შესახებ მოსმენა გადაიდო. ინფორმაცია აშშ-ის სენატის საგარეო ურთიერთობათა კომიტეტის ვებგვერდზე ვრცელდება. ორპარტიული კანონპროექტის შესახებ გასამართი შეხვედრის თარიღი, ჯერჯერობით უცნობია. შეგახსენებთ, რომ ,,ქართველი ხალხის აქტი” დემოკრატმა სენატორმა ჯინ შაჰინმა და რესპუბლიკელმა ჯიმ რიშმა შეიმუშავეს. დოკუმენტი ქართველი მაღალჩინოსნების სანქცირებასა და ქართველი ხალხის მხარდაჭერას გულისხმობს.

მეტი...

აზერბაიჯანის საგარეო საქმეთა მინისტრი ჯეიჰუნ ბაირამოვი აშშ-ის სახელმწიფო მდივნის ენტონი ბლინკენის შუამავლობით 26 სექტემბერს ნიუ-იორკში სომეხ კოლეგას არარატ მირზოიანს შეხვდება. ინფორმაციას აზერბაიჯანული მედია ქვეყნის საგარეო საქმეთა სამინისტოს პრეს-სპიკერზე აიჰან გაჯიზადეზე დაყრდნობით ავრცელებს. „26 სექტემბერს ნიუ-იორკში აშშ-ის სახელმწიფო მდივნის ენტონი ბლინკენის ინიციატივითა და მონაწილეობით აზერბაიჯანის საგარეო საქმეთა მინისტრის ჯეიჰუნ ბაირამოვის და სომხეთის საგარეო საქმეთა მინისტრის არარატ მირზოიანის შეხვედრა იგეგმება“, – თქვა გაჯიზადემ. როგორც აზერბაიჯანის საგარეო უწყების წარმომადგენელმა აღნიშნა, შეხვედრის დეტალები ჯერჯერობით უცნობია. ბაირამოვი და მირზოიანი ნიუ-იორკში გაეროს გენერალური ასამბლეის სხდომაში იღებენ მონაწილეობას.

მეტი...

,,ჩვენ არც რუსეთის და არც ამერიკის სამსახურში ვართ, გვაქვს ჩვენი პოლიტიკა და ჩვენი ინტერესები”, – განაცხადა სერბეთის პრეზიდენტმა გაეროს გენერალური ასამბლეის 79-ე სესიაზე სიტყვის გამოსვლისას. ალექსანდრ ვუჩიჩმა დასავლეთის ქვეყნებს მოუწოდა ტერიტორიული მთლიანობის საკითხებში სერბეთს ისევე დაუჭირონ მხარი, როგორც ამას უკრაინასთან მიმართებით აკეთებენ. „როდესაც ლიდერები აქ დიდი ენთუზიაზმით საუბრობენ უკრაინის თავისუფლების აუცილებლობაზე, გაეროს და მისი წესდების, რეზოლუციების დაცვაზე, გვიჩნდება კითხვა – რატომ არ იცავენ ისინი გაეროს რეზოლუციას, როდესაც საქმე ეხება სერბეთის ტერიტორიულ მთლიანობას? მსოფლიო უკრაინაზე ლაპარაკობს, სერბეთზე ლაპარაკს კი ვერ ბედავს. ამბობენ, თითქოს ჩვენ ბალკანეთში ომს დავიწყებთ რუსეთის დაკვეთით. ისინი ორ…

მეტი...

თურქეთის პრეზიდენტმა გაეროს გენერალურ ასამბლეაზე სიტყვით გამოსვლისას პარიზის ზაფხულის ოლიმპიადის გახსნის ცერემონია გააკრიტიკა და მას სამარცხვინო უწოდა. რეჯეფ თაიფ ერდოღანის თქმით, ცერემონიაზე ნაჩვენებმა სცენებმა დეგენდერიზაციის საფრთხის მასშტაბი გამოავლინა. მსოფლიოს იმ ქვეყნების ლიდერებს, რომლებიც თურქეთის შეშფოთებას იზიარებენ, მან ოჯახური ღირებულებების დაცვისკენ მოუწოდა. „საზოგადოების ფუნდამენტურ საყრდენზე, ოჯახის ინსტიტუტზე თავდასხმა სულ უფრო ინტენსიური ხდება. 2024 წლის ოლიმპიური თამაშების გახსნაზე ნაჩვენებმა სცენებმა გამოავლინა საფრთხის მასშტაბები, რომლის წინაშეც კაცობრიობა დგას. სპორტული ღონისძიება, რომელსაც ბავშვები და ყველა ასაკისა და რწმენის ასობით მილიონი ადამიანი უყურებდა, გამოყენებული იყო ყველაზე მახინჯი გზით დეგენდერიზაციის პროპაგანდისთვის. ამ უზნეო სცენებმა ღრმა ჭრილობა…

მეტი...

,,რესპუბლიკური” პარტიის პრეზიდენტობის კანდიდატმა დონალდ ტრამპმა განაცხადა, რომ აშშ არ უნდა იყოს ჩართული უკრაინაში მიმდინარე ომში. მისი თქმით, ამ ომში ქვეყანა ბაიდენმა და ჰარისმა ჩაითრია და ახლა მისი უკან გამოყვანა აღარ შეუძლიათ. ეს განცხადება პრეზიდენტობის კანდიდატმა ჯორჯიის შტატში სიტყვით გამოსვლისას გააკეთა. ,,ბაიდენმა და ჰარისმა ჩაგვითრიეს ამ ომში და ახლა უკან ვეღარ გამოვყავართ, არც აქვთ გეგმაში, რომ უკან გამოგვიყვანონ”, – განაცხადა დონალდ ტრამპმა. მისივე თქმით, მართალია, აშშ პირდაპირ არ იღებს მონაწილეობას ომში, მაგრამ უკრაინას მილიარდობით საბრძოლო და ჰუმანიტარული მასალით ამარაგებს.

მეტი...

ირანის პრეზიდენტმა მასუდ პეზეშკიანმა გაეროს გენერალურ ასამბლეაზე გამოსვლის დროს განაცხადა, რომ მისი ქვეყანა მზადაა იმუშაოს მსოფლიოს ძლიერ სახელმწიფოებთან, რათა ბირთვული დაპირისპირება დასრულდეს. მისი თქმით, რუსეთ-უკრაინის ომი დიალოგის გზით უნდა დასრულდეს. პეზეშკიანმა თავისი გამოსვლის დროს ისრაელი, რომელსაც ირანი მტრად აღიქვამს, ღაზის სექტორში გენოციდში დაადანაშაულა და აღნიშნა, რომ ეს დაუყოვნებლივ უნდა შეჩერდეს. ირანის ლიდერმა იმედი გამოთქვა, რომ აშშ ბირთვული პროგრამის გამო შემოღებულ სანქციებს შეარბილებს. „ჩვენ ვეძებთ მშვიდობას ყველასთვის და არცერთ ქვეყანასთან კონფლიქტს არ ვაპირებთ. ირანი ომის წინააღმდეგ გამოდის და უკრაინაში სამხედრო კონფლიქტის დაუყოვნებლივ შეჩერების აუცილებლობას ხაზს უსვამს“, – აღნიშნა პეზეშკიანმა.

მეტი...

სლოვაკეთის მთავრობის კანცელარიამ პრემიერ-მინისტრ რობერტ ფიცოს სახელზე კონვერტი მიიღო, რომელშიც ცეცხლსასროლი იარაღის ტყვია იდო. ინფორმაციას ადგილობრივი მედია ავრცელებს. ტყვია კონვერტში სახელმწიფო დაცვის სამსახურის წევრებმა აღმოაჩინეს, რომლებიც დილით პრემიერის სახელზე მოსულ კორესპონდენციას ამოწმებდნენ. კონვერტის გამომგზავნის ვინაობა, ჯერჯერობით, უცნობია. შეგახსენებთ, რომ სლოვაკეთის პრემიერ-მინისტრზე თავდასხმა 15 მაისს განხორციელდა, რის შედეგადაც ის მძიმედ დაიჭრა.

მეტი...

უცნობმა ადამიანებმა ცეცხლსასროლი იარაღიდან არიზონის შტატის ქალაქ ტემპეში მდებარე „დემოკრატიული“ პარტიის ოფისი დაცხრილეს. ამერიკული ტელეარხის ცნობით, შემთხვევა აშშ-ის პრეზიდენტობის კანდიდატის „დემოკრატიული“ პარტიიდან კამალა ჰარისის ტემპეში ჩასვლამდე რამდენიმე დღის წინ მოხდა. უცნობმა პირებმა ცეცხლი „დემოკრატების“ ოფისის მიმართულებით გვიან ღამით გახსნეს. იმ დროს შენობაში არავინ იმყოფებოდა, თუმცა, როგორც ადგილობრივი პოლიცია იუწყება, სროლა შემთხვევით გამვლელებს სერიოზულ საფრთხეს უქმნიდა. NBC News-ის ცნობით, ეს ტემპეში მდებარე „დემოკრატების“ ოფისის დაცხრილვის უკვე მეორე შემთხვევაა. პირველად პარტიის ოფისი 16 სექტემბერს დააზიანეს.

მეტი...

აშშ-ის პროკურორებმა დონალდ ტრამპის გოლფის მოედანთან დაკავებულ მამაკაცს, საპრეზიდენტო კანდიდატის მკვლელობის მცდელობისთვის ბრალი წაუყენეს. თუკი მას ამ ბრალდებას დაუმტკიცებენ, მას უვადო თავისუფლების აღკვეთა ემუქრება. ,,საჯარო მოხელეების მიმართ ძალადობა საფრთხეს უქმნის ყველაფერს, რასაც ჩვენი ქვეყანა მხარს უჭერს”, – განაცხადა გენერალურმა პროკურორმა, მერიკ გარლანდმა და აღნიშნა, რომ გამოიყენებს ყველა ხელმისაწვდომ ინსტრუმენტს ეჭვმიტანილის პასუხისმგებლობაში მისაცემად. შეგახსენებთ, რომ 58 წლის რაიან როუთს იარაღის ქონის გამო სხვადასხვა ბრალდებებით სულ მცირე უკვე 20-წლიანი პატიმრობა ემუქრება.

მეტი...

,,ისრაელი ღიაა ლიბანში კონფლიქტის დეესკალაციის იდეებისთვის”, – განაცხადა გაეროში ისრაელის ელჩმა, დანი დანონმა. მისი თქმით, ისრაელი სერიოზულად განიხილავს მოკავშირეთა იდეებს დეესკალაციის შესახებ. ამასთან, დანი დანონმა აღნიშნა, რომ ისრაელს ურჩევნია კონფლიქტის დიპლომატიური გზით გადაწყვეტა. „ჩვენ არ გვინდა სადმე სახმელეთო შეჭრა, გვირჩევნია დიპლომატიური გადაწყვეტა. ჩვენ ჯერ კიდევ ვფიქრობთ, რომ ძალიან გვიან არ არის ლიბანის მთავრობისთვის, ლიბანელი ხალხისთვის, რომ მოახდინონ ზეწოლა „ჰეზბოლაზე“, რათა შეაჩერონ მათი აგრესია“, – განაცხადა დანონმა. ჟურნალისტის კითხვაზე, რა იდეებს განიხილავენ ამჟამად, დანონმა განაცხადა, რომ დეტალების შესახებ ვერ ისაუბრებს.

მეტი...

,,ნეთანიაჰუ და მისი მკვლელობის ქსელი, ჰიტლერის მსგავსად, კაცობრიობის ალიანსმა უნდა შეაჩეროს”, – განაცხადა თურქეთის პრეზიდენტმა, რეჯეფ თაიფ ერდოღანმა გაერო-ს გენერალურ ასამბლეაზე სიტყვით გამოსვლისას. მისი თქმით, ისრაელის დამოკიდებულებამ კიდევ ერთხელ აჩვენა, რომ საერთაშორისო თანამეგობრობისათვის აუცილებელია პალესტინელი მშვიდობიანი მოსახლეობის დაცვის მექანიზმის შემუშავება. „ისრაელის თავდასხმის შედეგად ღაზა გახდა ბავშვებისა და ქალების მსოფლიოში ყველაზე დიდი სასაფლაო. 17 000-ზე მეტი ბავშვი იყო ისრაელის ტყვიებისა და ბომბების სამიზნე. საერთაშორისო პრესის ორგანიზაციებო, ის ჟურნალისტები, რომლებიც ისრაელმა დახოცა და მათი ოფისები დაარბია, თქვენი კოლეგები არ არიან? გაერო-ს უსაფრთხოების საბჭო, რას ელოდებით, რომ თავიდან აიცილოთ ღაზის გენოციდი და თქვათ…

მეტი...

,,მსოფლიოში დაუსჯელობის დონე პოლიტიკურად გაუმართლებელი და მორალურად დაუშვებელია”, – განაცხადა გაერო-ს გენერალურმა მდივანმა, ანტონიუ გუტერეშმა გაერო-ს გენერალურ ასამბლეაზე სიტყვით გამოსვლისას. გუტერეშმა უკრაინაში, ახლო აღმოსავლეთსა და სუდანში მიმდინარე კონფლიქტებზე ისაუბრა და აღნიშნა, რომ დღეს მზარდია იმ მთავრობებისა და სხვა ჯგუფების რაოდენობა, რომლებიც თავს გრძნობენ ისე, თითქოს „ციხისგან გათავისუფლების ბარათს“ ფლობენ. „მსოფლიოში დაუსჯელობის დონე პოლიტიკურად გაუმართლებელი და მორალურად დაუშვებელია. დღეს მთავრობებისა და სხვათა მზარდი რაოდენობა თავს გრძნობენ ისე, თითქოს აქვთ ციხისგან გათავისუფლების ბარათი. მათ შეუძლიათ, დაარღვიონ საერთაშორისო სამართალი. დაარღვიონ გაერო-ს წესდება. მათ შეუძლიათ, თვალი დახუჭონ საერთაშორისო კონვენციებზე ან საერთაშორისო სასამართლოების გადაწყვეტილებებზე. მათ…

მეტი...